21 Chɛ gbakɔ, maeka dɔndɔ min ni gbasa, a‑a sen gbugbu wa ya, mbɛ a‑a a a dɛ kɔ yii ɔ, a ɔ, “Babidon duu wa chɛ, ɛ kasaa‑a ka wan gbasaya ɔ. Ɛ ma‑a duu wa tombo an na kuɔ fɔ.
Chɛ gbakɔ, mbɛ n‑na maeka dɔ mende yen yii‑a, a ka banda bu ɔ, min ni gbasa. A ma koa ni dugbu an na, ninkinankantuu tindandenɛ ɛ a kunɛ a. A ya kɔɔɛ ni man tena wan yɔ tee, a chenɛ n sin ni wan yɔ ta sanku manɛ.
An mbe sɔ‑a wan pɔɔ, an mbe chian‑da, an ma na tɔɔya chɛ ɔ bia, ɛ min dɔ. An mbe a fɔ‑a wan, an dɔ, “Kasaa ma chianden mu gba, kasaa ma chianden mu gba, i duu wa gbasayaen ba chɛ ko a. I wan Babidon duu chɛ, awa dɔndɔ gbe kɔɔ ka, i tɔɔ‑a ka.”
Kɔninka kuiɛ, a basan mɔ gbu n ta a, koee fɛ mɔɛ nu, an bɛ buu fɛ n na, an na ee min‑da to nɔ. Wai chɛ mɔ ee ma‑a a ɔ, wai ee ma‑a, min mbe to‑a nɔ. Daun fen tu kuiɛ ee bɔ‑a to a ɔ.
Mbɛ n‑na mansa sea wa dɛgbɛ yen banda bu ɔ, a gbɛenɛ fion, Yataa ɛ si ɔ a ma. A bɔ‑a kɛn dechee a a, duu gboo fea banda a, an tuin‑da, mɔ ɔ mɔ ma an yen ni to.