KO Ɔ NUNDENƐ 18:14 - Yataa 'a Dɔbɛnɛ Nama

¹⁴ Mbɛ yua mɔɛ chɛ n‑na a fɔ a ma, an dɔ, “I faa ma fen chɛ n gbɛɛ, an tuin‑da i ma, i 'a nyanɛ gbɛɛ, fenɛ miin gbɛɛ, miin mbe i 'a gboo ma nyanɛ kun ma chɛ, i fo‑a an na kuɔ fɔ ko a. A sin, an ma ee sɔn‑da to kuɔ fɔ.”

KO Ɔ NUNDENƐ 18:14 ပူးပေါင်းရင်းမြစ်များ

MATIU 11:8

Wo na‑a ta nyɔn yen koe a? Wo nii ma ta ni mɔɛ an yen koe a, min ma chiien ni koa baa gbandenɛ ɔ. Tea ko a, mɔɛ miin mbe an ma chii ka, an mbe ma kata an fan dɔ.

DUKU 12:20

Chɛɛ Yataa‑a a fɔ wan a ye, a ɔ, ‘I wooen mu. Yɛɛ chɛ ma, e fa tena wan. Ni i sin fa‑a, fen chɛ n gbɛɛ, i‑a miin na sɔn ka i wandi ko a, i wan ta ee ma‑a an na.’ ”

DUKU 16:25

“Chɛɛ Ebeami ɔ, ‘N 'na den, i yii na chii, mbɛ tima min na i ni fɔɛ ɔ, Yataa na‑a fen chɛndɛ kan kɔ kan be wan i ma, i toen ni min na. Chɛɛ Dasayɔsi tana, a na‑a ko yawaenɛ dechee an dɔ yen. Chɛɛ sanche gbɛ, ɛ gbɛ buɔdia wa an dɔ nɛ, i sin mbe tɔɔya ɔ.

GBOO SAA KƆYINDI KO A 10:6

Koe chɛ n ma‑a, ma koe a dasi an na mmɔ tena. An ni a ma, mmɔ ma mmɔ faa chɛ koe n ma koe ɔ, miin yau, yɔ an na‑a miin ma.

CHIMISI 4:2

Wo toen mu fenɛ n na, wo ee che miin ma sɔn‑da. Wo e to wo bɔɛ n boo fenɛ n na yama yama, chɛɛ wo ee an ma sɔn. Wo e koɔ, wo e butuinɛ chɛ. Wo e mɔɛ fa wan, boo fen koe a. Wo ee fen chɛ n gbɛɛ ma sɔn, wo toen mu miin na. Koe min na mu, wo ee Yataa ɔ tisa.

KO Ɔ NUNDENƐ 18:13

A yɛ to, fenɛ miin mbe chɛ da ɔ, daun fenɛ dia koe a, an ni wan nɔ. Tu kunyɛ a diama kani kani kan kɔ kan, a basan pɔɔda kani kan kɔ kan na, an baa gbanden ba. Gbɛ wɛɛ, a basan tu a, min ni bɔ wodifi kɔnɛ gbɔɛ ɔ, ni feawa, a basan fen chɛ a, ɛ nyan fenɛ min dɔ. Ninchi n bɛɛ, an basan sa n na, soo nu, an basan mɔto gbingbi chɛ n na, soo n mbe miin sawan ka. Mɔɛ n bɛɛ ni wan nɔ, miin ni yɔnɛ n na, an basan mɔɛ n na, miin bia‑a chɛɛ ɔ.

KO Ɔ NUNDENƐ 18:15

Yua mɔɛ chɛ nu, miin ta mu fee fen ba chɛ n na, miin‑na duu chɛ 'a nyanɛ ɔ daun ka, an mbe ee gbɛn‑da a ma. An mbe sɔ‑a wan pɔɔ, an mbe chian‑da a 'a tɔɔya ma, chɛɛ an mbe di chɛ‑a wan a ko a, aan an ya yii ni bɔn.