KO Ɔ NUNDENƐ 18:13 - Yataa 'a Dɔbɛnɛ Nama

¹³ A yɛ to, fenɛ miin mbe chɛ da ɔ, daun fenɛ dia koe a, an ni wan nɔ. Tu kunyɛ a diama kani kani kan kɔ kan, a basan pɔɔda kani kan kɔ kan na, an baa gbanden ba. Gbɛ wɛɛ, a basan tu a, min ni bɔ wodifi kɔnɛ gbɔɛ ɔ, ni feawa, a basan fen chɛ a, ɛ nyan fenɛ min dɔ. Ninchi n bɛɛ, an basan sa n na, soo nu, an basan mɔto gbingbi chɛ n na, soo n mbe miin sawan ka. Mɔɛ n bɛɛ ni wan nɔ, miin ni yɔnɛ n na, an basan mɔɛ n na, miin bia‑a chɛɛ ɔ.

KO Ɔ NUNDENƐ 18:13 ပူးပေါင်းရင်းမြစ်များ

1 TIMOTI 1:10

A yɛ to, ɛ ko tɛ mɔɛ chɛ n fan ko a, mɔɛ miin mbe an bɔ mɔ kaima mun an 'na musu a. Mɔɛ chɛ n bɛɛ, miin mbe fania fɔ, ni miin mbe fania siiya chɛ. Mɔ ma tachɛ mɔɛ nu, ni miin mbe koe n ma, min kaen mu kan chɛndɛ chia ma.

2 PITA 2:3

Fania kan chɛ mɔɛ chɛ n fen ko yaen mu kaka. Chɛ an mbe a ma, an mbe tai n dɔ bɛn bɛn a fɔ koe a wo ye, min mbe na tɔnɔnɛ a an tena. Chɛɛ Yataa wɛn mbe kaa a tɛ tena an bakoe ma, a ni an tɔɔ, a ɔ mɛen mu gbɛ, a ma bɛndenɛ ɛ. A sin mbe an kasaa tena wan, a ee chinɔɛ ɔ ɛnden bɛɛ a.

KO Ɔ NUNDENƐ 18:14

Mbɛ yua mɔɛ chɛ n‑na a fɔ a ma, an dɔ, “I faa ma fen chɛ n gbɛɛ, an tuin‑da i ma, i 'a nyanɛ gbɛɛ, fenɛ miin gbɛɛ, miin mbe i 'a gboo ma nyanɛ kun ma chɛ, i fo‑a an na kuɔ fɔ ko a. A sin, an ma ee sɔn‑da to kuɔ fɔ.”

KO Ɔ NUNDENƐ 18:15

Yua mɔɛ chɛ nu, miin ta mu fee fen ba chɛ n na, miin‑na duu chɛ 'a nyanɛ ɔ daun ka, an mbe ee gbɛn‑da a ma. An mbe sɔ‑a wan pɔɔ, an mbe chian‑da a 'a tɔɔya ma, chɛɛ an mbe di chɛ‑a wan a ko a, aan an ya yii ni bɔn.