KO Ɔ NUNDENƐ 18:11 - Yataa 'a Dɔbɛnɛ Nama

¹¹ Yua mɔɛ miin gbɛɛ, an mbe dunya ma, an mbe di chɛ‑a wan a ko a, koe min na mu, mɔ ɔ mɔ ee to nɔ an 'na fee n chɛ koe a.

KO Ɔ NUNDENƐ 18:11 ပူးပေါင်းရင်းမြစ်များ

MATIU 22:5

Chɛɛ an mɔɛ chɛ n ma an too ma sɔ ni, kai chɛ 'a sakana chɛ ma. Mɔɛ dɔndɔɛ ta‑a wan a 'a sɛnɛ ɔ, dɔndɔɛ sin ta‑a fee fen ma tachɛ tena. An dɔ n ta‑a an ma gbɔsɔɛ n dɔ.

CHƆN 2:16

Mɔɛ chɛ n sin, miin ni ka bugbɔɛ ma tachɛ‑a, a ɔ an ma, “Wo bɔ nɛ wo 'a bugbɔɛ chɛ n na. Wo sɛmbɛ Fa 'a chenɛ ma koe a fee fen ma tachɛ chenɛ a.”

2 PITA 2:3

Fania kan chɛ mɔɛ chɛ n fen ko yaen mu kaka. Chɛ an mbe a ma, an mbe tai n dɔ bɛn bɛn a fɔ koe a wo ye, min mbe na tɔnɔnɛ a an tena. Chɛɛ Yataa wɛn mbe kaa a tɛ tena an bakoe ma, a ni an tɔɔ, a ɔ mɛen mu gbɛ, a ma bɛndenɛ ɛ. A sin mbe an kasaa tena wan, a ee chinɔɛ ɔ ɛnden bɛɛ a.

KO Ɔ NUNDENƐ 18:15

Yua mɔɛ chɛ nu, miin ta mu fee fen ba chɛ n na, miin‑na duu chɛ 'a nyanɛ ɔ daun ka, an mbe ee gbɛn‑da a ma. An mbe sɔ‑a wan pɔɔ, an mbe chian‑da a 'a tɔɔya ma, chɛɛ an mbe di chɛ‑a wan a ko a, aan an ya yii ni bɔn.

KO Ɔ NUNDENƐ 18:20

Wo wɛn mbe banda bu ɔ, wo buɔdia bɔ, Babidon yɔn koe a Yataa boo ɔ. Yataa 'a mɔɛ nu, Chisɔsi 'a sɔ mɔɛ gbau gbau nu, wo buɔdia bɔ, wo bɛ Yataa 'a gbonka chɛ mɔɛ n gbɛɛ a. Koe min na mu, Yataa‑a kaa a tɛ Babidon duu wa chɛ ma koe chɛ n ko a, a na‑a miin ma wo a.

KO Ɔ NUNDENƐ 18:23

Dambo wɛɛ ee manɛ be‑a to nɔ. Musu fuu mɔɛ nu, an 'na sɛnama nu, an kuiɛ a ee min‑da to nɔ. A 'a yua nu, an kan nyɔn nii dunya ɔ, a 'a suaya wa, a‑a dunya bun fan.”

KO Ɔ NUNDENƐ 18:3

Dunya gbɛɛ‑a Babidon 'na gbɛ yama chɛ min, a 'a gbɛ yama min mbe yiima yama ma munda ka, a bɛbɛɛ ko tɛ. Dunya ma mansa gbɛɛ, an‑na waa ma basan a a, yua mɔɛ n nyan‑da a ɔ, a kunɛ a fuindenɛ ɛ duu diaya a.”

KO Ɔ NUNDENƐ 18:9

Mbɛ dunya ma mansa chɛ nu, miin‑na waa ma basan a a, a 'a duu diaya chɛ ɔ, an mbe di chɛ‑a wan, an 'na duu wa chɛ ko a. Ni an‑na a sisi yen bɔ‑a, an mbe di chɛ‑a wan, aan an ya ni yawa.