KO Ɔ NUNDENƐ 17:6 - Yataa 'a Dɔbɛnɛ Nama

⁶ Mbɛ n‑na a ɔ yen, mbɛ musu chɛ gbɛ tɔɛ ni, mɔɛ chɛ n wii a, Yataa 'a mɔɛ chɛ nu, an na‑a miin fa, bea koe a Chisɔsi fɛ. N‑na a yen kɛn, n da ɔ gbaa‑a wan.

KO Ɔ NUNDENƐ 17:6 ပူးပေါင်းရင်းမြစ်များ

CHƆN 2:10

Mbɛ a ɔ, “Ni i bɔ n‑na mɔɛ n chee bɛn bonda chɛ ɔ, an mbe gbɛ chɛndɛ pɛn be mɔɛ n ma. Ni an‑na a ɔ yen, mbɛ gbɛ kun‑da an gboo ɔ, mbɛ an‑na a kuu sɔ gbɛ tafu tafu be‑a. Chɛɛ i tana, i‑a gbɛ chɛndɛ si tena ɔ bɛn fan aan, mbɛ i danka‑a a a bɔ‑a sanche.”

CHISƆSI 'A SƆ MƆƐ NU 22:20

A sin, an ni kɛn Sitibin wii a bɔn‑da, min ni koɔ ka mɔɛ n tena a si i ma, n fandi gbu ni nɔ wan sɔ ɔ. N ni wan n kunɛ ɔ dondon‑da, a fa koe ma. A sin mɔɛ miin ni ka a fa tena, n ni wan an 'na doma n kun ma fɛn‑da.’

KO Ɔ NUNDENƐ 12:11

Mmɔ 'a mɔɛ n‑na Sitana bea chɛɛ ɔ, sa tɔngbɔɛ wii 'a gbasaya an dɔ mu, a basan Yataa 'a sakana bai a, an ni min sa. An nii ma chian ni saya ma.

KO Ɔ NUNDENƐ 13:15

Soe yama fean bɔɛ chɛ, gbasaya be‑a wan a ma, a ni fɔɛ be fen chɛ ma, soe yama saa chɛ, a bɔ nyɔɛ chɛ, mɔɛ chɛ n‑na min nyan ka. Chɛ‑a a ma wan, a ni koɛ chɛ, ɛ a ma wan, mɔ ɔ mɔ min nii soe yama chɛ fai, an ni a fa.

KO Ɔ NUNDENƐ 13:7

Yataa‑a a to wan nɔ, a‑a chɛɛ bun Yataa 'a mɔɛ n ma, a sin kun‑da wan an ma. A yɛ to, gbasaya be‑a wan a ma mɔɛ gbɛɛ kun ma dunya ɔ. Chɛ nu chɛnyɛ kunɛ n dɔ, chɛnyɛ koɛ n dɔ, ni dambi nu, an bɛ mɔ gbu kan kɔ kan na.

KO Ɔ NUNDENƐ 16:6

A ɔ, “I 'a mɔɛ n wii a bɔnden mu an boo ɔ, a basan i 'a gbonka chɛ mɔɛ n wii a.” A ɔ, “I wɛɛ, i‑a wii dechee be an ma, a min koe a yii a. An‑na wai chɛ chɛ an ko a.”

KO Ɔ NUNDENƐ 2:13

A ɔ, “N‑na a ɔ sɔn fan, mbɛ wo e kaina min, Sitana an mu mansa a nɔ. Chɛɛ wo‑a n bakoe bia wan wo boo fea a, wo ma wo kan kɔ sɔ ni dan koe a n na. Wo dan‑da wan n na, tima chɛ wɛɛ a, tima min na an‑na Andipasi fa wo tɛ ɔ nɔ, Sitana waa chɛ. A ni mɔɛ an na, min‑na a ɔ yian tima ɔ tima, a da a bai ɔ, a basan a 'a chɛ chɛ wai a, mbɛ n 'na mɔɛ mu a a.