KO Ɔ NUNDENƐ 17:16 - Yataa 'a Dɔbɛnɛ Nama

¹⁶ I na‑a bena tanɛ miin sin yen, an bɛ soe yama chɛ a, duu dia chɛ wakoe ɛ don‑da wan an ma. An mbe fen kɔ fen bɔ‑a wan a boo ɔ, an ni a ma senɛ to. An mbe a gboo daun‑da wan, mbɛ an‑na ta ya, mbɛ an‑na a minda.

KO Ɔ NUNDENƐ 17:16 ပူးပေါင်းရင်းမြစ်များ

KO Ɔ NUNDENƐ 12:3

Mbɛ n‑na kamaya koe wa dɔ mende ɔ yen to ma‑a banda bu ɔ. A yen ko, n‑na fɔɛ fen ba dɛgbɛ wa yen, yii ɔ fenɛ, min gboo bɔen mu fai gboo a. A yawaenɛ ni, a kunɛ ɛ wɔnfea, a bena n sin mbe tan. A kun wɔnfea chɛ n na, mansa banfua ma bɛndenɛ an ni si ɔ an gbɛɛ a.

KO Ɔ NUNDENƐ 16:12

Maeka wɔdɔn bɔɛ‑a a ta pani ɔ wuyan yii chɛ an dɔ, an mbe min chee, an dɔ, Yufatesi. An yii chɛ gbaa‑a wan tado, chia be koe a mansa chɛ n ma, miin mbe ka tee bɔ.

KO Ɔ NUNDENƐ 17:10

An mu to mansa wɔnfea an fan na. An mɔ duu nii to fɔɛ ɔ, dɔndɔɛ ɛ tun mansaya ɔ, a dankama sin ma na nin bɛ mansaya ɔ. A sin ni a na‑a, ɛ ma‑a mansaya ɔ tima kundu ɛnden fan ko a dechee.

KO Ɔ NUNDENƐ 18:19

Mbɛ an‑na sanka boo sin an ma, an kunɛ gbɛɛ a, an mbe ta‑a saya di chɛ‑a gbafi gbafi, an dɔ, “Kasaa ma chianden mu gba, kasaa ma chianden mu gba, duu wa gbasayaen ba chɛ ko a. Mɔɛ n gbɛɛ, dɛndɛ wa ni miin boo ɔ kɔ yii a, duu min 'na nyanɛ pɔpɔɛ‑a an nyan, awa dɔndɔ gbe kɔɔ, a kasaa‑a ka.”

KO Ɔ NUNDENƐ 18:8

Chɛ ko a, kasaa sɛsɛ ɛ a tan‑da tee dɔndɔɛ an kɔɔ, saya, faayɔnɛ, a basan kɔnkɔ ma chianden ba a. A sin, ta an mbe a minda‑a, Yataa Mansa faa tɛ buɛ chɛ a ma, Yataa min mbe kaa a tɛ a wakoe ma, a gbasaen mu.”

KO Ɔ NUNDENƐ 19:18

Wo na, wo ni mansa n gboo daun, wo ni soya mansa n bɛɛ gboo daun, an bɛ an 'na soya mɔɛ n na. A yɛ to, soo n gboo wɛɛ, a basan soo ti n bɛɛ a, mɔɛ gbɛɛ gboo, yɔnɛ nu an bɛ chɛ n na, miin ma yɔn na, nyan tɔɛ n bɛ yɔn tɔɛ n na.”