KO Ɔ NUNDENƐ 17:1 - Yataa 'a Dɔbɛnɛ Nama

¹ Mbɛ maeka wɔnfea chɛ n dɔndɔ, miin‑na pani chɛ n dɔ wuyan ka, a na‑a n tena, a ɔ, “Na wɛ, n ni a ɔ yian i a, duu dia wa chɛ, Yataa ɛ kaa a tɛ‑a buɛ min dɔ a wakoe ma.” A ɔ, “Duu dia chɛ mu duu wa chɛ an na, min sɔen mu ka yii sɛsɛ n kaa a.”

KO Ɔ NUNDENƐ 17:1 ပူးပေါင်းရင်းမြစ်များ

DUKU 24:32

Mbɛ an bun‑da a fɔ‑a an nyɔn ye, an dɔ, “Chɛ an‑na a ma, mɔ bu ɔ ni di ka, mmɔ bɛ ni na tena tima min na chia ɔ bɔ chɛ‑a chia a, a yɛ to, tima min na a ni Yataa 'a gboo chɛ fasai tena mɔ tena.”

DUKU 9:30

Mbɛ a yen ko, mɔ fea n bɔ‑a a a. Mbɛ an‑na a kuu sɔ chia ɔ bɔɛ chɛ‑a, an bɛ Chisɔsi a. A mɔ fea chɛ n ni Mosisi an na, ni Idaicha.

KO Ɔ NUNDENƐ 1:1

Yataa‑a koe chɛ n fan dɔ yian Chisɔsi Chasi a, koe miin ni na tena ma‑a sanche. Yataa na‑a chɛ ma, min mbe a ma, Chisɔsi wɛɛ ni an dɔ yian mɔɛ n na, miin mbe a ko a. Chɛ an fɛ mu, Chisɔsi‑a a 'a maeka sɔ wan, a ni an sakana chɛ a ben a 'a yɔnɛ Chɔn tena.

KO Ɔ NUNDENƐ 15:1

Mbɛ n‑na kamaya koe dɔ mende ɔ yen to ma‑a banda bu ɔ. Koe chenama wa ni, min mbe mɔ da ɔ gbaa. Maeka wɔnfea, an ni wan nɔ, kasaa si tena wɔnfea ni miin boo ɔ. Chɛ n mu kasaa dankama n fan na, koe min na mu, Yataa 'a faatɛ ɛ danka‑a an fan ma.

KO Ɔ NUNDENƐ 16:19

Mbɛ Babidon duu wa chɛ, a tɛka‑a sawa a, duu gboo chɛ sambaenɛ gbakɔ. Duu wa tɔɛ chɛ n gbɛɛ dunya ma, an bɛɛ yɔn‑da wan. Yataa nii ma nyina ni Babidon duu yama wa chɛ ma. Chɛ an fɛ mu, a‑a a gbɛ tɔmbua chɛ din nɔ mɔɛ n ma, gbɛ min‑na a 'a faatɛ dankama yian.

KO Ɔ NUNDENƐ 18:1

An musu chɛ yendenɛ gbakɔ, mbɛ n‑na maeka dɔ mende yen to yii‑a, a ka banda bu ɔ. Gbasaya min ni a boo ɔ, a ni koo kaka. A sin, dunya gbɛɛ ɔ kaen fan ni wandaun, a 'a manɛ a.

KO Ɔ NUNDENƐ 19:2

A 'a kaa a tɛ, tea ɔ, danaya ɔ. A‑a kaa a tɛ duu dia wa chɛ wakoe ma, dunya ɔ chɛ chɛ duu chɛ, ko tɛ a. A 'a mɔɛ n wii ko a, a‑a tɔɔya sa duu chɛ ma.”

KO Ɔ NUNDENƐ 19:9

Mbɛ maeka chɛ ɔ te n ma, a ɔ, “Chɛ nyɛn gboo ɔ. Mɔɛ chɛ n duaen mu, miin cheeen mu sa tɔngbɔɛ 'a musu si tena, daun chɛ koe a.” Mbɛ maeka chɛ‑a a fɔ to n ye, a ɔ, “Bai chɛ nu, min fɔ‑a ka, Yataa da a bai chɛndɛ chɛndɛ n fan nɛ.”

KO Ɔ NUNDENƐ 21:15

Maeka chɛ sin, min ni koɔ tena n tena, kɔn sɔngbɔɛ an ni a boo a. An kɔn chɛ nyanden ni sanu an na, a sin ni fen siman koe an na. A ni duu wa chɛ gbɛɛ siman koe an na, a fɛnsi gbɛɛ siman koe a, a basan a da tan kun ma fea chɛ n na.

KO Ɔ NUNDENƐ 21:9

Mbɛ maeka wɔnfea chɛ nu, an dɔndɔ na‑a. Maeka chɛ nu, pani wɔnfea chɛ n ni miin boo ɔ, kasaa wɔnfea dankama chɛ n faen ni pani miin na. Mbɛ an maeka chɛ koɔ‑a n tena, a ɔ, “Na wɛ, n mbe sɛnama chɛ yian i a, min mbe na tena ma‑a sa tɔngbɔɛ 'a musu a.”

KO Ɔ NUNDENƐ 4:1

Chɛ gbakɔ, mbɛ n‑na ko dɔ mende ɔ yen to. A yen ko, n‑na n ya a ta, n‑na chenɛ da a kaenɛ yen sɔ ɔ n ya kɔɔ banda bu ɔ. Mbɛ n‑na mɔɛ chɛ min kuiɛ a min a saa a, min na‑a koɔ n tena yɔ buu, n‑na a kuiɛ a min to. A ɔ, “Sɛ nɛ chɛ, min mbe a ma, n ni a ɔ yian i a, koe miin mbe na tena ma‑a.”