KO Ɔ NUNDENƐ 16:9 - Yataa 'a Dɔbɛnɛ Nama

⁹ Tee chɛ win ba chɛ‑a mɔɛ n ma fufu wan. Chɛɛ an ma an kan kɔ sɔ ni an 'na ko yama n na, an ma Yataa bai ni, a 'a gbasaya ko a. An‑na min ma, an‑na a main fan, gbasaya ɛ ka a wɛn boo ɔ kasaa koe chɛ n kun ma.

KO Ɔ NUNDENƐ 16:9 ပူးပေါင်းရင်းမြစ်များ

DUKU 13:3

N ni a ma din wo tena, a ee ka wan ɛnden bɛɛ a. A sin, ni wo ma wo kan kɔ sɔ ni wo 'a ko yama n na, wo wɛɛ, wo gbɛɛ ɛ kasaa‑a wan.

DUKU 13:5

N ni a ma din wo tena, mbɛ a ee ka ɛnden bɛɛ a. Ni wo sin ma wo kan kɔ sɔ ni wo 'a ko yama n na, wo wɛɛ gbɛɛ ɛ kasaa‑a wan.”

GBOO FEAN BƆƐ KƆYINDI KO A 12:21

N faa gbaaenɛ mu, mbɛ ni n yɛ‑a to nɔ wo tena, n 'na Yataa ɛ a ma‑a wan, a ni n ma yii, wo ya kɔɔ. A sin, n mbe na‑a di chɛ‑a wan, a si mɔɛ chɛ n sɛsɛ wakoe ma, miin na‑a ko yama ma, an sin ma an kan kɔ sɔ ni ko yama ma a. An 'na ko tɛ chɛ, min danka ee ka.

KO Ɔ NUNDENƐ 11:13

A sin, a tima chɛ kɔɔ, duu gboo samba‑a wan, a ma chianden ba a. An duu wa duenɛ si tena tanɛ a, kaka dɔndɔɛ yɔn‑da gbae. Mɔ wu wɔnfea n (7,000) fa‑a. Mɔɛ tɔɛ n chian‑da wan, a ɔ benden ba a, mbɛ an‑na Yataa tando, banda bu ɔ mansa.

KO Ɔ NUNDENƐ 14:7

A sin‑na a fɔ wan gbankon, a ɔ, “Wo chian Yataa ma, wo ni basɔmaya be a ma. Koe min na mu, tima che‑a, ɛ kaa a tɛ‑a mɔ ɔ mɔ wakoe ma tima min na dunya ɔ. Wo a fai, min‑na banda bu ɔ a dan, a basan dunya gbɛɛ a, kɔ yii gbɛɛ, a basan yii mɛsɛ mɛsɛ n gbɛɛ a.”

KO Ɔ NUNDENƐ 16:21

Mbɛ sankɔɛ gbugbu wa dɛgbɛ nu, miin dɔndɔɛ fanka ni che kɔɔ bɛchi dɔndɔɛ fanka ɔ, an bea‑a mɔɛ n ma, a ka banda a. Chɛɛ mɔɛ chɛ n‑na Yataa main fan, koe min na mu, koe chɛ ma chianden ni kaka.

KO Ɔ NUNDENƐ 2:21

N‑na tima be a ma, a kan kɔ sɔ koe a, a 'a ko yama n na, chɛɛ a ma to ni a ni a boo bɔ ko tɛ chɛ ɔ.

KO Ɔ NUNDENƐ 9:20

Chɛɛ mɔɛ chɛ nu, miin kunɛ bɔ‑a koe chɛ n gbɛɛ ɔ, an ma an kan kɔ sɔ ni an 'na ko yama n na. An ma an boo bɔ ni nyina yama n fai koe a, ni fen chɛ n fai koe a, miin ma Yataa a. Fen chɛ nu, an fandi, an mbe miin nyan senɛ ɔ, sanu ɔ, kainɛ ɔ, kɔnɛ ɔ, a basan fen dɔ mende n na. Fenɛ miin mu ka, an ya ee kaina yen, an too wɛɛ ee koe a min, an sin mbe ee tachɛ chɛ.