KO Ɔ NUNDENƐ 16:10 - Yataa 'a Dɔbɛnɛ Nama

¹⁰ Maeka duun bɔɛ tana, a‑a a ta pani ɔ wuyan soe yama chɛ 'a mansa sea an na. Chɛnyɛ chɛ, min ni a 'a mansaya kɔɔ, a ni wan pimbi pimbi ɔ. Mɔɛ n‑na an nɛnɛnɛ n chin fan tɔɔya ɔ.

KO Ɔ NUNDENƐ 16:10 ပူးပေါင်းရင်းမြစ်များ

MATIU 13:42

Maeka chɛ n mbe an mɔɛ chɛ n na dɛ‑a wan ta wa chɛ ɔ, an mbe ma‑a kaina di chɛ‑a, a basan an nyinɛ a daunɛ a tɔɔya a.

MATIU 13:50

mbɛ an‑na mɔ yama chɛ n na dɛ ta wa ɔ, an mbe ma‑a kaina di chɛ‑a, a basan an nyinɛ a daunɛ a tɔɔya a.”

MATIU 22:13

Mbɛ mansa chɛ‑a a fɔ bɔi den chɛ n ye, a ɔ, ‘Wo kamin chɛ boo ɔ chii, a basan a chenɛ a, mbɛ wo‑a a a dɛ baa ma, pimbi wa chɛ ɔ. Ɛ ma‑a kaina di chɛ‑a, a basan a nyinɛ a daunɛ a tɔɔya a.’ ”

MATIU 24:51

Kun ti chɛ ɛ bɔi den chɛ a tɔɔya‑a wan a yama yama boo a, mbɛ a‑a a bia, yɔ nɛnɛn fea ti chɛ n mbe bia buɛ min dɔ. Bɔi den chɛ, ɛ ma‑a wan kaina dɔndɔɛ, di chɛ a, a basan mɔnɛ ɔ nyin na daunɛ a, an bɛ nɛnɛn fea ti chɛ n na.”

MATIU 8:12

A tima chɛ a, Isɔɛɛ mɔɛ n sɛsɛ, kaina ɔ bɛnden ni miin ko a Yataa 'a mansaya kɔɔ, an na ɛ dɛ‑a wan baa ma, pimbi pimbi ɔ. An mbe ma‑a kaina di chɛ‑a, a basan an nyinɛ a daunɛ a tɔɔya a.”

DUKU 13:28

A tima chɛ a, wo e Ebeami yen‑da wan, wo ni Aisaki yen, mbɛ wo‑a Chekɔpi yen. Wo e Yataa 'a gbonka chɛ mɔɛ chɛ n gbɛɛ yen‑da wan. An gbɛɛ ɛ ma‑a wan Yataa 'a mansaya kɔɔ, wo sin mbe sɔ ɔ baa ma, wo ee che don‑da. Wo e ma‑a wan di chɛ‑a fiko fiko faayɔn ba ɔ, wo e ta‑a wo nyinɛ a daun‑da.

1 PITA 2:17

Wo basɔmaya be mɔ ɔ mɔ ma. Wo to wo bɔɛ Chisianɛ n na. Wo chian Yataa ma, mbɛ wo‑a basɔmaya be kun ti wa ma.

KO Ɔ NUNDENƐ 11:10

Dunya ɔ mɔɛ n bu ɔ dia‑a wan, a si mɔ fea chɛ n fa koe ma. An mbe buɔdia bɔ‑a wan, mbɛ an‑na samba fenɛ a ta an nyɔn tena, a mu min na, mɔ fea chɛ n na‑a wan tɔɔya an ma dunya chɛ ɔ.

KO Ɔ NUNDENƐ 11:2

A ɔ, “Chɛɛ chen chɛ baa ma, kata chɛ ɔ, i ma a siman, an nɛnɛ to ka.” A ɔ, “Koe min na mu, a been mu mɔɛ chɛ n fan ma, miin ma n sɔn.” A ɔ, “Mɔ yama mu an na, miin mbe gbasaya din‑da n 'na duu wa kun ma, kau bi naanin kun ma fea (42) ko a.”

KO Ɔ NUNDENƐ 11:8

A sin, an su n mbe ma‑a wan sa ɔ, dani wa dɔndɔ ma, duu wa chɛ ɔ. Duu wa chɛ, an 'na mansa, mɔɛ n na‑a a gbangban kaina min kɔn gbengbandenɛ ma. Mɔɛ n mbe duu wa chɛ chee‑a wan, yiima dɔ mende ɔ, an dɔ, Sɔdɔn, an ni a chee, an dɔ, Ichipi.

KO Ɔ NUNDENƐ 17:17

Koe min na mu, Yataa an‑na a chɛ an faa ɔ, an yiima bɛn‑da kaina dɔndɔ, kuiɛ dɔndɔɛ ɔ, an ni an 'na mansaya be soe yama chɛ ma. Yataa faa ma koe ni a a, an ni ma soe yama chɛ kɔɔ, aan Yataa 'a dɔbɛnɛ gbɛɛ kunɛ a ni bia chɛndɛ chɛ.

KO Ɔ NUNDENƐ 17:9

A ɔ, “Yiimatɛ wa, an mbe chɛ nɛnɛ bɔ. Kun wɔnfea chɛ nu, an mu kɔnkɔ wɔnfea an fan na, musu chɛ ɛ si ɔ miin ma.

KO Ɔ NUNDENƐ 18:2

Mbɛ maeka chɛ‑a chee chɛ gbankon, a ɔ, “A teen fan mu, Babidon duu wa chɛ teen fan mu. A ma‑a gbɛ nyina yama n baa a, nyina yama kan kɔ kan bɛn tena, konde yama n gbɛɛ waa a.

KO Ɔ NUNDENƐ 18:21

Chɛ gbakɔ, maeka dɔndɔ min ni gbasa, a‑a sen gbugbu wa ya, mbɛ a‑a a a dɛ kɔ yii ɔ, a ɔ, “Babidon duu wa chɛ, ɛ kasaa‑a ka wan gbasaya ɔ. Ɛ ma‑a duu wa tombo an na kuɔ fɔ.

KO Ɔ NUNDENƐ 18:23

Dambo wɛɛ ee manɛ be‑a to nɔ. Musu fuu mɔɛ nu, an 'na sɛnama nu, an kuiɛ a ee min‑da to nɔ. A 'a yua nu, an kan nyɔn nii dunya ɔ, a 'a suaya wa, a‑a dunya bun fan.”

KO Ɔ NUNDENƐ 8:12

Mbɛ maeka naanin bɔɛ‑a a ta buu fɛ. Tee ni ma, kau, a basan tɔmbuaka n na, an gbɛɛ ma‑a dama. Chɛ‑a a ma wan, an ma manɛ be ni tima ɛnden ko a. Ni tee du‑a si tena sawa a, tee nii ma bɔ ni si tena dɔndɔ ko a. Ni pimbi wɛɛ du‑a si tena sawa a, kau basan tɔmbuaka n na, an ma manɛ be ni si tena dɔndɔ ko a.

KO Ɔ NUNDENƐ 9:2

A‑a son chɛ da a ka kɛn, sisi sonko sɔ‑a a ɔ, yɔ sɛnɛ minda sisi. Mbɛ sisi fia‑a banda bia, a pimbi bun‑da tee ma, a ee yen to.