KO Ɔ NUNDENƐ 15:4 - Yataa 'a Dɔbɛnɛ Nama

⁴ Yataa Mansa, mɔ ɔ mɔ ɛ samba‑a wan i ma chianɛ a. Mɔ ɔ mɔ ɛ basɔmaya be wan i ma. I wan mu dechee tea Yataa a. Dunya gbɛɛ ɛ na‑a i tando‑a wan, i chɛ chɛ wai chɛndɛ ko a, mɔɛ gbɛɛ ɛ min yen.”

KO Ɔ NUNDENƐ 15:4 ပူးပေါင်းရင်းမြစ်များ

GBOO DOMI KO A 15:9

A ni a ma to, mɔɛ chɛ n bɛɛ miin ma Chu mɔ a, an ni Yataa tando a 'a chinchimaya ko a. A nyɛnden mu ka wan Yataa 'a gboo ɔ, mbɛ, “Chɛ an fɛ mu, n mbe tando be‑a i tɔɛ ma, mɔɛ chɛ n tɛ ɔ, miin ma Chu mɔ a, n mbe i tɔɛ sa‑a wan si a.”

1 PITA 1:16

A mu min na, a nyɛnden fan mu Yataa 'a gboo ɔ, mbɛ Yataa ɔ te, a ɔ, “Wo ma ko chɛndɛ ma a, yɔ n bɛɛ, n mbe buɛ min dɔ ko chɛndɛ ma a.”

KO Ɔ NUNDENƐ 11:15

Mbɛ maeka wɔnfean bɔɛ‑a a ta buu fɛ. Mbɛ maeka nu banda bu ɔ, n‑na an kuiɛ a min, an mbe koɔ‑a gbankon, an dɔ, “Mmɔ 'a mansa Yataa, an fea kunka mansa a, a‑a a boo sɔ min ma, gbasaya ɛ gbɛ dechee an fan boo ɔ, ma koe a mansa a dunya chɛ gbɛɛ kun ma. A sin, Yataa ɛ ma‑a wan a 'a mansaya chɛ ɔ, kuɔ fɔ ni kuɔ fɔ ko a.”

KO Ɔ NUNDENƐ 14:7

A sin‑na a fɔ wan gbankon, a ɔ, “Wo chian Yataa ma, wo ni basɔmaya be a ma. Koe min na mu, tima che‑a, ɛ kaa a tɛ‑a mɔ ɔ mɔ wakoe ma tima min na dunya ɔ. Wo a fai, min‑na banda bu ɔ a dan, a basan dunya gbɛɛ a, kɔ yii gbɛɛ, a basan yii mɛsɛ mɛsɛ n gbɛɛ a.”

KO Ɔ NUNDENƐ 16:5

Mbɛ maeka chɛ, min ni yii gbɛɛ kun ma, n‑na a kuiɛ a min, ɛ koɔ‑a Yataa tena, a ɔ, “Tea ko a, i kan nyɔ ee. I ni wan nɔ suun, e tun nɔ sanche wɛɛ.” A ɔ, “E ka kaa min na tɛ‑a dunya chɛ ma, tea ɛ wan i boo ɔ.”

KO Ɔ NUNDENƐ 16:7

Mbɛ n‑na mɔɛ kuiɛ a min, a ka gbengbe chɛ tena, a ɔ, “Yataa Mansa Wa, tea ko a, i danayaen mu, i 'a kaa a tɛ ɔ.”

KO Ɔ NUNDENƐ 19:2

A 'a kaa a tɛ, tea ɔ, danaya ɔ. A‑a kaa a tɛ duu dia wa chɛ wakoe ma, dunya ɔ chɛ chɛ duu chɛ, ko tɛ a. A 'a mɔɛ n wii ko a, a‑a tɔɔya sa duu chɛ ma.”

KO Ɔ NUNDENƐ 19:8

Sɛnama koa min be‑a a ma, a ni nyin, ɛ man‑da.” Koe min na mu, koa gbɛ chɛ‑a a ɔ yian fan, mbɛ Yataa 'a mɔɛ n chɛ chɛ wai an fan nɛ.

KO Ɔ NUNDENƐ 3:7

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Fidadɛfia duu ɔ. A ɔ, “N fan, mɔɛ chɛ, n fɛn kan nyɔ ee, n fɛn teaen mu, a sin to, Mansa Defidi 'a chi ɛ n boo ɔ.” A ɔ, “N fan mbe chenɛ da a ka, mɔ ɔ mɔ ee a da a tɔn, a yɛ to, n fan mbe a da a tɔn, mɔ ɔ mɔ ee a da a ka.” A ɔ, “N 'na sakana an nɛ.”

KO Ɔ NUNDENƐ 4:8

Fɔɛ fen naanin chɛ n gbɛɛ, an kambanɛ ni wɔdɔ wɔdɔ. An sin, an ya ni wan bɔn dɔ an gboo gbɛɛ ma, a basan an kambanɛ n kɔɔ a. A sin to, su ɔ tee a, an mbe ee sɛmbɛ a fɔ koe a, an dɔ, “A kan nyɔ ee, a kan nyɔ ee, Yataa Mansa kan nyɔ ee. A 'a gbasaya danka ee. A ni wan nɔ suun, ɛ wan nɔ sanche, ɛ ma‑a wan nɔ kuɔ fɔ ko a.”

KO Ɔ NUNDENƐ 6:10

Mbɛ an‑na yee tɛ dɔndɔ a, an dɔ, “Yataa wa, nn 'na mansa, i kan nyɔ ee, i teaen mu. Mɔɛ n yen ko, miin‑na nn fa dunya ma. I ma tima ɔ yansama ya to, na koe a, i ni kaa a tɛ an ma, mbɛ i‑a tɔɔya si an bɛɛ a.”