KO Ɔ NUNDENƐ 14:15 - Yataa 'a Dɔbɛnɛ Nama

¹⁵ Mbɛ maeka dɔ mende bɔ‑a nɔ Yataa 'a chenɛ a, banda bu ɔ. Mbɛ a‑a mɔɛ chɛ chee gbankon, min ni ka si ɔ dugbu chɛ ɔ. A‑a a chee, a ɔ, “I 'a mɛ wa ya, i ni i 'a chin fenɛ tɛ. Koe min na mu, a tɛ tima gbu che‑a, a mu min na, tima che‑a fen fen na sɔn koe a dunya ɔ, yɔ kɔɔ mɔenɛ a ɛ sɔn buɛ min dɔ.”

KO Ɔ NUNDENƐ 14:15 ပူးပေါင်းရင်းမြစ်များ

MATIU 13:30

Wo a to nɔ, aan chin fenɛ tɛ tima ni che. An tima chɛ a, n mbe a fɔ‑a wan chin fen tɛ mɔɛ n ye, an mbe e na to chin fenɛ tɛ‑a, an ni binɛ pɛn kuu bɔ, mbɛ an‑na a a chii, an‑na a minda. Mbɛ a danka a, an‑na n 'na chin fenɛ sin na sɛ bea a.’ ”

MATIU 13:39

A sin fan mu n ko don ma nyɔɛ chɛ a, min‑na bin chɛ fasi chin fen chɛ ya a. Chin fen tɛ tima chɛ sin mu dunya danka an na, mbɛ a sin, chin fen tɛ mɔɛ chɛ n mu maeka n fan na.

MATIU 23:32

Wo wo bemba n ta bemba n 'na wai a ban fan gbɛ, an na‑a wai min kuu sɔ suun.

MAKI 4:29

Ni chin fen chɛ che‑a a ya tena, mbɛ kamin chɛ‑a a 'a chin fen tɛ mɛ ɔ bɛn, koe min na mu, chin fen ya tima che‑a.”

Gboo Saa Tɛsadonika Ko A 2:16

Nn ni sakana bai chɛ sa wan, mɔɛ chɛ n tena, miin ma Chu mɔ a. Chɛ an ni a ma, an mbe bauncha ma sɔn Yataa a. An‑na butuin chɛ wan, min mbe a ma, nn ni sɛmbɛ chɛ ma koe a to. Chɛ gbu‑a a ma gbɛ, an 'na ko yama maenɛ da fa‑a gban. A sin, Yataa ɛ a faatɛ a bɔ tena gbɛ an ma, mbɛ a sin ɛ ko ma gbaaenɛ si‑a wan an na.

KO Ɔ NUNDENƐ 11:19

Mbɛ Yataa 'a chenɛ, banda bu ɔ, a da a ka‑a. Mbɛ a 'a chen chɛ bu ɔ, mɔ ni kakaa yen fan nɔ. An kakaa chɛ, an ni a ɔ yian, mbɛ Yataa na‑a dɔbɛnɛ chɛ wan a 'a mɔɛ n na, Isɔɛɛ mɔɛ nu. Mbɛ banda manɛ mia mia bun‑da ben‑da, banda ɛ ta‑a koɔ‑a gbau gbau, sɔnkɔ sɔnkɔ chɛ kuiɛ ɛ ta‑a bɔ‑a. Duu gboo samba‑a gbididi, sankɔɛ ɛ ta‑a bɔn‑da.

KO Ɔ NUNDENƐ 13:12

A‑a gbasaya gbɛɛ a tachɛ wan, min ni soe yama chɛ boo ɔ, paa wa chɛ ɛ ka min kunɛ ɔ. A ya kɔɔɛ ma, a‑a a 'a gbasaya din fan dunya ma, mɔɛ gbɛɛ ma miin mbe dunya ma, an ni soe yama saa chɛ fai.

KO Ɔ NUNDENƐ 14:14

Chɛ gbɛɛ gbakɔ, mbɛ n‑na n ya a si to, mbɛ a yen ko, n‑na mɔɛ yen si ɔ dugbu ɔ, dugbu gbɛenɛ fion. An mɔɛ chɛ ni Mɔ Gbu 'a Denɛ an na, mansa banfua ɛ si ɔ a kun na, min nyanden ni sanu a, ni mɛ wa ɛ a boo a, chin fen tɛ koe a.

KO Ɔ NUNDENƐ 14:16

Mbɛ mɔɛ chɛ, min ni ka si ɔ dugbu chɛ ɔ, a‑a a 'a mɛ wa chɛ a ben dunya kun ma, mbɛ a toen mu min na ni sɔn, a gbɛɛ a sɔn‑da.

KO Ɔ NUNDENƐ 14:17

Mbɛ n‑na maeka dɔ mende yen to, a bɔ‑a Yataa 'a chen chɛ a, banda bu ɔ. A wɛɛ mɛ wa ni wan a boo a, mɛ a saenɛ, min ni chin fen chɛ kai, an ni min chee, an dɔ, keepi.

KO Ɔ NUNDENƐ 14:18

Mbɛ maeka dɔ mende bɔ‑a, min ni ta kun ma fɛn, fen kunyɛ a diama chɛ ɛ minda ka gbengbe min ma banda bu ɔ. Mbɛ a‑a yee tɛ gbankon maeka dɔndɔɛ chɛ tena, chin fen kai mɛ wa chɛ ɛ ka min boo a, a ɔ, “I 'a mɛ wa ya, i ni keepi chɛ kai, a ka a nɔmɔɛ ma, dunya chɛ ma. Koe min na mu, an keepi n gbu yawa‑a.”

KO Ɔ NUNDENƐ 15:6

Mbɛ maeka wɔnfea chɛ n bɔ‑a Yataa 'a chen chɛ a, kasaa wɔnfea chɛ n mbe ka miin boo ɔ. An ma bɛnden ni doma min dɔ, a gbɛen fan ni fo fo, ɛ man‑da. Fenɛ min ni bun dɔ an kaa a, a nyanden ni sanu an dɔ.

KO Ɔ NUNDENƐ 16:17

Mbɛ maeka wɔnfean bɔɛ sin, a‑a a ta pani a fasi wan, mbɛ fia ta‑a a a. Mbɛ kuiɛ wa a min‑da gbankon, a ka Yataa 'a chenɛ a banda bu ɔ, mansa sea chɛ tena, a ɔ, “Ko ɔ ko ban‑da.”

KO Ɔ NUNDENƐ 6:10

Mbɛ an‑na yee tɛ dɔndɔ a, an dɔ, “Yataa wa, nn 'na mansa, i kan nyɔ ee, i teaen mu. Mɔɛ n yen ko, miin‑na nn fa dunya ma. I ma tima ɔ yansama ya to, na koe a, i ni kaa a tɛ an ma, mbɛ i‑a tɔɔya si an bɛɛ a.”