Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




KO Ɔ NUNDENƐ 14:13 - Yataa 'a Dɔbɛnɛ Nama

13 Mbɛ n‑na mɔɛ kuiɛ a min to, a ka banda bu ɔ, a ɔ, “Bai chɛ nyɛn bɛ. I ɔ, a ka sanche ma, mɔɛ miin mbe an kai fa‑a Mansa Chisɔsi a, aan an ni fa, an duaen mu.” Mbɛ Yataa Nyina ɔ, “Tea ko a, an duaen mu. An mbe ee yakɔɔtawa kan kɔ kan dɔ yen‑da to, koe min na mu, an chɛ chɛ wai an mbe an ma konan‑da Yataa tena.”

အခန်းကိုကြည့်ပါ။ ကော်ပီ




KO Ɔ NUNDENƐ 14:13
41 ပူးပေါင်းရင်းမြစ်များ  

Mbɛ a yen ko, kuiɛ a min‑da a ka banda bu ɔ, a ɔ, “N 'na denɛ an nɛ, a ko a di n ye kaka. N faa chimaen mu a ko a chɛndɛ chɛ.”


“Chɛɛ Ebeami ɔ, ‘N 'na den, i yii na chii, mbɛ tima min na i ni fɔɛ ɔ, Yataa na‑a fen chɛndɛ kan kɔ kan be wan i ma, i toen ni min na. Chɛɛ Dasayɔsi tana, a na‑a ko yawaenɛ dechee an dɔ yen. Chɛɛ sanche gbɛ, ɛ gbɛ buɔdia wa an dɔ nɛ, i sin mbe tɔɔya ɔ.


“Chɛ an‑na a fɔ, n ni a ma din wo tena, mbɛ wo ni wo dia nyɔɛ n yan wo 'a nyan chɛ n dɔ, wo e miin chɛ‑a nɛ dunya chɛ ɔ. Ni wo‑a chɛ ma, wo dia nyɔɛ n mbe ma‑a wan banda bu ɔ, miin mbe an boo a si‑a wo kɔɔ.


Ni mmɔ ma‑a fɔɛ chɛ ɔ, mmɔ ni ma ɔ Mansa Yataa ko a. Ni mmɔ fa‑a wɛɛ tima min na, mmɔ ni fa Mansa Yataa 'a gbee a. Chɛ an‑na a fɔ, mmɔ fɔɛ chɛ ni ma mmɔ ɔ, chɛ ma, mmɔ ni fa wan, Mansa Yataa an ta mu mmɔ a.


A gbu ɛ ma‑a wan to, yɔ mɔɛ chɛ n bɛɛ, miin na‑a an kai fa Chasi a, mbɛ an fa‑a, an to‑a saya ɔ.


Chɛɛ tea gbu ko a, Chasi na‑a a kɔɔ sɔ wan, a ka saya ɔ. A ma‑a mɔɛ saa a, a kɔɔ sɔ koe a, chɛ n tɛ ɔ, miin na‑a an kai fa a wan Chasi a, mbɛ an fa‑a. Chɛ ni a ma, mmɔ ni dan a a, mbɛ mmɔ wɛɛ ɛ na‑a wan mmɔ kɔɔ sɔ‑a, a ka saya ɔ.


Chɛ an fɛ mu, n faa ma suun ma nyɔɛ nu Chasi ɔ, wo sɔ gban wo 'a danaya ɔ. Wo ma ka wo gba ɔ, wo ma Mansa Chisɔsi 'a wai a tima ɔ tima ko a. Koe min na mu, wo‑a a ɔ sɔn fan, wai ɔ wai, wo e min chɛ‑a Mansa chɛ ko a, a ee ma wai gbama a.


Chɛ ko a, faachima koo mmɔ ɔ. A sin, mmɔ ɛ to‑a wan mmɔ ni bɔ dunya ma gboo chɛ ɔ, mmɔ ɛ min dɔ, mbɛ mmɔ ma‑a, mmɔ bɛ Mansa Chisɔsi a.


Wo e wo wandi be tena wan yɔ yasi, wai chɛ koe a Chasi ko a. Koe min na mu, wo‑a wo kai fa a a. N bu ɔ di, n sin mbe buɔdia bɔ‑a wan wo gbɛɛ a, an ni a ma wɛɛ, n wii ni bɔn, yɔ an mbe gbɛ bɔ buɛ min dɔ yasi a.


Mmɔ gbɛɛ danden fan mu chɛ a, mbɛ Chisɔsi fa‑a wan, a‑a a kɔɔ sɔ, a ka saya ɔ. A sin, mmɔ danden fan mu to chɛ a, Yataa ɛ min ma‑a mɔɛ chɛ n na. Mɔɛ chɛ nu, miin na‑a an kai fa Chisɔsi a, aan an fa‑a. Ni Chisɔsi na‑a to, Yataa ɛ a ma‑a wan, an bɛɛ ni na, an bɛ Chisɔsi a.


Kuiɛ ɛ a fɔ‑a wan mɔɛ n ye, an mbe koe min ma. Chɛ ɛ ma‑a Yataa 'a maeka chenama kuiɛ an na, Yataa 'a buu kuiɛ. A sin, Mansa Chisɔsi wandi ɛ yii‑a wan, a ka banda bu ɔ. Chɛ gbakɔ, mbɛ mɔɛ miin na‑a an kai fa Chisɔsi a, aan an fa‑a, an pɛn mbe an kɔɔ sɔ‑a, an ni yɛ fɔɛ ɔ.


A wan fa‑a mmɔ ko a, min mbe a ma, mmɔ bɛ ni ma fɔɛ dɔndɔɛ ɔ. Tima min na ɛ na‑a to, mmɔ ni ma fɔɛ ɔ wan, mmɔ faen fan ni ma, chɛ ɛ ma‑a wan.


Mɔɛ dɔ n 'na ko yama maenɛ ɛ sa ɔ wan den, mɔ ɔ mɔ e na kaa a tɛ a ma. Chɛɛ dɔ n ta ɔ nunden fan mu, a ee fua bɔ‑a a yen koe a.


Ko chɛndɛ ma wɛɛ ɛ ka wan to, a ɔ yen fan paden. Chɛɛ ni a sin dɔ ma fua nin bɛ sɔn‑da, a ee to nun dɔ.


Mbɛ an kuiɛ chɛ, a ɔ n ma, “E koe miin dɔ yen‑da, an nyɛn, i ni an na ta chɔchi wɔnfea chɛ n tena, duu wa chɛ n dɔ. Chɔchi chɛ ni ma Ɛfisɔsi, ni chɛ Simina, chɛ Pakamɔn, ni chɛ Tiyatiya. Chɔchi chɛ to Sadisi, ni chɛ Fidadɛfia, a basan chɛ a Daɔdisia.”


Banda chɛ sɛmbɛ‑a kɛn koɔ koe a, a‑a min gbɛɛ fɔ, n toen ni n ni a nyɛn. Chɛɛ n‑na kuiɛ a min fan, a ka banda bu ɔ, a ɔ, “Koe chɛ n sa i yii ma. I ma an nyɛn gboo ma.”


Mbɛ maeka wɔnfean bɔɛ‑a a ta buu fɛ. Mbɛ maeka nu banda bu ɔ, n‑na an kuiɛ a min, an mbe koɔ‑a gbankon, an dɔ, “Mmɔ 'a mansa Yataa, an fea kunka mansa a, a‑a a boo sɔ min ma, gbasaya ɛ gbɛ dechee an fan boo ɔ, ma koe a mansa a dunya chɛ gbɛɛ kun ma. A sin, Yataa ɛ ma‑a wan a 'a mansaya chɛ ɔ, kuɔ fɔ ni kuɔ fɔ ko a.”


Mbɛ Yataa 'a chenɛ, banda bu ɔ, a da a ka‑a. Mbɛ a 'a chen chɛ bu ɔ, mɔ ni kakaa yen fan nɔ. An kakaa chɛ, an ni a ɔ yian, mbɛ Yataa na‑a dɔbɛnɛ chɛ wan a 'a mɔɛ n na, Isɔɛɛ mɔɛ nu. Mbɛ banda manɛ mia mia bun‑da ben‑da, banda ɛ ta‑a koɔ‑a gbau gbau, sɔnkɔ sɔnkɔ chɛ kuiɛ ɛ ta‑a bɔ‑a. Duu gboo samba‑a gbididi, sankɔɛ ɛ ta‑a bɔn‑da.


Mbɛ maeka wɔnfean bɔɛ sin, a‑a a ta pani a fasi wan, mbɛ fia ta‑a a a. Mbɛ kuiɛ wa a min‑da gbankon, a ka Yataa 'a chenɛ a banda bu ɔ, mansa sea chɛ tena, a ɔ, “Ko ɔ ko ban‑da.”


Mbɛ maeka chɛ ɔ te n ma, a ɔ, “Chɛ nyɛn gboo ɔ. Mɔɛ chɛ n duaen mu, miin cheeen mu sa tɔngbɔɛ 'a musu si tena, daun chɛ koe a.” Mbɛ maeka chɛ‑a a fɔ to n ye, a ɔ, “Bai chɛ nu, min fɔ‑a ka, Yataa da a bai chɛndɛ chɛndɛ n fan nɛ.”


Mbɛ a ɔ te to n ma, a ɔ, n ni chɛ nyɛn maeka chɛ tena chɔchi ko a, Ɛfisɔsi duu ɔ. A ɔ, “N fan, mɔɛ chɛ, tɔmbuaka wɔnfea chɛ n mbe min boo a,” a ɔ, “n fan, mɔɛ chɛ, min mbe tachɛ chɛ sanu dambo si fen wɔnfea chɛ n tɛ ɔ,” a ɔ, “n 'na sakana an nɛ.”


A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.” A ɔ, “Mɔ ɔ mɔ miin mbe sɔ‑a gban Yataa ko a, an mɔɛ chɛ nu, n mbe a ma‑a wan, an ni kɔnɛ chɛ gbɔɛ daun, kɔn chɛ Yataa 'a yadi ɔ banda bu ɔ, min mbe kuɔ fɔ fɔɛ be.”


Yataa‑a miin na sɔ a ka saya ɔ tima chɛ a, an duaen mu chɛndɛ chɛ, Yataa 'a mɔɛ mu an na. An mbe ee saya fean bɔɛ chɛ‑a, chɛɛ an mbe ma‑a wan mɔɛ n na mɔ gbu n tɛ ɔ Yataa a, an fea Chasi a, kunka mansa. An bɛ Chasi a, an mbe ma‑a wan mansaya ɔ san wu dɔndɔ ko a.


Yataa wɛn sin ni si ɔ a 'a mansa sea a, a ɔ, “A yen ko, n‑na fen fen ma a nama a gbɛ.” Mbɛ a ɔ te to n bɛɛ ma, a ɔ, “Chɛ nyɛn bɛ, koe min na mu, bai chɛ n mu tea bai n fan na, a nyin mɔ ɔ mɔ ni dan miin na.”


Yataa Nyina an fea sa tɔngbɔɛ 'a sɛnama a, an dɔ, “Mansa Chisɔsi, na fo.” Chɛ a min mɔɛ wɛɛ, a ni a fɔ, a ɔ, “Mansa Chisɔsi, na fo.” Mɔ ɔ mɔ min kanɛ a gbaaen mu, a ni na wɛ. Mɔ ɔ mɔ min toen mu na koe a, fɔɛ be yii chɛ min koe a, a ee ka na‑a, a sɔnkɔ be ee a ma.


Mbɛ mɔɛ chɛ nu, an‑na miin fa ka, doma wa dɔndɔ dɔndɔ be‑a an ma, doma gbɛ fo. Mbɛ a fɔ‑a an ye, mbɛ an ni a ma kɔn, aan an bɔɛ wai chɛ mɔɛ n da ni fa, an suun ma nyɔɛ nu Chasi ɔ, miin mbe fa‑a yɔ an fan.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ