KO Ɔ NUNDENƐ 14:11 - Yataa 'a Dɔbɛnɛ Nama

¹¹ A ɔ, “A sin, ni ta‑a a kuu sɔ an tɔɔya‑a, a sisi ɛ sɔ‑a wan banda ma, kuɔ fɔ ni kuɔ fɔ ko a.” A ɔ, “An sin, suin kan kɔ kan mbe ee ma‑a an ko a.” A ɔ, “An fɛn mbe soe yama chɛ fai ka, ni fen chɛ, min bɔenɛ a a, an mbe tɔɔya‑a wan.” A ɔ, “Ni mɔ ɔ mɔ nyɛnɛ saen mu min ma, soe yama chɛ 'a nyɛnɛ, an mbe tɔɔya‑a wan su ɔ tee a.”

KO Ɔ NUNDENƐ 14:11 ပူးပေါင်းရင်းမြစ်များ

MATIU 11:28

“Wo wɛn kanɛ ɔ faenɛ ɛ wo 'a suun fanka ma kɔɔ, wo na n tan. Wo na, n mbe wo deman, wo ni wo suin.

MATIU 25:41

“Mbɛ n fan mansa chɛ, mɔɛ chɛ nu n manɛ ɔ, n mbe a fɔ‑a wan an ye, n dɔ, an ni ka n ya a. N dɔ, Yataa‑a an danka. N dɔ, an ni ta pan kuɔ fɔ ta man chɛ ɔ, Yataa‑a min dɔ bɛn Sitana ko a, nyina yama n kun ti, an bɛ a 'a nyina yama n na.

MATIU 25:46

A sin, Yataa ɛ mɔ bonda chɛ n na ta‑a wan kaina, an mbe ma‑a kaina mɔnɛ ɔ bia‑a kuɔ fɔ ko a. Chɛɛ mɔɛ tɔɛ chɛ nu, miin tanden mu Yataa tena, an mbe kuɔ fɔ fɔɛ ma sɔn‑da wan.”

GBOO IBU MƆƐ N KO A 1:8

Chɛɛ a 'a denɛ wakoe tana, Yataa‑a a fɔ wan a 'a gboo ɔ, a ɔ, “Yataa mu i a, i 'a mansaya danka ee ma‑a, kuɔ fɔ ni kuɔ fɔ ko a. A sin, e gbasaya a tachɛ‑a wan i 'a mɔɛ n kun ma, teaya ɔ.

KO Ɔ NUNDENƐ 11:15

Mbɛ maeka wɔnfean bɔɛ‑a a ta buu fɛ. Mbɛ maeka nu banda bu ɔ, n‑na an kuiɛ a min, an mbe koɔ‑a gbankon, an dɔ, “Mmɔ 'a mansa Yataa, an fea kunka mansa a, a‑a a boo sɔ min ma, gbasaya ɛ gbɛ dechee an fan boo ɔ, ma koe a mansa a dunya chɛ gbɛɛ kun ma. A sin, Yataa ɛ ma‑a wan a 'a mansaya chɛ ɔ, kuɔ fɔ ni kuɔ fɔ ko a.”

KO Ɔ NUNDENƐ 13:12

A‑a gbasaya gbɛɛ a tachɛ wan, min ni soe yama chɛ boo ɔ, paa wa chɛ ɛ ka min kunɛ ɔ. A ya kɔɔɛ ma, a‑a a 'a gbasaya din fan dunya ma, mɔɛ gbɛɛ ma miin mbe dunya ma, an ni soe yama saa chɛ fai.

KO Ɔ NUNDENƐ 13:15

Soe yama fean bɔɛ chɛ, gbasaya be‑a wan a ma, a ni fɔɛ be fen chɛ ma, soe yama saa chɛ, a bɔ nyɔɛ chɛ, mɔɛ chɛ n‑na min nyan ka. Chɛ‑a a ma wan, a ni koɛ chɛ, ɛ a ma wan, mɔ ɔ mɔ min nii soe yama chɛ fai, an ni a fa.

KO Ɔ NUNDENƐ 13:17

A sin, mɔ ɔ mɔ ee fee chɛ, chɛ ma, mɔ ɔ mɔ ni fee fenɛ ma tachɛ, ni nyɛn chɛ ee a ma. An nyɛn chɛ, a mu soe yama saa chɛ tɔɛ an na, ni chɛ ma, nɔmba min sɔen mu a tɔɛ ko a.

KO Ɔ NUNDENƐ 14:9

Mbɛ maeka dɔndɔ na‑a to, chɛ gbaa, a sawan bɔɛ. A wɛɛ, a koɔ‑a wan gbankon, a ɔ, “Ni mɔ ɔ mɔ‑a soe yama chɛ fai, ni mɔ ɔ mɔ‑a fen chɛ fai, min bɔenɛ a a, ko yama mu.” A ɔ, “Ni mɔ ɔ mɔ‑a nyɛn chɛ sa a ya kɔɔɛ, chɛ ma, a boo a, ko yama mu.”

KO Ɔ NUNDENƐ 18:18

An‑na sisi yen kɛn bɔ‑a, an‑na yee tɛ wan gbankon, an dɔ, “Duu wa ma ben nin bɛ duu chɛ ma.”

KO Ɔ NUNDENƐ 18:9

Mbɛ dunya ma mansa chɛ nu, miin‑na waa ma basan a a, a 'a duu diaya chɛ ɔ, an mbe di chɛ‑a wan, an 'na duu wa chɛ ko a. Ni an‑na a sisi yen bɔ‑a, an mbe di chɛ‑a wan, aan an ya ni yawa.

KO Ɔ NUNDENƐ 19:3

Mbɛ fanka wa chɛ kuiɛ bɔ‑a to gbankon, an dɔ, “Mmɔ Yataa tando, duu chɛ minda sisi, a tɛ ee tɛ tena kuɔ fɔ.”

KO Ɔ NUNDENƐ 20:10

Nyina yama n 'na mansa chɛ sin, min na‑a an bun ka, a a dɛ‑a wan ta man ba chɛ ɔ, sen gbandima wa chɛ ni ka min dɔ. Ta chɛ ɔ ni, an‑na soe yama chɛ a dɛ min dɔ, an fea fania fɔ mɔɛ chɛ a, min ni a wandi ya Yataa 'a gbonka chɛ mɔɛ a. Su ɔ tee a, an gbɛɛ sin mbe ma‑a tɔɔya an dɔ, ta chɛ ɔ, kuɔ fɔ ko a.

KO Ɔ NUNDENƐ 22:5

A sin to, pimbi ee ma‑a nɔ kuɔ fɔ, dambo manɛ ma gbɔsɔ ee ma‑a an ma, chɛ ma, tee ma gbɔsɔɛ ni ma an ma. Koe min na mu, Yataa Mansa an mbe ma‑a an 'na manɛ a, an sin mbe ma‑a wan mansa n na, kuɔ fɔ ko a.

KO Ɔ NUNDENƐ 7:12

An dɔ, “A ni ma ka. Basɔmaya ɛ be Yataa an ma. An gbasa, a 'a yiimatɛ koo, a sin dɔ gbɛ kaka. Tando ni be a ma, wai bɔɛ ni chɛ a a, kuɔ fɔ, ni kuɔ fɔ ko a.”