KO Ɔ NUNDENƐ 14:1 - Yataa 'a Dɔbɛnɛ Nama

¹ Mbɛ n‑na n ya a ta to, mbɛ a yen ko, kɔnkɔɛ chɛ, an mbe min chee, an dɔ, Sayɔn kɔnkɔɛ, n‑na sa tɔngbɔɛ chɛ yen a kun tɛ. A ni sɔ ɔ, an bɛ mɔ wu chɛmɛ dɔndɔ, mɔ wu bi naanin kun ma naaninɛ (144,000) n fan na. A tɔɛ an nyɛnden ni mɔɛ chɛ n ya kɔɔɛ, a basan a Fa Yataa tɔɛ a.

KO Ɔ NUNDENƐ 14:1 ပူးပေါင်းရင်းမြစ်များ

DUKU 12:8

“N ni a ma din wo tena, mbɛ ni mɔ ɔ mɔ min mbe dɔn‑da fanka ɔ, mbɛ n fɛ mɔɛ mu a a, n bɛɛ, n fan Mɔ Gbu 'a Denɛ, n mbe dɔn‑da wan an mɔɛ chɛ wakoe ma maeka n ya kɔɔ.

GBOO DOMI KO A 9:33

Yataa 'a gboo na‑a bai sa a si an sen chɛ an ma, a ɔ, “A yen ko, n 'na senɛ si Sayɔn duu ɔ, mɔɛ n mbe an chenɛ n na tu‑a min na, an sen chɛ, mɔɛ n mbe nama‑a min ma, mbɛ an bea‑a. Chɛɛ mɔ ɔ mɔ, i wɛn mbe i kai fa‑a a a, i mɔɛ chɛ ee che‑a mau‑a.”

KO Ɔ NUNDENƐ 14:14

Chɛ gbɛɛ gbakɔ, mbɛ n‑na n ya a si to, mbɛ a yen ko, n‑na mɔɛ yen si ɔ dugbu ɔ, dugbu gbɛenɛ fion. An mɔɛ chɛ ni Mɔ Gbu 'a Denɛ an na, mansa banfua ɛ si ɔ a kun na, min nyanden ni sanu a, ni mɛ wa ɛ a boo a, chin fen tɛ koe a.

KO Ɔ NUNDENƐ 14:3

An gbɛɛ, an ni si nama an sa tena. An mbe sɔ ɔ mansa sea chɛ ya kɔɔ, fɔɛ fen naanin chɛ n ya kɔɔ, ni gbakoo chɛ n ya kɔɔɛ. Mɔ ɔ mɔ nii ma an si chɛ sɔn, mɔɔ dechee an fan, Yataa na‑a an fɛn kun ka. An mɔ wu chɛmɛ dɔndɔ, wu bi naanin kun ma naanin (144,000) chɛ.

KO Ɔ NUNDENƐ 15:5

Mbɛ an gbɛɛ ban‑da si a bɔ‑a kɛn, n‑na n ya a ta. Mbɛ n‑na a ɔ yen, mbɛ kaina chɛ, ku tɛndi chɛ kɔɔ, Yataa 'a chen chɛ, n‑na a da a kaenɛ yen.

KO Ɔ NUNDENƐ 22:4

An mbe Yataa ya kɔɔɛ yen‑da wan, a tɔɛ sin mbe nyɛn‑da wan an tee teeya n na.

KO Ɔ NUNDENƐ 3:12

Mɔɛ min mbe sɔ‑a gban Yataa ko a, n mbe a ma‑a wan soo ɔ bia‑a, Fa Yataa 'a chenɛ a. A sin, a ee bɔ‑a nɔ kuɔ fɔ ko a. N mbe n 'na Yataa tɔɛ nyɛn‑da wan a ma. A yɛ to, n mbe duu chɛ tɔɛ nyɛn‑da wan a ma, Chuusaɛn nama, Fa Yataa 'a duu wa chɛ, min mbe na‑a, a ka a tena banda bu ɔ. N mbe yɛ‑a wan to, n‑na n fandi gbu tɔ nama nyɛn a ma.”

KO Ɔ NUNDENƐ 4:1

Chɛ gbakɔ, mbɛ n‑na ko dɔ mende ɔ yen to. A yen ko, n‑na n ya a ta, n‑na chenɛ da a kaenɛ yen sɔ ɔ n ya kɔɔ banda bu ɔ. Mbɛ n‑na mɔɛ chɛ min kuiɛ a min a saa a, min na‑a koɔ n tena yɔ buu, n‑na a kuiɛ a min to. A ɔ, “Sɛ nɛ chɛ, min mbe a ma, n ni a ɔ yian i a, koe miin mbe na tena ma‑a.”

KO Ɔ NUNDENƐ 6:8

Mbɛ a yen ko, n‑na soo yen, a gboo maenɛ ɛ panfuan. Mɔɛ min ni soo chɛ kun ma, a tɔ ni Saya. A bɔɛ min sin ni na tena, a gbaa chia a, a tana, a tɔ ni Faa. Gbasaya been fan ni an ma, dunya chɛ ɔ mɔɛ n kaka dɔndɔ kun ma, ni an mɔɛ chɛ n du‑a kaina naaninɛ a. Gbasaya be‑a wan an ma mɔɛ n fa koe a, chɛɛ chɛ mɛ a. A yɛ to, an ni an fa daun fen daun sɔɛ a, ni gbandi yama a, a basan bia chɛ soe n na.