KO Ɔ NUNDENƐ 13:17 - Yataa 'a Dɔbɛnɛ Nama17 A sin, mɔ ɔ mɔ ee fee chɛ, chɛ ma, mɔ ɔ mɔ ni fee fenɛ ma tachɛ, ni nyɛn chɛ ee a ma. An nyɛn chɛ, a mu soe yama saa chɛ tɔɛ an na, ni chɛ ma, nɔmba min sɔen mu a tɔɛ ko a. အခန်းကိုကြည့်ပါ။ |
A ɔ, “A sin, ni ta‑a a kuu sɔ an tɔɔya‑a, a sisi ɛ sɔ‑a wan banda ma, kuɔ fɔ ni kuɔ fɔ ko a.” A ɔ, “An sin, suin kan kɔ kan mbe ee ma‑a an ko a.” A ɔ, “An fɛn mbe soe yama chɛ fai ka, ni fen chɛ, min bɔenɛ a a, an mbe tɔɔya‑a wan.” A ɔ, “Ni mɔ ɔ mɔ nyɛnɛ saen mu min ma, soe yama chɛ 'a nyɛnɛ, an mbe tɔɔya‑a wan su ɔ tee a.”
A yɛ to, mbɛ n‑na yii wa yen, a maenɛ ɛ yɔ mɛmɛ, a basan ta manɛ a. N‑na mɔɛ chɛ n bɛɛ yen fan, soe yama wa chɛ nii ma kun ni miin ma. Mɔɛ chɛ nu, fenɛ min bɔen ni an soe chɛ a, a ma kun ni mɔɛ miin ma, an sin nii ma nɔmba ya ni an soe chɛ tɔɛ ɔ. An mɔɛ chɛ n ni sɔ ɔ yii mia mia chɛ an kaa a, kɔninka min Yataa‑a a be an ma, ɛ an boo a.
Mbɛ n‑na mansa sea n yen, mɔɛ miin sin ni si ɔ an sea chɛ n na, gbasaya been fan ni an ma, ma koe a mansa n na. A yɛ to, mɔɛ chɛ nu, an‑na miin kunɛ tɛ a a, sɔ koe a gban Chisɔsi ko a, a basan Yataa bai sa a, n‑na an fuɛ n yen fan. An mɔɛ chɛ nu, an nii ma soe yama chɛ fai ni, an nii ma fen chɛ wɛɛ fai ni, fenɛ min bɔen ni a a. A yɛ to, an nii ma soe yama chɛ 'a nyɛn chɛ sa ni an ya kɔɔ, an ma a sa ni a boo wɛɛ ma. An mɔɛ chɛ n yɛ‑a wan to fɔɛ ɔ, an ma‑a mansa a, san wu dɔndɔ (1,000) ko a, an bɛ Chasi a, kunka mansa.
Mɔɛ min mbe sɔ‑a gban Yataa ko a, n mbe a ma‑a wan soo ɔ bia‑a, Fa Yataa 'a chenɛ a. A sin, a ee bɔ‑a nɔ kuɔ fɔ ko a. N mbe n 'na Yataa tɔɛ nyɛn‑da wan a ma. A yɛ to, n mbe duu chɛ tɔɛ nyɛn‑da wan a ma, Chuusaɛn nama, Fa Yataa 'a duu wa chɛ, min mbe na‑a, a ka a tena banda bu ɔ. N mbe yɛ‑a wan to, n‑na n fandi gbu tɔ nama nyɛn a ma.”