KO Ɔ NUNDENƐ 12:9 - Yataa 'a Dɔbɛnɛ Nama

⁹ Fɔɛ fen ma chianden ba chɛ, a a bea‑a wan dunya ɔ, a ka banda bu ɔ. Ka kɔkɔ wa chɛ, min tɔ mu Sitana, nyina yama n 'na mansa, min mbe a ma mɔ gbu ɛ ko yama ma, a a bea‑a wan dunya ɔ, an bɛ a bɔɛ n na.

KO Ɔ NUNDENƐ 12:9 ပူးပေါင်းရင်းမြစ်များ

MATIU 13:39

A sin fan mu n ko don ma nyɔɛ chɛ a, min‑na bin chɛ fasi chin fen chɛ ya a. Chin fen tɛ tima chɛ sin mu dunya danka an na, mbɛ a sin, chin fen tɛ mɔɛ chɛ n mu maeka n fan na.

MATIU 24:24

A mu min na, fania kunka mansa an mbe na‑a wan, an basan fania fɔ mɔɛ n na, miin mbe an fandi ya Yataa 'a gbonka chɛ mɔɛ n na. An mbe kamaya koe n ma‑a wan, an ni koe tɔmɔsi n yian, mɔɛ n woo koe a. Ni an mbe kun fan, an mbe mɔɛ chɛ n bɛɛ woo‑a wan, Yataa‑a a boo sɔ miin ma, ma koe a a 'a mɔɛ n na.

MATIU 25:41

“Mbɛ n fan mansa chɛ, mɔɛ chɛ nu n manɛ ɔ, n mbe a fɔ‑a wan an ye, n dɔ, an ni ka n ya a. N dɔ, Yataa‑a an danka. N dɔ, an ni ta pan kuɔ fɔ ta man chɛ ɔ, Yataa‑a min dɔ bɛn Sitana ko a, nyina yama n kun ti, an bɛ a 'a nyina yama n na.

MATIU 4:1

Chɛ gbakɔ, mbɛ Yataa Nyina chɛ‑a a ma, Chisɔsi sɛ‑a fuinɛ ma, min mbe a ma, Sitana ni a yiima yan, ni ɛ ko yama ma‑a wan.

MATIU 4:10

Chɛɛ Chisɔsi‑a a fɔ a ma, a ɔ, “Ka n fɛ, Sitana, ta. Koe min na mu, Yataa 'a gboo ɔ te, ‘Mɔɛ e i 'a mansa Yataa dɔndɔ gbe an fai dechee, mbɛ i yɛ‑a, i‑a a ma wai chɛ.’ ”

MATIU 4:5

Mbɛ Sitana‑a a ya, mbɛ a ta‑a gbɛ a a Yataa 'a duu ɔ, Chuusaɛn. Mbɛ a sɛ‑a a a Yataa 'a kata kun tɛ, kaina a yansama wa.

MATIU 4:8

Mbɛ Sitana‑a a ya to, mbɛ a sɛ‑a Chisɔsi a kɔnkɔ wa kun tɛ. Mbɛ a‑a chɛnyɛ n gbɛɛ yian a a dunya chɛ ɔ, a basan an dɔ nyanɛ n gbɛɛ a.

DUKU 10:18

Mbɛ Chisɔsi ɔ, “N‑na Sitana yen fan bea‑a a ka banda bu ɔ, yɔ banda manɛ.

DUKU 13:16

Mbɛ sanche gbɛ wo a yen ko, mmɔ suun ma nyɔɛ dɔndɔ an nɛ musu chɛ a, mmɔ gbɛɛ bɔ‑a Ebeami 'a dambi dɔndɔ gbe chɛ an dɔ. Sitana‑a a chii wan, ɛ tɔɔya ɔ san tan kun ma sɛi ko a. Chia ɔ chia a, fɔ ni a fuin‑da wan, a ni ma suin tee wɛɛ ma a.”

DUKU 22:3

Mbɛ Chisɔsi fɛ den tan kun ma fea chɛ n tɛ ɔ, dɔndɔ ni wan nɔ, min tɔ ni Chudasi. A tɔɛ ma sien fan ni to, an dɔ, Isikayɔti. Sitana bea‑a wan an Chudasi chɛ fɛ.

DUKU 22:31

Mbɛ Chisɔsi‑a a fɔ Pita ye, a ɔ, “Saimɔn, a yen ko, Yataa dɔn‑da Sitana ye, a ni wo gbɛɛ ɔ siman, yɔ sɛnɛ sa mɔɛ ɛ chin fenɛ ɔ fɛ buɛ min dɔ.

DUKU 8:12

Mɔɛ dɔ n mbe wan yɔ chia a duu gboo chɛ, chin fen kuu n bea‑a min ma. Ni an‑na Yataa 'a sakana bai a min, Sitana ɛ na wan a ya kɔɔɛ a, mbɛ a‑a bai chɛ bɔ an yiima ɔ, min mbe a ma, an ma na dan sakana bai chɛndɛ chɛ a, mbɛ an‑na bauncha ma sɔn.

CHƆN 12:31

Tima an che‑a ka gbɛ sanche, Yataa ni kaa a tɛ dunya chɛ wakoe ma. Sanche chɛ ɔ, nyina yama min 'na mansaya ɛ dunya chɛ ɔ, a a bea tima an nɛ.

CHƆN 14:30

Mmɔ ee che to chia ɔ bɔ yansama chɛ‑a mmɔ bɛ, a mu min na, nyina yama min 'na gbasaya ɛ dunya chɛ ɔ mɔɛ n kun ma, ɛ chia a. Chɛɛ gbasaya ee a boo ɔ n kun ma.

CHƆN 16:11

An sin ma a ɔ sɔn, kaa chɛ a tɛ‑a buɛ min dɔ. Koe min na mu, Yataa ban‑da kaa a tɛ‑a Sitana wakoe ma, min mbe dunya chɛ kun ma.

CHƆN 8:44

Sitana wandi gbu, an mu wo fa a. A sin, wo e bea tena koe chɛ n fan fɛ, wo fa toen mu miin na. Suun gba wɛ, mɔ fa mɔɛ mu a a, a sin tima ee a boo ɔ tea ko a. Koe min na mu, tea ma bɔ nin bɛ a da ɔ tee dɔndɔɛ wɛɛ. Ni a ma‑a fania fɔ‑a tima ɔ tima, ɛ ma ka dɔn‑da a tɔɛ gbu an ma. Koe min na mu, fania fɔ mɔ dechee ma a a, chɛɛ fania fa mu a a.

CHISƆSI 'A SƆ MƆƐ NU 26:18

i ni an ya a ka, i ni an bɔ pimbi ɔ, a na manɛ ɔ, i ni an bɔ Sitana boo ɔ, an ni ma Yataa 'a gbasaya kɔɔ. Chɛ ni a ma, Yataa ni a boo bɔ an 'na ko yama n dɔ, mbɛ an‑na an si tena ma sɔn, Yataa 'a mɔɛ n tɛ ɔ. Mɔɛ chɛ nu, Yataa ɛ a ma, miin mbe ma tenchen a ko a, koe min na mu, an‑na an kai fa n na.’

CHISƆSI 'A SƆ MƆƐ NU 5:3

Mbɛ Pita‑a a fɔ a ye, a ɔ, “Ananiyasi, fen‑na a ma i dɔn‑da Sitana kun‑da i yii ma, fania fɔ koe a Yataa Nyina ye? I 'a duu gboo sɔnkɔɛ gbɛɛ ma chɛ a, i‑a dɔ nun.

GBOO DOMI KO A 16:18

A mu min na, an mɔɛ chɛ nu miin mbe ko bonda chɛ n ma, an mbe ee ma ka mmɔ 'a mansa Chisɔsi 'a wai an chɛ‑a. An gbɔsɔen mu dechee an faa ma koe n fan ko a. An da ɔ di, an sin mbe mɔɛ n yii a faa faa wan bai sɛsɛ a, mɔɛ miin woo koe ma gbɛ, mbɛ an‑na an bun.

GBOO DOMI KO A 16:20

A sin dɔ ee yansan tena to, Yataa min mbe faachima be mmɔ ma, mbɛ a kun‑da Sitana ma wo ko a. Mansa Chisɔsi ni wo dua.

GBOO FEAN BƆƐ KƆYINDI KO A 11:14

Chɛɛ tɛnɛ ko ma chɛ nɛnɛ a. Sitana wandi gbu wɛɛ, ɛ kun fan, a ni a wandi ma yɔ maeka, min mbe man taun Yataa 'a manɛ a.

GBOO FEAN BƆƐ KƆYINDI KO A 11:3

Chɛɛ n chianden mu ko dɔndɔ an ko a. Mbɛ ka chɛ na‑a Ifi bun buɛ min dɔ, yaa a, wo wɛɛ, wo yiima ɔ ma na chɛ. Wo ee na‑a ma‑a teaya ɔ, Chisɔsi Chasi a, wo ni ma a ko a chɛndɛ chɛ.

GBOO FEAN BƆƐ KƆYINDI KO A 12:7

A sin to, Yataa nii ma to ni n kunɛ ni koa, yonka a, a si ko ɔ nunden chɛ n ma, miin dɔ yian‑da n na. Yataa‑a mɔnɛ ma koe si wan n na. An koe chɛ ma‑a wan Sitana 'a bosa a, n gbasi koe a, n kunɛ ma na koa n na.

GBOO FEAN BƆƐ KƆYINDI KO A 2:11

Chɛ ni a ma, Sitana ma na mmɔ bɔ yaa a. Koe min na mu, mmɔ‑a a ɔ sɔn fan a yiima ɛ buɛ min dɔ.

GBOO FEAN BƆƐ KƆYINDI KO A 4:4

An mbe ee che dan‑da Yataa bai chɛ a. Koe min na mu, an yiima ɛ tun pimbi an dɔ, Sitana boo ɔ, min 'na gbasaya ɛ dunya chɛ kun ma. A wan mbe a ma tena, an mbe ee man chɛ yen, ɛ ma man‑da an ma. Manɛ chɛ, min mbe ka sakana bai chɛndɛ chɛ ɔ, a si Chisɔsi ma. A wan Chasi chɛ, an mu Yataa bɔ nyɔɛ a.

Gboo Ɛfisɔsi Ko A 4:14

Chɛ an mbe a ma‑a, mmɔ ee ma‑a yɔ den mɛsɛ nu, an mbe miin woo, fania fania kanɛ kan kɔ kan na. Mɔɛ chɛ nu, miin yaaen mu ka, an fan mbe an bun ka, yaa chia a.

GBOO FEAN BƆƐ TƐSADONIKA KO A 2:3

Wo ma dɔn mɔ ɔ mɔ ni wo bun ɛnden bɛɛ a. Koe min na mu, an tee chɛ ee na tena wɛ, aan tima ni che, mɔɛ sɛsɛ n mbe na‑a wan sɔ‑a Yataa a kan. Mbɛ mɔɛ min mbe ee sawa kɔɔ, a bɔ‑a ya a ma. A tana, ɛ gbɛ nɔ kasaa koe an na.

1 TIMOTI 2:14

A sin, ka nii ma Adami an woo ni, a na‑a Ifi an woo, min‑na a ma, a ma‑a ko yama ma mɔɛ a.

2 TIMOTI 3:13

A sin, mɔ yama nu, ni kankancha tɔɛ nu, an kun ma ɛ chɛ‑a wan tun tun. An mbe mɔɛ n na bea‑a wan, a sin mbe ma‑a an fandi wɛɛ a da bea an na.

GBOO IBU MƆƐ N KO A 2:14

Chɛ an fɛ mu gbɛ, den chɛ nu, mɔ gbu gbama gbama mu an na. An fɛ mu, a wandi wɛɛ, a na‑a ma wan to mɔ gbu a, min mbe a ma, a ni fa. A 'a saya chɛ sin mbe a ma‑a wan, a ni Sitana kasaa, gbasaya ɛ ka min boo ɔ saya ko a.

1 PITA 5:8

Wo ma bɛndenɛ ni ma tima ɔ tima ko a, wo ya a kaenɛ ɛ. Wo chɛɛ ma nyɔɛ, Sitana, ɛ ben ben tena dau‑a, yɔ yaa ɛ ma mɔɛ yan‑da a nimisa koe a.

1 CHƆN 5:19

Mmɔ tana, mmɔ‑a a ɔ sɔn fan, mbɛ Yataa 'a denɛ mu mmɔ a. Mbɛ a sin, dunya tɔɛ gbɛɛ, an mbe a wan Sitana 'a gbasaya an kɔɔ.

CHUDA 1:9

Chɛɛ maeka n 'na mansa dɔndɔ wɛɛ, min tɔ mu Maikɛɛ, a nii ma Sitana main ni. A na‑a a fɔ wan dechee a ma, a ɔ, Mansa Yataa ni a tɔɔya. Chɛ ma‑a Mosisi su kun ma wan. An fea chɛ dɔndɔ toen ni a ni su chɛ ya, min na ban‑da kɔɔsa ma an tɛ ɔ.

KO Ɔ NUNDENƐ 12:12

Wo buɔdia bɔ, wo gbɛɛ, wo wɛn mbe banda bu ɔ. Chɛɛ wo wɛn mbe duu gboo ma, miin mbe kɔ yii ɔ, kasaa naen mu gba wo ko a. Nyina yama n 'na mansa, a fesan‑da nɛ, a a yii‑a nɔ wo kun ma, a faa gbandima wa ɛ, a‑a a ɔ sɔn fan, mbɛ tima ma dɔɔya‑a, a 'a wai chɛ koe a.”

KO Ɔ NUNDENƐ 12:3

Mbɛ n‑na kamaya koe wa dɔ mende ɔ yen to ma‑a banda bu ɔ. A yen ko, n‑na fɔɛ fen ba dɛgbɛ wa yen, yii ɔ fenɛ, min gboo bɔen mu fai gboo a. A yawaenɛ ni, a kunɛ ɛ wɔnfea, a bena n sin mbe tan. A kun wɔnfea chɛ n na, mansa banfua ma bɛndenɛ an ni si ɔ an gbɛɛ a.

KO Ɔ NUNDENƐ 12:7

Mbɛ chɛɛ bea‑a gbɛ banda bu ɔ. Maeka chɛ n 'na mansa dɔndɔ, min tɔ ni Maikɛɛ, an bɛ a bɔɛ n na, miin ni a kɔɔ, an‑na chɛɛ bun fɔɛ fen ba chɛ ma. Fɔɛ fen chɛ wɛɛ, an bɛ a 'a maeka n na, an‑na an kun si an na.

KO Ɔ NUNDENƐ 12:8

Chɛɛ an ma kun ni chɛɛ chɛ ma, a sin, an‑na an bai wan kaina a banda bu ɔ.

KO Ɔ NUNDENƐ 13:14

A sin, a 'a kamaya koe chɛ n‑na mɔɛ n gbɛɛ bun fan dunya ma, Yataa‑a a too ka a ma ka koe miin ma koe a, soe yama saa chɛ ya kɔɔ. Soe yama fean bɔɛ chɛ‑a a saa chɛ a gbasaya a tachɛ wan, a fɔ koe a mɔɛ n ye, an ni soe yama saa chɛ bɔ nyɔɛ nyan. Mɔɛ ɛ a yen, yɔ an na‑a an soe yama saa chɛ fa wan chɛɛ chɛ mɛ a, mbɛ a yɛ‑a to fɔɛ ɔ.

KO Ɔ NUNDENƐ 16:14

Nyina yama ni an na, miin mbe a ma, kamaya koe n mbe ma. An mbe ta wan mansa kan kɔ kan tena dunya ma, an na kan koe a kaina dɔndɔɛ. An ni chɛ ma tena, chɛɛ chɛ koe an na tee wa chɛ ma, Yataa Mansa Wa 'a tee chɛ.

KO Ɔ NUNDENƐ 18:2

Mbɛ maeka chɛ‑a chee chɛ gbankon, a ɔ, “A teen fan mu, Babidon duu wa chɛ teen fan mu. A ma‑a gbɛ nyina yama n baa a, nyina yama kan kɔ kan bɛn tena, konde yama n gbɛɛ waa a.

KO Ɔ NUNDENƐ 18:23

Dambo wɛɛ ee manɛ be‑a to nɔ. Musu fuu mɔɛ nu, an 'na sɛnama nu, an kuiɛ a ee min‑da to nɔ. A 'a yua nu, an kan nyɔn nii dunya ɔ, a 'a suaya wa, a‑a dunya bun fan.”

KO Ɔ NUNDENƐ 19:20

Mbɛ an‑na soe yama chɛ bia wan, an fea fania fɔ mɔɛ chɛ a, min ni a wandi ya Yataa 'a gbonka chɛ mɔɛ a. A‑a kamaya koe n ma wan an soe yama chɛ ya kɔɔɛ ma. An koe chɛ n fan na‑a mɔɛ chɛ n bun, miin na‑a soe yama chɛ 'a nyɛnɛ sa an ma, miin bɛɛ na‑a fen chɛ fai, fenɛ min bɔen ni soe yama chɛ a. Soe yama chɛ, an fea soe yama fean bɔɛ chɛ a, an na dɛ‑a wan ta man ba chɛ ɔ, sen gbandima wa faen ni min na.

KO Ɔ NUNDENƐ 2:13

A ɔ, “N‑na a ɔ sɔn fan, mbɛ wo e kaina min, Sitana an mu mansa a nɔ. Chɛɛ wo‑a n bakoe bia wan wo boo fea a, wo ma wo kan kɔ sɔ ni dan koe a n na. Wo dan‑da wan n na, tima chɛ wɛɛ a, tima min na an‑na Andipasi fa wo tɛ ɔ nɔ, Sitana waa chɛ. A ni mɔɛ an na, min‑na a ɔ yian tima ɔ tima, a da a bai ɔ, a basan a 'a chɛ chɛ wai a, mbɛ n 'na mɔɛ mu a a.

KO Ɔ NUNDENƐ 2:24

A ɔ, “Musu chɛ 'a kan chɛ, an mbe min chee, an dɔ, tea ɔ nunden ba a si Sitana ma, kan yama mu. Chɛɛ wo tana, wo wɛn to‑a ka nɔ chɔchi ɔ, Tiyatiya duu chɛ ɔ, wo wɛn ma bea ni a 'a kan chɛ fɛ, bai ɛ wan n da a wo ko a. N mbe a fɔ tena wo ye, mbɛ n mbe ee suun fankama dɔ gbɛɛ si tena wo kun ma.

KO Ɔ NUNDENƐ 2:9

A ɔ, “N‑na a ɔ sɔn fan, wo e mɔnɛ min dɔ bia tena, wo e yakɔɔtawa min dɔ. Chɛɛ tea gbu ko a, yɔn tɔ ma wo a. A yɛ to, n‑na a ɔ sɔn fan, mɔɛ chɛ nu, miin‑na an fandi ya Chu mɔɛ n na, an mbe wo tɔ yama a fasan tena buɛ min dɔ. Chɛɛ Chu mɔ ma an na, Sitana 'a mɔɛ n fan nɛ.

KO Ɔ NUNDENƐ 20:10

Nyina yama n 'na mansa chɛ sin, min na‑a an bun ka, a a dɛ‑a wan ta man ba chɛ ɔ, sen gbandima wa chɛ ni ka min dɔ. Ta chɛ ɔ ni, an‑na soe yama chɛ a dɛ min dɔ, an fea fania fɔ mɔɛ chɛ a, min ni a wandi ya Yataa 'a gbonka chɛ mɔɛ a. Su ɔ tee a, an gbɛɛ sin mbe ma‑a tɔɔya an dɔ, ta chɛ ɔ, kuɔ fɔ ko a.

KO Ɔ NUNDENƐ 20:8

A sin, ɛ ta‑a wan ben‑da mɔɛ n bun‑da, mɔɛ miin na fasandenɛ ɛ kan kɔ kan dunya ɔ. An mɔɛ chɛ dɔ n tɔ mu Koki, dɔ n tɔ mu Makoki. Sitana ɛ an gbɛɛ a kan‑da wan kaina chɛ, an mbe butuinɛ chɛ‑a kaina min. An kɔ ɛ koa‑a wan kaka, dan mbe ee ma‑a an ma.

KO Ɔ NUNDENƐ 3:9

Mɔɛ chɛ nu, miin‑na an fandi ya Chu mɔɛ n na, chɛɛ fania mu, Sitana 'a mɔɛ chɛ nu, a yen ko, n mbe a ma‑a wan an ni na, an ni an bun wo chen kɔɔ. An gbɛɛ, an ni a ɔ sɔn, mbɛ n toen fan mu wo a.

KO Ɔ NUNDENƐ 9:1

Mbɛ maeka duun bɔɛ‑a a ta buu fɛ. Tɔmbuaka na‑a ka wan banda a, a bea‑a duu ma, mbɛ n‑na a yen. Chi been fan ni tɔmbuaka chɛ ma, son chɛ da a ka koe a, son chɛ min danka ee.

KO Ɔ NUNDENƐ 9:20

Chɛɛ mɔɛ chɛ nu, miin kunɛ bɔ‑a koe chɛ n gbɛɛ ɔ, an ma an kan kɔ sɔ ni an 'na ko yama n na. An ma an boo bɔ ni nyina yama n fai koe a, ni fen chɛ n fai koe a, miin ma Yataa a. Fen chɛ nu, an fandi, an mbe miin nyan senɛ ɔ, sanu ɔ, kainɛ ɔ, kɔnɛ ɔ, a basan fen dɔ mende n na. Fenɛ miin mu ka, an ya ee kaina yen, an too wɛɛ ee koe a min, an sin mbe ee tachɛ chɛ.