KO Ɔ NUNDENƐ 12:5 - Yataa 'a Dɔbɛnɛ Nama

⁵ Mbɛ a‑a den kaienɛ suun, min mbe na tena ma‑a mansa a, dunya gbɛɛ ko a, a sin mbe ee a 'a mansaya a tachɛ‑a chinchincha ɔ. Maeka‑a den chɛ ya wan, a ya kɔɔɛ a, a sɛ‑a Yataa tena, si ɔ a 'a mansaya sea a.

KO Ɔ NUNDENƐ 12:5 ပူးပေါင်းရင်းမြစ်များ

MATIU 1:25

Chɛɛ a nii ma a sɔn ni a 'a musu a, aan tima chɛ a, tima min na a‑a den kaien chɛ suun. Mbɛ Chosɛfi‑a a tɔɛ si, a ɔ, Chisɔsi.

MAKI 16:19

Mbɛ Mansa Chisɔsi ban‑da kɛn koɔ‑a a fɛ den chɛ n tena, Yataa‑a a ya wan, a sɛ banda bu ɔ, mbɛ Chisɔsi si‑a a boo nyima ɔ.

GBOO FEAN BƆƐ KƆYINDI KO A 12:2

N‑na kamin dɔndɔ sɔn fan, min ni Chisianɛ a. Yataa‑a an kamin chɛ ya wan, mbɛ a sɛ‑a a a pɔɔ banda bu ɔ. San tan kun ma naanin fan ben‑da gbɛ, kɛn koe chɛ chɛ‑a a ɔ. Chɛɛ n ma a ɔ sɔn, ni a gbugbu an ya a, a sɛ‑a, chɛ ma, ni a ma‑a cho ɔ wan. Yataa dɔndɔ gbe, an‑na a ɔ sɔn.

KO Ɔ NUNDENƐ 11:12

Mbɛ mɔ fea chɛ n‑na kuiɛ wa a min, a ka banda bu ɔ, a ɔ, “Wo sɛ nɛ.” An chɛɛ ma nyɔɛ chɛ n ya to‑a ka wan an na, mbɛ an ya‑a, an sɛ‑a banda bu ɔ, dugbu wa ɔ.

KO Ɔ NUNDENƐ 12:13

Fɔɛ fen ma chianden ba chɛ, a‑a a ɔ yen kɛn mbɛ an‑na a a bea dunya ɔ, a faa gbandia‑a. Mbɛ a‑a a ma bɛn, a bun‑da a sɔ‑a musu chɛ fɛ, musu min na‑a den kaien chɛ suun ka.

KO Ɔ NUNDENƐ 12:2

A bu cheen ba ni, ɛ yee tɛ‑a, a bu ɔ tɛenɛ ɛ, ɛ a dumɛ‑a pien.

KO Ɔ NUNDENƐ 19:15

Yataa Da 'a Bai chɛ da ɔ, chɛɛ chɛ mɛ a saenɛ chɛndɛ chɛ, a bɔ‑a wan a ɔ. Ɛ an mɛ chɛ an ya tena, a ni kun dunya gbɛɛ ma chɛɛ ɔ. Ɛ ma‑a wan dunya kun ma mansa a, a sin mbe ee a 'a mansaya a tachɛ‑a chinchincha ɔ. A yɛ to, ɛ tɛn tɛn‑da wan fen chɛ ma bondonɛ ɔ, fen chɛ min tɔ mu keepi, a yii bɔ koe a a ɔ. Ɛ ma‑a ka Yataa 'a faatɛ wa an dɔ yian‑da.