KO Ɔ NUNDENƐ 12:11 - Yataa 'a Dɔbɛnɛ Nama

¹¹ Mmɔ 'a mɔɛ n‑na Sitana bea chɛɛ ɔ, sa tɔngbɔɛ wii 'a gbasaya an dɔ mu, a basan Yataa 'a sakana bai a, an ni min sa. An nii ma chian ni saya ma.

KO Ɔ NUNDENƐ 12:11 ပူးပေါင်းရင်းမြစ်များ

DUKU 14:26

“Mɔ kan kɔ kan min mbe na‑a n tena, a ee che ma‑a n fɛ denɛ a, mɔɔ ni n bakoe a dia‑a a ye, a ni ben a fa ma, a ni ben a de ma, a ni ben a 'a denɛ ma, a ni ben a suun ma nyɔɛ ma, a ben a 'a musu wɛɛ ma, a basan an mɔɛ chɛ wandi gbu wɛɛ a.

CHƆN 16:33

N mbe chɛ gbɛɛ fɔ tena wo ye, min mbe a ma, wo ni faachima sɔn. Koe min na mu, mɔ dɔndɔɛ mu mmɔ a, mmɔ gbɛɛ. Ko yawaenɛ n mbe wo tan‑da wan dunya chɛ ɔ. Chɛɛ wo wo faa sɔ, n kun‑da gbasaya ti ma dunya chɛ ɔ.”

CHISƆSI 'A SƆ MƆƐ NU 20:24

Chɛɛ ni n 'na wai chɛ koe mu, n ma n ta fɔɛ chɛ ya ni fen kɔ fen na. Wai chɛ, Mansa Chisɔsi‑a min be n ma, n ni a a ban koe mu. N ni sakana bai chɛndɛ chɛ ɔ yian mɔɛ n na, a si Yataa 'a koadia demanɛ ma.

CHISƆSI 'A SƆ MƆƐ NU 21:13

Chɛɛ Pɔɔ ɔ te, “Wo e di chɛ tena ka, n faa yɔn koe an na. Fen mu wo e chɛ ma tena? N ma ma bɛn ni, n sa koe dechee an ko a pimbi chenɛ a, chɛɛ n fa koe wɛɛ gbu a, Chuusaɛn duu ɔ, Mansa Chisɔsi ko a.”

GBOO DOMI KO A 16:20

A sin dɔ ee yansan tena to, Yataa min mbe faachima be mmɔ ma, mbɛ a kun‑da Sitana ma wo ko a. Mansa Chisɔsi ni wo dua.

GBOO SAA KƆYINDI KO A 15:57

Chɛɛ Yataa ni wai. A‑a buɔdia be mmɔ ma. Mmɔ 'a mansa Chisɔsi Chasi 'a gbasaya ɔ, Yataa‑a a ma mmɔ kun‑da saya ma.

1 CHƆN 4:4

Chɛɛ wo tana, n 'na denɛ nu, wo e Yataa an ko a. A sin, wo kun‑da an fania mɔɛ chɛ n ma, koe min na mu, Yataa Nyina min mbe wo fɛ, a benden mu chɛ ma, min mbe dunya chɛ ma.

1 CHƆN 5:5

Koe min na mu, mɔɛ min mbe kun dunya chɛ ma, an mu dechee mɔɛ chɛ a, min danden mu a a, mbɛ Chisɔsi mu Yataa 'a denɛ an na.

KO Ɔ NUNDENƐ 1:2

Chɔn chɛ koɔ‑a wan den, a si koe chɛ n gbɛɛ ma, maeka chɛ‑a miin yian a a, a si Yataa da a bai ma, a basan Chisɔsi Chasi 'a siiya a.

KO Ɔ NUNDENƐ 1:9

N fan mu, n fan Chɔn, wo suun ma nyɔɛ Chasi ɔ. Mmɔ gbɛɛ, mɔ dɔndɔɛ mu mmɔ a, mmɔ bɛ Chisɔsi a, an mu mmɔ 'a mansa a. A sin, mmɔ gbɛɛ, mmɔ ɛ tɔɔya dɔndɔɛ an dɔ bia tena, mmɔ ɛ mmɔ faa bia‑a, a ko a. Yataa 'a sakana bai sa koe a, a basan Chisɔsi wakoe a, n na ta‑a Patimɔsi bia ɔ an ko a, yii tinɛ ɔ duu gboo chɛ ma.

KO Ɔ NUNDENƐ 11:7

An mbe ban‑da kɛn Yataa 'a sakana bai chɛ sa‑a, soe ma chianden ba, ɛ bɔ‑a wan son chɛ ɔ, min danka ee ka, mbɛ a‑a chɛɛ bun an ma. Ɛ kun‑da wan an ma, mbɛ a‑a an fa.

KO Ɔ NUNDENƐ 12:17

Chɛ‑a a ma wan, fɔɛ fen ma chianden chɛ faa gbandia‑a kaka, musu chɛ boo ɔ. Mbɛ a‑a a kun sɔ gbɛ musu chɛ cheeya n na, a‑a chɛɛ bun an ma. Cheeya chɛ nu, an mu mɔɛ chɛ n fan na, miin mbe Yataa da a kuiɛ ma, an sin, an kai faen fan mu tea chɛ a, min ka‑a Chisɔsi tena.

KO Ɔ NUNDENƐ 19:10

Mbɛ n‑na n kumbai gbangban a chen kɔɔ, a fai koe a. Chɛɛ a ɔ te n ma, a ɔ, “I ma chɛ ma. Yataa an fai. N mbe wai chɛ an ko a, yɔ wo e wai chɛ buɛ min dɔ a ko a. Wo gbɛɛ, wo wɛn kai faen mu tea chɛ a, min ka‑a Chisɔsi tena. An tea chɛ, an mbe a ma, mɔɛ n ni Yataa bai sa.” Koe min na mu, Chisɔsi‑a bai min fɔ, an mu Yataa 'a sakana bai kunɛ a mɔ gbu n tena.

KO Ɔ NUNDENƐ 2:13

A ɔ, “N‑na a ɔ sɔn fan, mbɛ wo e kaina min, Sitana an mu mansa a nɔ. Chɛɛ wo‑a n bakoe bia wan wo boo fea a, wo ma wo kan kɔ sɔ ni dan koe a n na. Wo dan‑da wan n na, tima chɛ wɛɛ a, tima min na an‑na Andipasi fa wo tɛ ɔ nɔ, Sitana waa chɛ. A ni mɔɛ an na, min‑na a ɔ yian tima ɔ tima, a da a bai ɔ, a basan a 'a chɛ chɛ wai a, mbɛ n 'na mɔɛ mu a a.

KO Ɔ NUNDENƐ 2:17

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.” A ɔ, “Mɔ ɔ mɔ min mbe sɔ‑a gban Yataa ko a, a mɔɛ chɛ, n mbe daun fen chɛ dɔ be‑a wan a ma a daun koe a, daun fen nunden chɛ. A yɛ to, n mbe senɛ be‑a wan an mɔɛ chɛ ma, senɛ min gbɛenɛ ɛ, a sin, tɔ nama an nyɛndenɛ ɛ ma‑a a ma. Mɔɛ min mbe senɛ chɛ ma sɔn‑da, an mu dechee mɔɛ a, min mbe tɔɛ chɛ sɔn‑da.”

KO Ɔ NUNDENƐ 2:26

Mɔɛ chɛ n gbɛɛ, miin sɔ‑a gban Yataa ko a, miin mbe ma‑a n da a kuiɛ ma, aan an 'na fɔɛ danka a, n mbe gbasaya be‑a wan an ma, Yataa sɔn bai n kun ma.

KO Ɔ NUNDENƐ 2:7

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.” A ɔ, “Mɔ ɔ mɔ miin mbe sɔ‑a gban Yataa ko a, an mɔɛ chɛ nu, n mbe a ma‑a wan, an ni kɔnɛ chɛ gbɔɛ daun, kɔn chɛ Yataa 'a yadi ɔ banda bu ɔ, min mbe kuɔ fɔ fɔɛ be.”

KO Ɔ NUNDENƐ 20:4

Mbɛ n‑na mansa sea n yen, mɔɛ miin sin ni si ɔ an sea chɛ n na, gbasaya been fan ni an ma, ma koe a mansa n na. A yɛ to, mɔɛ chɛ nu, an‑na miin kunɛ tɛ a a, sɔ koe a gban Chisɔsi ko a, a basan Yataa bai sa a, n‑na an fuɛ n yen fan. An mɔɛ chɛ nu, an nii ma soe yama chɛ fai ni, an nii ma fen chɛ wɛɛ fai ni, fenɛ min bɔen ni a a. A yɛ to, an nii ma soe yama chɛ 'a nyɛn chɛ sa ni an ya kɔɔ, an ma a sa ni a boo wɛɛ ma. An mɔɛ chɛ n yɛ‑a wan to fɔɛ ɔ, an ma‑a mansa a, san wu dɔndɔ (1,000) ko a, an bɛ Chasi a, kunka mansa.

KO Ɔ NUNDENƐ 3:12

Mɔɛ min mbe sɔ‑a gban Yataa ko a, n mbe a ma‑a wan soo ɔ bia‑a, Fa Yataa 'a chenɛ a. A sin, a ee bɔ‑a nɔ kuɔ fɔ ko a. N mbe n 'na Yataa tɔɛ nyɛn‑da wan a ma. A yɛ to, n mbe duu chɛ tɔɛ nyɛn‑da wan a ma, Chuusaɛn nama, Fa Yataa 'a duu wa chɛ, min mbe na‑a, a ka a tena banda bu ɔ. N mbe yɛ‑a wan to, n‑na n fandi gbu tɔ nama nyɛn a ma.”

KO Ɔ NUNDENƐ 3:21

Mɔ ɔ mɔ min mbe sɔ‑a gban Yataa ko a, n mbe a ma‑a wan, a ni si n baima n 'na mansaya ɔ. An mɔɛ chɛ, ɛ ma‑a wan yɔ n fan, n sɔ‑a buɛ min dɔ gban, mbɛ n‑na si tena chɛ ya Fa Yataa tɔnfɛ.”

KO Ɔ NUNDENƐ 3:5

Mɔɛ chɛ n gbɛɛ, miin mbe sɔ‑a gban Yataa ko a, an ma bɛndenɛ ɛ ma‑a ka wan koa gbɛ a. A sin, n mbe ee an tɔɛ bɔ‑a gboo chɛ ɔ, mɔɛ miin mbe kuɔ fɔ fɔɛ ma sɔn‑da, an tɔɛ ɛ ma‑a gboo min dɔ. N mbe a fɔ‑a wan den, Fa Yataa ya kɔɔ, an bɛ a 'a maeka n na, mbɛ n 'na mɔɛ n fan nɛ.”

KO Ɔ NUNDENƐ 6:9

Sa tɔngbɔɛ chɛ‑a yuu duun bɔɛ tɛ kɛn, mbɛ gbengbe kɔɔ, fen kunyɛ a diama ɛ minda min ma, n‑na fuɛ n yen. An na‑a chɛ n fan fa tee, sɔ koe a den an 'na danaya ɔ Yataa a, a basan Yataa 'a bai sa koe a.