KO Ɔ NUNDENƐ 11:19 - Yataa 'a Dɔbɛnɛ Nama

¹⁹ Mbɛ Yataa 'a chenɛ, banda bu ɔ, a da a ka‑a. Mbɛ a 'a chen chɛ bu ɔ, mɔ ni kakaa yen fan nɔ. An kakaa chɛ, an ni a ɔ yian, mbɛ Yataa na‑a dɔbɛnɛ chɛ wan a 'a mɔɛ n na, Isɔɛɛ mɔɛ nu. Mbɛ banda manɛ mia mia bun‑da ben‑da, banda ɛ ta‑a koɔ‑a gbau gbau, sɔnkɔ sɔnkɔ chɛ kuiɛ ɛ ta‑a bɔ‑a. Duu gboo samba‑a gbididi, sankɔɛ ɛ ta‑a bɔn‑da.

KO Ɔ NUNDENƐ 11:19 ပူးပေါင်းရင်းမြစ်များ

KO Ɔ NUNDENƐ 11:13

A sin, a tima chɛ kɔɔ, duu gboo samba‑a wan, a ma chianden ba a. An duu wa duenɛ si tena tanɛ a, kaka dɔndɔɛ yɔn‑da gbae. Mɔ wu wɔnfea n (7,000) fa‑a. Mɔɛ tɔɛ n chian‑da wan, a ɔ benden ba a, mbɛ an‑na Yataa tando, banda bu ɔ mansa.

KO Ɔ NUNDENƐ 11:15

Mbɛ maeka wɔnfean bɔɛ‑a a ta buu fɛ. Mbɛ maeka nu banda bu ɔ, n‑na an kuiɛ a min, an mbe koɔ‑a gbankon, an dɔ, “Mmɔ 'a mansa Yataa, an fea kunka mansa a, a‑a a boo sɔ min ma, gbasaya ɛ gbɛ dechee an fan boo ɔ, ma koe a mansa a dunya chɛ gbɛɛ kun ma. A sin, Yataa ɛ ma‑a wan a 'a mansaya chɛ ɔ, kuɔ fɔ ni kuɔ fɔ ko a.”

KO Ɔ NUNDENƐ 12:1

Mbɛ n‑na kamaya koe wa ɔ yen, ɛ ma‑a banda bu ɔ. N‑na musu yen, tee chɛndɛ chɛndɛ ni min ma koa a, a sin, a ni a chenɛ ɔ suin tena kau an ma. Mansa banfua ni wan a kun na, tɔmbuaka tan kun ma fean ni min ma.

KO Ɔ NUNDENƐ 16:1

Mbɛ kuiɛ gbankon ba, n‑na a a min, a ka Yataa 'a chen chɛ a, a ɔ, maeka wɔnfea chɛ n ma, a ɔ, “Pani wɔnfea chɛ nu wo boo n na, miin na faenɛ ɛ ka Yataa 'a faatɛ gbɛ chɛ a, wo ta, wo ni an dɔ wuyan dunya kun ma.”

KO Ɔ NUNDENƐ 16:18

Mbɛ banda manɛ mia mia ben ben‑da, banda ɛ tu‑a diki diki, ɛ ta‑a koɔ‑a gbau gbau, mbɛ duu gboo wɛɛ samba‑a a ma chianden ba a. A ka mɔ gbu bɔ tima ma dunya chɛ ɔ, duu gboo ma samba nin bɛ, min yau kaka a ni che chɛ ɔ.

KO Ɔ NUNDENƐ 16:21

Mbɛ sankɔɛ gbugbu wa dɛgbɛ nu, miin dɔndɔɛ fanka ni che kɔɔ bɛchi dɔndɔɛ fanka ɔ, an bea‑a mɔɛ n ma, a ka banda a. Chɛɛ mɔɛ chɛ n‑na Yataa main fan, koe min na mu, koe chɛ ma chianden ni kaka.

KO Ɔ NUNDENƐ 19:11

Chɛ gbakɔ, n‑na banda bu ɔ yen a a kaenɛ ɛ. Mbɛ a yen ko, soo gbɛ ɛ nɔ. Mɔɛ min mbe si ɔ an soo chɛ kun ma, a tɔ mu Danaya ni Tea. A sin, kaa min ɛ a a tɛ, tea an mbe ma a ɔ, a sin mbe ee ta chɛɛ ɔ fania kun ma.

KO Ɔ NUNDENƐ 4:1

Chɛ gbakɔ, mbɛ n‑na ko dɔ mende ɔ yen to. A yen ko, n‑na n ya a ta, n‑na chenɛ da a kaenɛ yen sɔ ɔ n ya kɔɔ banda bu ɔ. Mbɛ n‑na mɔɛ chɛ min kuiɛ a min a saa a, min na‑a koɔ n tena yɔ buu, n‑na a kuiɛ a min to. A ɔ, “Sɛ nɛ chɛ, min mbe a ma, n ni a ɔ yian i a, koe miin mbe na tena ma‑a.”

KO Ɔ NUNDENƐ 4:5

Mbɛ mansa sea dɔndɔɛ chɛ tena banda bu ɔ, banda man mia mia bɔ‑a nɔ, banda wɛɛ, ɛ ta‑a koɔ‑a gbau gbau, sɔnkɔ sɔnkɔ chɛ kuiɛ ɛ ta‑a bɔ‑a. N‑na dambo wɔnfea wɛɛ yen fan, an mbe man‑da nɔ mansa sea chɛ ya kɔɔ. Chɛ n ni Yataa 'a nyina wɔnfea chɛ n fan na.

KO Ɔ NUNDENƐ 7:15

Chɛ an fɛ mu, an mbe sɔ ɔ Yataa Mansa chen kɔɔ. Su ɔ tee a, an mbe a 'a chenɛ a, an mbe a fai‑a. A wɛn sin mbe si ɔ a 'a mansa sea, ɛ an konde gbain‑da wan nɔ.

KO Ɔ NUNDENƐ 8:5

Mbɛ maeka chɛ‑a sanu pani chɛ ya, mbɛ a‑a a a fa ta a, a‑a min ya gbengbe chɛ ma. Mbɛ a‑a fen kunyɛ a diama ta chɛ ya, a‑a a a bɔn dunya chɛ ɔ. A ya kɔɔɛ a, banda koɔ‑a gbau gbau, banda manɛ ɛ ta‑a ben‑da mia mia, sɔnkɔ sɔnkɔ chɛ kuiɛ ɛ ta‑a bɔ‑a, duu gboo wɛɛ samba‑a to gbididi.

KO Ɔ NUNDENƐ 8:7

Maeka saa‑a a ta buu fɛ kɛn, mbɛ ko sɛsɛ ma‑a. Sankɔɛ bɔn‑da wan, ni ta basan wii a dunya chɛ ma. Ni dunya chɛ du‑a si tena sawa a, a si tena dɔndɔɛ minda‑a wan. Kɔnɛ n bɛɛ si tena dɔndɔ minda‑a wan, a basan chin fen kan kɔ kan na.