KO Ɔ NUNDENƐ 11:15 - Yataa 'a Dɔbɛnɛ Nama

¹⁵ Mbɛ maeka wɔnfean bɔɛ‑a a ta buu fɛ. Mbɛ maeka nu banda bu ɔ, n‑na an kuiɛ a min, an mbe koɔ‑a gbankon, an dɔ, “Mmɔ 'a mansa Yataa, an fea kunka mansa a, a‑a a boo sɔ min ma, gbasaya ɛ gbɛ dechee an fan boo ɔ, ma koe a mansa a dunya chɛ gbɛɛ kun ma. A sin, Yataa ɛ ma‑a wan a 'a mansaya chɛ ɔ, kuɔ fɔ ni kuɔ fɔ ko a.”

KO Ɔ NUNDENƐ 11:15 ပူးပေါင်းရင်းမြစ်များ

MATIU 24:31

Ni buu fɛ‑a gbankon, n mbe n 'na maeka n na ta‑a wan dunya gbɛɛ ɔ, an ni mɔɛ chɛ n na sɔn sɔn, n‑na n boo sɔ miin ma, ma koe a n 'na mɔɛ n na.”

MATIU 6:13

I ma dɔn ko ɔ ko ni a ma, nn ni ko yama ma. Chɛɛ i ni nn tanka Sitana ma, nyina yama.’ ”

DUKU 1:33

A sin, ɛ ma‑a wan mansa a Isɔɛɛ mɔɛ n ko a kuɔ fɔ ko a, danka ee ma‑a a 'a mansaya ma.”

DUKU 15:10

A chia dɔndɔ gbe chɛ a, n ni a ma din wo tena, mbɛ ni mɔ dɔndɔ gbe, min mbe ee sɔ ɔ Yataa 'a chia ma, ni a‑a a kan kɔ sɔ a 'a ko yama an na, maeka n bɛɛ bu ɔ dia‑a ka wan.”

DUKU 15:6

mbɛ a yɛ‑a a a a waa a. Mbɛ ɛ a dia nyɔɛ n chee wan kaina dɔndɔ, a basan a baachenɛ n na, mbɛ a ɔ, ‘N‑na n 'na sa yen. Mmɔ buɔdia bɔ.’

CHISƆSI 'A SƆ MƆƐ NU 4:26

Mbɛ dunya ɔ mansa n‑na an fandi ma bɛn, mbɛ kun ti n na kan‑da kaina dɔndɔ, butuin chɛ koe a Mansa Yataa a, an fea kunka mansa a, a‑a a boo sɔ min ma.’

GBOO IBU MƆƐ N KO A 1:8

Chɛɛ a 'a denɛ wakoe tana, Yataa‑a a fɔ wan a 'a gboo ɔ, a ɔ, “Yataa mu i a, i 'a mansaya danka ee ma‑a, kuɔ fɔ ni kuɔ fɔ ko a. A sin, e gbasaya a tachɛ‑a wan i 'a mɔɛ n kun ma, teaya ɔ.

KO Ɔ NUNDENƐ 10:7

A ɔ, “Yataa na‑a a yii ma koe n fɔ wan a 'a yɔnɛ n ye, a 'a gbonka chɛ mɔɛ nu. Ni maeka wɔnfean bɔɛ chɛ‑a a ta buu fɛ, an koe chɛ nu, an mbe ban‑da wan ma‑a. An mbe ma‑a wan, yɔ a na‑a fɔ buɛ min dɔ an ye.”

KO Ɔ NUNDENƐ 12:10

Mbɛ n‑na mɔɛ koɔ kuiɛ a min, a ka banda bu ɔ. A koɔ‑a gbankon, a ɔ, “Mmɔ 'a Yataa‑a chɛɛ fo gbɛ. Ɛ a 'a gbasaya a tachɛ wan gbɛ, a 'a mansaya dunya kun ma. Yataa 'a Chasi wɛɛ, mmɔ kun ka mansa, ɛ a 'a gbasaya yian‑da wan dunya ɔ. Nyina yama n 'na mansa chɛ ee to sɔ ɔ Yataa chen kɔɔ, a ee to nɔ, kun yama si koe a mmɔ bɔɛ n kun ma su ɔ tee. Nyina yama chɛ fesan‑da nɔ, a a dɛ‑a dunya ɔ.

KO Ɔ NUNDENƐ 15:4

Yataa Mansa, mɔ ɔ mɔ ɛ samba‑a wan i ma chianɛ a. Mɔ ɔ mɔ ɛ basɔmaya be wan i ma. I wan mu dechee tea Yataa a. Dunya gbɛɛ ɛ na‑a i tando‑a wan, i chɛ chɛ wai chɛndɛ ko a, mɔɛ gbɛɛ ɛ min yen.”

KO Ɔ NUNDENƐ 16:17

Mbɛ maeka wɔnfean bɔɛ sin, a‑a a ta pani a fasi wan, mbɛ fia ta‑a a a. Mbɛ kuiɛ wa a min‑da gbankon, a ka Yataa 'a chenɛ a banda bu ɔ, mansa sea chɛ tena, a ɔ, “Ko ɔ ko ban‑da.”

KO Ɔ NUNDENƐ 17:14

Soe yama chɛ, an bɛ mansa tan chɛ n na, an mbe chɛɛ bun‑da wan sa tɔngbɔɛ ma. Chɛɛ sa tɔngbɔɛ chɛ, an bɛ a fɛ mɔɛ n na, an mbe tu‑a wan an chɛɛ ma nyɔɛ chɛ n na chɛndɛ chɛ. Koe min na mu, sa tɔngbɔɛ an mu mansa wa a, mansa wa n gbɛɛ kun ma mansa. A fɛ mɔɛ nu, an mu mɔɛ chɛ n fan na, Yataa‑a a boo sɔ miin ma, mbɛ a‑a an chee. An sin, an fan kai faen mu a a.”

KO Ɔ NUNDENƐ 19:1

Maeka chɛ da a kuiɛ chɛ gbakɔ, a ma‑a wan yɔ n‑na mɔ fanka wa kuiɛ a min bɔ‑a gbankon, a ka banda bu ɔ. An dɔ, “Mmɔ Yataa tando, mmɔ 'a mansa, bauncha ɛ an boo ɔ, basɔmaya wɛɛ, a basan gbasaya a.

KO Ɔ NUNDENƐ 19:6

Mbɛ a ma‑a, yɔ n‑na mɔ fanka kuiɛ a min. An kuiɛ chɛ maen fan ni gbankon, yɔ yii tu kuiɛ waa a, chɛ ma, banda tu kuiɛ gbau gbau. An dɔ, “Mmɔ Yataa tando, mmɔ 'a mansa, gbasaya mansa wa mu an na.

KO Ɔ NUNDENƐ 20:4

Mbɛ n‑na mansa sea n yen, mɔɛ miin sin ni si ɔ an sea chɛ n na, gbasaya been fan ni an ma, ma koe a mansa n na. A yɛ to, mɔɛ chɛ nu, an‑na miin kunɛ tɛ a a, sɔ koe a gban Chisɔsi ko a, a basan Yataa bai sa a, n‑na an fuɛ n yen fan. An mɔɛ chɛ nu, an nii ma soe yama chɛ fai ni, an nii ma fen chɛ wɛɛ fai ni, fenɛ min bɔen ni a a. A yɛ to, an nii ma soe yama chɛ 'a nyɛn chɛ sa ni an ya kɔɔ, an ma a sa ni a boo wɛɛ ma. An mɔɛ chɛ n yɛ‑a wan to fɔɛ ɔ, an ma‑a mansa a, san wu dɔndɔ (1,000) ko a, an bɛ Chasi a, kunka mansa.

KO Ɔ NUNDENƐ 8:12

Mbɛ maeka naanin bɔɛ‑a a ta buu fɛ. Tee ni ma, kau, a basan tɔmbuaka n na, an gbɛɛ ma‑a dama. Chɛ‑a a ma wan, an ma manɛ be ni tima ɛnden ko a. Ni tee du‑a si tena sawa a, tee nii ma bɔ ni si tena dɔndɔ ko a. Ni pimbi wɛɛ du‑a si tena sawa a, kau basan tɔmbuaka n na, an ma manɛ be ni si tena dɔndɔ ko a.

KO Ɔ NUNDENƐ 9:1

Mbɛ maeka duun bɔɛ‑a a ta buu fɛ. Tɔmbuaka na‑a ka wan banda a, a bea‑a duu ma, mbɛ n‑na a yen. Chi been fan ni tɔmbuaka chɛ ma, son chɛ da a ka koe a, son chɛ min danka ee.

KO Ɔ NUNDENƐ 9:13

Mbɛ maeka wɔdɔn bɔɛ‑a a ta buu fɛ. Mbɛ n‑na kuiɛ a min, a bɔ sanu gbengbe chɛ tɔnkɔn naaninɛ ɔ, fen kunyɛ a diama ɛ minda ka min ma, Yataa chen kɔɔ.