KO Ɔ NUNDENƐ 11:13 - Yataa 'a Dɔbɛnɛ Nama

¹³ A sin, a tima chɛ kɔɔ, duu gboo samba‑a wan, a ma chianden ba a. An duu wa duenɛ si tena tanɛ a, kaka dɔndɔɛ yɔn‑da gbae. Mɔ wu wɔnfea n (7,000) fa‑a. Mɔɛ tɔɛ n chian‑da wan, a ɔ benden ba a, mbɛ an‑na Yataa tando, banda bu ɔ mansa.

KO Ɔ NUNDENƐ 11:13 ပူးပေါင်းရင်းမြစ်များ

CHƆN 9:24

Mbɛ an kamin chɛ, min fionden ni ka a kɔma a, an‑na a chee to, a gba fean bɔɛ ko a. Mbɛ an dɔ, “Yataa ɛ i yen tena wan i sɔ gba chɛ ɔ, tea fɔ wɛɛ nn ye, a tɔɛ ko a. Nn danden fan mu a a, mbɛ kamin chɛ, mbɛ ko yama ma mɔɛ mu a a.”

CHISƆSI 'A SƆ MƆƐ NU 1:15

Tee kuunden gbakɔ, mɔɛ miin‑na an kai fa Chisɔsi Chasi a, an bɛn‑da wan kaina dɔndɔ. An danɛ taen fan ni mɔ chɛmɛ dɔndɔ, ni mɔ bi fea ɔ. Mbɛ Pita‑a a kɔɔ sɔ, koɔ koe a an tena.

KO Ɔ NUNDENƐ 11:11

Chɛɛ tee sawa, ni a tɔɛ chɛ ben‑da kɛn, Yataa‑a fɔɛ a yɛ wan an dɔ, mbɛ an‑na an kɔɔ sɔ, an sɔ‑a. A sin, mɔɛ miin gbɛɛ‑a chɛ ɔ yen, an chian‑da wan kaka.

KO Ɔ NUNDENƐ 11:19

Mbɛ Yataa 'a chenɛ, banda bu ɔ, a da a ka‑a. Mbɛ a 'a chen chɛ bu ɔ, mɔ ni kakaa yen fan nɔ. An kakaa chɛ, an ni a ɔ yian, mbɛ Yataa na‑a dɔbɛnɛ chɛ wan a 'a mɔɛ n na, Isɔɛɛ mɔɛ nu. Mbɛ banda manɛ mia mia bun‑da ben‑da, banda ɛ ta‑a koɔ‑a gbau gbau, sɔnkɔ sɔnkɔ chɛ kuiɛ ɛ ta‑a bɔ‑a. Duu gboo samba‑a gbididi, sankɔɛ ɛ ta‑a bɔn‑da.

KO Ɔ NUNDENƐ 14:7

A sin‑na a fɔ wan gbankon, a ɔ, “Wo chian Yataa ma, wo ni basɔmaya be a ma. Koe min na mu, tima che‑a, ɛ kaa a tɛ‑a mɔ ɔ mɔ wakoe ma tima min na dunya ɔ. Wo a fai, min‑na banda bu ɔ a dan, a basan dunya gbɛɛ a, kɔ yii gbɛɛ, a basan yii mɛsɛ mɛsɛ n gbɛɛ a.”

KO Ɔ NUNDENƐ 15:4

Yataa Mansa, mɔ ɔ mɔ ɛ samba‑a wan i ma chianɛ a. Mɔ ɔ mɔ ɛ basɔmaya be wan i ma. I wan mu dechee tea Yataa a. Dunya gbɛɛ ɛ na‑a i tando‑a wan, i chɛ chɛ wai chɛndɛ ko a, mɔɛ gbɛɛ ɛ min yen.”

KO Ɔ NUNDENƐ 19:7

Mmɔ bu ɔ ni dia, mmɔ ni buɔdia wa bɔ, mmɔ ni basɔmaya be a ma. Sa tɔngbɔɛ 'a musu fuu tima che‑a, a sin, a 'a sɛnama‑a a ma bɛn, a fuu koe gbu a.

KO Ɔ NUNDENƐ 3:4

Chɛɛ chɛ gbɛɛ ɔ, wo dɔ n mbe wan nɔ Sadisi duu chɛ ɔ, wo wɛn tachɛ buɛ nyin Yataa tena. Wo mɔɛ chɛ nu, mmɔ bɛ, mmɔ ɛ doma gbɛ don‑da wan, mmɔ ni tachɛ chɛ. Chɛ ɛ ma‑a wan, koe min na mu, chɛ bɛnden fan mu an ma.

KO Ɔ NUNDENƐ 6:12

Sa tɔngbɔɛ chɛ‑a yuu wɔdɔn bɔɛ tɛ kɛn, n‑na n ya a ta, mbɛ a yen ko, duu gboo samba‑a. A sin to, tee wɛɛ fin‑da wan yɔ chɛmbu, mbɛ kau yawa‑a yɔ wii.

KO Ɔ NUNDENƐ 8:5

Mbɛ maeka chɛ‑a sanu pani chɛ ya, mbɛ a‑a a a fa ta a, a‑a min ya gbengbe chɛ ma. Mbɛ a‑a fen kunyɛ a diama ta chɛ ya, a‑a a a bɔn dunya chɛ ɔ. A ya kɔɔɛ a, banda koɔ‑a gbau gbau, banda manɛ ɛ ta‑a ben‑da mia mia, sɔnkɔ sɔnkɔ chɛ kuiɛ ɛ ta‑a bɔ‑a, duu gboo wɛɛ samba‑a to gbididi.