KO Ɔ NUNDENƐ 11:12 - Yataa 'a Dɔbɛnɛ Nama

¹² Mbɛ mɔ fea chɛ n‑na kuiɛ wa a min, a ka banda bu ɔ, a ɔ, “Wo sɛ nɛ.” An chɛɛ ma nyɔɛ chɛ n ya to‑a ka wan an na, mbɛ an ya‑a, an sɛ‑a banda bu ɔ, dugbu wa ɔ.

KO Ɔ NUNDENƐ 11:12 ပူးပေါင်းရင်းမြစ်များ

DUKU 16:23

chɛɛ a ta‑a ta ɔ wan, a ni kaina tɔɔya wa ɔ. Mbɛ a‑a a ya a sɛ, mbɛ a‑a Ebeami yen pɔɔ, Dasayɔsi ɛ si ɔ a baima.

CHISƆSI 'A SƆ MƆƐ NU 1:9

Chɛ fɔenɛ gbakɔ, a 'a sɔ mɔɛ n ya to‑a wan a a, aan a ya‑a a sɛ banda bu ɔ. Mbɛ a don‑da dingbii ɔ, a tuin‑da an ya a.

Gboo Saa Tɛsadonika Ko A 4:17

Mbɛ a tima chɛ a, mmɔ wɛn mbe ma‑a fɔɛ ɔ, mmɔ bɛ an na, mmɔ gbɛɛ ɛ ya a wan, mmɔ a ni sɔn dugbu ɔ banda a. Chɛ an mbe ma‑a, mmɔ ni Mansa Chisɔsi tan. Chɛ ɛ a ma‑a wan, mmɔ bɛ ni ma kuɔ fɔ ko a.

KO Ɔ NUNDENƐ 12:5

Mbɛ a‑a den kaienɛ suun, min mbe na tena ma‑a mansa a, dunya gbɛɛ ko a, a sin mbe ee a 'a mansaya a tachɛ‑a chinchincha ɔ. Maeka‑a den chɛ ya wan, a ya kɔɔɛ a, a sɛ‑a Yataa tena, si ɔ a 'a mansaya sea a.

KO Ɔ NUNDENƐ 3:21

Mɔ ɔ mɔ min mbe sɔ‑a gban Yataa ko a, n mbe a ma‑a wan, a ni si n baima n 'na mansaya ɔ. An mɔɛ chɛ, ɛ ma‑a wan yɔ n fan, n sɔ‑a buɛ min dɔ gban, mbɛ n‑na si tena chɛ ya Fa Yataa tɔnfɛ.”

KO Ɔ NUNDENƐ 4:1

Chɛ gbakɔ, mbɛ n‑na ko dɔ mende ɔ yen to. A yen ko, n‑na n ya a ta, n‑na chenɛ da a kaenɛ yen sɔ ɔ n ya kɔɔ banda bu ɔ. Mbɛ n‑na mɔɛ chɛ min kuiɛ a min a saa a, min na‑a koɔ n tena yɔ buu, n‑na a kuiɛ a min to. A ɔ, “Sɛ nɛ chɛ, min mbe a ma, n ni a ɔ yian i a, koe miin mbe na tena ma‑a.”