KO Ɔ NUNDENƐ 1:18 - Yataa 'a Dɔbɛnɛ Nama

¹⁸ Mbɛ a ɔ, “A yen ko, chi ɛ n boo ɔ saya ko a, a basan ta koe a faa a. N faen fan ni, chɛɛ a yen ko, n mbe fɔɛ ɔ kuɔ fɔ ni kuɔ fɔ ko a. N fan, fɔɛ ɛ n fan boo ɔ.

KO Ɔ NUNDENƐ 1:18 ပူးပေါင်းရင်းမြစ်များ

MATIU 11:23

Wo wɛn sin mbe ka Kapanaun duu ɔ, wo‑a wo wandi a sɛ banda a, chɛɛ Yataa ɛ wo a yii‑a wan duu ma. N‑na kamaya koe miin ma ka wo 'a duu chɛ ɔ, ni Sɔdɔn mɔɛ n na‑a an dɔ yen fan, Sɔdɔn nii ma‑a duu tombo a bi tee chɛ a.

MATIU 16:19

N mbe gbasaya be‑a wan i ma mɔɛ chɛ n kun ma, miin mbe Yataa 'a mansaya kɔɔ. Ni i ma dɔn ni ko ɔ ko ma dunya chɛ ɔ, Yataa wɛɛ ee dɔn‑da a koe chɛ ma. Chɛɛ ni i dɔn‑da ko ɔ ko ma dunya chɛ ɔ, Yataa wɛɛ ɛ dɔn‑da wan an koe chɛ ma.”

DUKU 24:5

Musu chɛ n chian‑da wan kaka, mbɛ an‑na an kunɛ a bun duu ma. Mbɛ kamin chɛ n dɔ, “Wo ma na wo ya a kan‑da kamba ɔ chɛndɛ ba a.

CHƆN 11:25

Mbɛ Chisɔsi ɔ te to a ma, “N fan mbe a ma, mɔɛ n mbe an kɔɔ sɔ, a ka saya ɔ, mbɛ n‑na a ma to, an‑na fɔɛ ma sɔn. An ni a fɔ mɔɛ ni fa wɛɛ, ɛ a tun fan ma koe a fɔɛ ɔ, ni a kai faen fan ni n na.

CHƆN 14:19

A ɔ ma yansan to, mbɛ Yataa wakoe ee mɔɛ miin faa ɔ dunya chɛ ɔ, an mbe ee n yen‑da to. Chɛɛ wo tana, wo e n yen‑da wan, koe min na mu, ni n yɛ‑a fɔɛ ɔ, wo wɛɛ, wo e ma‑a wan fɔɛ ɔ.

GBOO DOMI KO A 6:9

Koe min na mu, mmɔ‑a a ɔ sɔn fan, mbɛ Chasi a sɔ‑a wan a ka saya ɔ. A sin, gbasaya ee to saya boo ɔ a kun ma, fa koe a to.

GBOO FEAN BƆƐ KƆYINDI KO A 13:4

Koe min na mu, tima min na an ni Chasi gbangban tena kɔn gbengbandenɛ ma, a fa koe a, a nii ma gbasaya yian ni. Chɛɛ ɛ tun fɔɛ ɔ, Yataa 'a gbasaya ɔ. Chɛ an fɛ mu, gbasaya ee nn bɛɛ boo ɔ, nn mu ka buɛ min dɔ mɔ dɔndɔɛ n na Chasi a. Chɛɛ wo e a ɔ yen‑da wan, Yataa 'a gbasaya ɔ, nn mbe fɔɛ ɔ, nn bɛ Chasi a, wai chɛ koe a wo ko a.

Gboo Kadesia Ko A 2:20

N fandi gbu wɛɛ, n faenɛ mu gbɛ, chɛɛ Chasi ɛ sɔ ɔ n kɔ. Chɛ ko a, n mbe buɛ min dɔ fɔɛ chɛ ɔ, n kai faen mu Yataa 'a denɛ an na. A wan to‑a n na, mbɛ a‑a a fɔɛ be n ko a.

Gboo Kɔdɔsai Ko A 3:3

Koe min na mu, wo fa‑a wan. A sin, wo 'a fɔɛ nama, ɛ sa ɔ nun dɔ, Yataa boo ɔ, Chasi ɛ kaina min.

GBOO IBU MƆƐ N KO A 1:3

An den chɛ sin, Yataa 'a kamaya ɛ yen fan a ɔ. Yataa ɛ buɛ min dɔ dechee, a wɛɛ ɛ ka wan. A da a bai gbasayaen mu, min mbe a ma tena dunya kunɛ a biaenɛ ɛ kaina dɔndɔɛ. A ban‑da kɛn mmɔ ma ko‑a, a bɔ mmɔ 'a ko yama n dɔ, a si‑a kaina ma bɛndenɛ Mansa Yataa boo nyima ɔ, pan banda bu ɔ.

GBOO IBU MƆƐ N KO A 12:2

Mmɔ ni mmɔ yii sɔ Chisɔsi ma, tima ɔ tima ko a. A wan mbe a ma, mmɔ ɛ mmɔ kai fa Yataa a, a ka fɔɛ kuu sɔ tena ma, a ta a danka a. An‑na a gbangban tima min bɛɛ a kɔn gbengbandenɛ ma, a nii ma a boo bɔ ni mmɔ wakoe ɔ. Koe min na mu, a na‑a a ɔ sɔn fan, mbɛ chia dɔndɔɛ a, buɔdia wa an mbe a ya ɔ. A nii ma a ya ni mauma ko kan kɔ kan na, fa koe a kɔn gbengbandenɛ ma. A sin mbe sanche gbɛ si ɔ wan, basɔmaya ɔ Yataa 'a mansaya sea boo nyima ɔ.

GBOO IBU MƆƐ N KO A 7:16

Mbɛ a ma‑a tɛ mɔɛ a, sawa ta fɛ chia a ma, min sien mu a bɔ dambi ma. Chɛɛ a bɔ‑a gbasaya chɛ an dɔ, fɔɛ min mbe ee che kasaa‑a, an mbe a ɔ.

GBOO IBU MƆƐ N KO A 7:25

A sin fan fɛ mu, mɔɛ miin mbe na Yataa tena, a 'a gbasaya ɔ, ɛ an mɔɛ chɛ n kun bɔ wan tima ɔ tima an 'na ko yama n dɔ. Koe min na mu, tima ɔ tima ko a, ɛ wan nɔ, Yataa ma nande koe a, an mɔɛ chɛ n ko a.

KO Ɔ NUNDENƐ 10:6

Mbɛ a‑a a fɔ, a ɔ, “Tima ban‑da, makɔn chɛ tima Yataa boo ɔ.” A ɔ, a ɛ ka tea an fɔ tena, a ɔ, Yataa tɔɛ ɔ. Yataa min mu, a ee fa kuɔ fɔ ko a, min‑na banda bu ɔ a dan, a basan fen fen na, miin mbe nɔ. A yɛ to, a‑a dunya a dan, a basan fen fen na dunya ɔ, a‑a kɔ yii wɛɛ a dan, ni fenɛ miin gbɛɛ ɛ a ɔ.

KO Ɔ NUNDENƐ 15:7

Mbɛ fɔɛ fen naanin chɛ n dɔndɔ, a‑a sanu pani wɔnfea an be maeka wɔnfea chɛ n ma. Pani chɛ n na faen ni Yataa 'a faatɛ an na, a wɛn mbe ee fa kuɔ fɔ ni kuɔ fɔ ko a.

KO Ɔ NUNDENƐ 2:8

Mbɛ a ɔ te to n ma, a ɔ, n ni chɛ nyɛn maeka chɛ tena chɔchi ko a, Simina duu ɔ. A ɔ, “N fan, mɔɛ chɛ, n fɛn mbe a ma fen fen mbe a kuu sɔ,” a ɔ, “n fɛn mbe a ma to fen fen mbe danka, n fan mɔɛ chɛ, n fɛn fa‑a, mbɛ n yɛ‑a to fɔɛ ɔ.”

KO Ɔ NUNDENƐ 20:13

A tima chɛ a, mɔɛ miin na‑a to yii ɔ tee, an bɔ‑a wan. Mɔɛ chɛ n bɛɛ, miin ni faa a, an bɔ‑a wan. An gbɛɛ ta‑a wan Yataa chen kɔɔ, kaa a tɛ koe a an bakoe ma. Kaa chɛ a ɛ tɛ‑a, a ka an chɛ chɛ wai n fan ma dunya ma.

KO Ɔ NUNDENƐ 20:14

Mbɛ saya fea faa a, an na dɛ‑a ta man ba ɔ. Ta wa chɛ ɔ ta, an mu saya fean bɔɛ a, a dankama.

KO Ɔ NUNDENƐ 3:7

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Fidadɛfia duu ɔ. A ɔ, “N fan, mɔɛ chɛ, n fɛn kan nyɔ ee, n fɛn teaen mu, a sin to, Mansa Defidi 'a chi ɛ n boo ɔ.” A ɔ, “N fan mbe chenɛ da a ka, mɔ ɔ mɔ ee a da a tɔn, a yɛ to, n fan mbe a da a tɔn, mɔ ɔ mɔ ee a da a ka.” A ɔ, “N 'na sakana an nɛ.”

KO Ɔ NUNDENƐ 4:9

Fɔɛ fen naanin chɛ nu, an gboo ɔ ma fa ni tando be koe a, a basan basɔmaya a, ni wai bɔɛ. An‑na mansa chɛ an fai ka, min mbe si ɔ a 'a mansaya sea, min mbe ee fa‑a kuɔ fɔ ko a.

KO Ɔ NUNDENƐ 5:14

Mbɛ fɔɛ fen naanin chɛ n dɔ, “A ni ma ka.” Mbɛ gbakoo chɛ n gbɛɛ‑a an kumbai gbangban, an‑na Yataa fai, an fea sa tɔngbɔɛ chɛ a.

KO Ɔ NUNDENƐ 6:8

Mbɛ a yen ko, n‑na soo yen, a gboo maenɛ ɛ panfuan. Mɔɛ min ni soo chɛ kun ma, a tɔ ni Saya. A bɔɛ min sin ni na tena, a gbaa chia a, a tana, a tɔ ni Faa. Gbasaya been fan ni an ma, dunya chɛ ɔ mɔɛ n kaka dɔndɔ kun ma, ni an mɔɛ chɛ n du‑a kaina naaninɛ a. Gbasaya be‑a wan an ma mɔɛ n fa koe a, chɛɛ chɛ mɛ a. A yɛ to, an ni an fa daun fen daun sɔɛ a, ni gbandi yama a, a basan bia chɛ soe n na.

KO Ɔ NUNDENƐ 9:1

Mbɛ maeka duun bɔɛ‑a a ta buu fɛ. Tɔmbuaka na‑a ka wan banda a, a bea‑a duu ma, mbɛ n‑na a yen. Chi been fan ni tɔmbuaka chɛ ma, son chɛ da a ka koe a, son chɛ min danka ee.