KO Ɔ NUNDENƐ 1:17 - Yataa 'a Dɔbɛnɛ Nama

¹⁷ N‑na a yen kɛn, mbɛ n bea‑a a chen kɔɔ susu gbuu yɔ su. Chɛɛ a‑a a boo nyima bun n ma, a ɔ, “Sɛmbɛ chian koe a. N fan mbe a ma fen fen mbe a kuu sɔ, n fan mbe a ma to fen fen mbe danka.”

KO Ɔ NUNDENƐ 1:17 ပူးပေါင်းရင်းမြစ်များ

MATIU 14:27

Mbɛ a ya kɔɔɛ a, Chisɔsi koɔ‑a an tena, a ɔ te, “Wo sɛmbɛ ka kaina chɛ an yee tɛ‑a. N fan mu, wo ma chian.”

MATIU 28:4

Soya miin ni ka kamba chɛ kun ma fɛn‑da, an chian‑da wan a ma kaka. Chɛ‑a a ma wan, mbɛ an bea‑a duu ma, an chima‑a yɔ su.

MATIU 28:5

Chɛɛ maeka chɛ‑a a fɔ wan musu chɛ n ye, a ɔ, “Wo ma chian. A mu min na, n‑na a ɔ sɔn fan, mbɛ wo e wo ya a kan tena Chisɔsi an na, an‑na min gbangban kɔn gbengbandenɛ ma, a tɔn‑da kaina.

CHƆN 13:23

Chisɔsi fɛ den chɛ n dɔndɔ, min ko a ni di a ye kaka, a ni wan Chisɔsi tɔnfɛ daun chɛ‑a.

CHƆN 21:20

Mbɛ Pita‑a a ya a mun, mbɛ a‑a a bɔɛ chɛ yen na‑a gbaa a, a bɔɛ min ko a di ka an 'na mansa ye gbeden. A bɔɛ chɛ, an ni min dɔ daun chɛ tena yɛɛ ma tee a, an na‑a a da a ta Chisɔsi too baima, mbɛ a‑a a ɔ tisa, a ɔ, “Mansa, nyɔn gbu sin mbe na tena i ma tachɛ‑a, i chɛɛ ma nyɔnɛ n ma?”

KO Ɔ NUNDENƐ 1:11

Mbɛ an kuiɛ chɛ, a ɔ n ma, “E koe miin dɔ yen‑da, an nyɛn, i ni an na ta chɔchi wɔnfea chɛ n tena, duu wa chɛ n dɔ. Chɔchi chɛ ni ma Ɛfisɔsi, ni chɛ Simina, chɛ Pakamɔn, ni chɛ Tiyatiya. Chɔchi chɛ to Sadisi, ni chɛ Fidadɛfia, a basan chɛ a Daɔdisia.”

KO Ɔ NUNDENƐ 1:4

N fan Chɔn, n fan mbe gboo chɛ nyɛn tena wo tena, wo wɛn mbe chɔchi wɔnfea n dɔ, Esia chɛnyɛ ɔ. Yataa ni wo dua, Yataa ni faachima be wo ma. Yataa min mbe nɔ sanche, a ni wan nɔ suun, a sin mbe ma‑a wan nɔ kuɔ fɔ ko a. Nyina wɔnfea n bɛɛ, miin mbe sɔ ɔ Yataa ya kɔɔ, ɛ si ɔ a 'a mansaya sea a.

KO Ɔ NUNDENƐ 1:8

Yataa Mansa‑a a fɔ wan, a ɔ, a wan mbe a ma fen fen mbe a kuu sɔ, a wan mbe a ma to fen fen mbe che a danka a. A ɔ, a wan ni suun, a wan mbe sanche, a ɔ, a sin mbe ma‑a wan nɔ kuɔ fɔ ko a. A ɔ, a 'a gbasaya danka ee ma‑a.

KO Ɔ NUNDENƐ 2:8

Mbɛ a ɔ te to n ma, a ɔ, n ni chɛ nyɛn maeka chɛ tena chɔchi ko a, Simina duu ɔ. A ɔ, “N fan, mɔɛ chɛ, n fɛn mbe a ma fen fen mbe a kuu sɔ,” a ɔ, “n fɛn mbe a ma to fen fen mbe danka, n fan mɔɛ chɛ, n fɛn fa‑a, mbɛ n yɛ‑a to fɔɛ ɔ.”

KO Ɔ NUNDENƐ 22:13

N fan mbe a ma fen fen mbe a kuu sɔ, n fan mbe a ma to fen fen mbe danka.”