MATIU 9:8 - Yataa 'a Dɔbɛnɛ Nama

⁸ Mɔ fanka chɛ, miin ni ka nɔ, an‑na chɛ ɔ yen kɛn, an chian‑da wan. Mbɛ an‑na Yataa tando, gbasaya sima chɛ be koe a mɔ gbu ma.

MATIU 9:8 ပူးပေါင်းရင်းမြစ်များ

MATIU 12:23

Mɔɛ miin gbɛɛ ni ka nɔ sɔ ɔ, an tɛnɛ‑a wan koe chɛ a. Mbɛ an dɔ an nyɔn ma, an dɔ, “O, mɔɛ min bɔ‑a Mansa Defidi 'a dambi ɔ, a wakoe fɔen fan mu. An mɔna chɛ an mbe na bɔ ka a 'a dambi ɔ?”

MATIU 15:31

Mɔɛ chɛ n gbɛɛ tɛnɛ‑a wan a a, kɛn Chisɔsi‑a chɛ ma. An‑na a ɔ yen mumunɛ n koɔ‑a, namaa n tachɛ‑a, mbɛ ya te tɔɛ n‑na kaina yen. An‑na a ɔ yen fan to, miin bɛɛ boo n faen ni an ma, an baun‑da, a basan chɛ n na, miin chenɛ n faen ni an ma. Chɛ ko a, an‑na tando be wan Yataa ma, Chu mɔɛ n ni Yataa min fai.

MATIU 28:18

Mbɛ Chisɔsi gbɛn‑da an ma, mbɛ a ɔ, “Fa min mbe banda bu ɔ, a‑a gbasaya gbɛɛ be n ma, fen fen kan kɔ kan kun ma, banda bu ɔ a basan dunya chɛ ma a.

MATIU 5:16

A sin, mbɛ i wan, i wɛn maen mu yɔ sanku manɛ, i bɔɛ mɔ gbu n ko a, a ma i 'a manɛ ni man i bɔɛ mɔ gbu n tɛ ɔ, min mbe a ma, an ni a ɔ yen, e wai chɛndɛ min chɛ tena. Chɛ an mbe a ma‑a, an ni tando be Fa Yataa ma, min mbe banda bu ɔ.”

MATIU 9:7

Mbɛ kamin chɛ‑a a kɔɔ sɔ, mbɛ a ta‑a a waa a.

MAKI 2:12

A ya kɔɔɛ a, an gbɛɛ ya to‑a ka wan kamin chɛ a, a‑a a kɔɔ sɔ, a‑a a 'a yaa ya, mbɛ a ta‑a gbae. An gbɛɛ da ɔ gbaa‑a wan gbechee, mbɛ an‑na Yataa tando. An dɔ, “Nn ma koe ɔ yen nin bɛ, yɔ chɛ nyɔn sima.”

MAKI 7:37

A sin, mɔɛ miin gbɛɛ na‑a a min, an da ɔ gbaa‑a wan gbechee. An dɔ, “Gba! A kosan a 'a wai chɛ‑a. Ɛ a ma wan too gbee tɔɛ wɛɛ ni koe a min, mumunɛ ni koɔ.”

DUKU 13:13

Mbɛ a‑a a boo bun musu chɛ ma. Mbɛ a ya kɔɔɛ a, musu chɛ sɔ‑a den, mbɛ a‑a tando be Yataa ma.

DUKU 17:15

An dɔndɔ‑a a ɔ yen kɛn, mbɛ a baun‑da, a yɛ‑a wan Chisɔsi tena, ɛ ta‑a Yataa tando‑a, a kuiɛ ma sɛenɛ a.

DUKU 17:18

Chɛɛ sonda chɛ dɔndɔ gbe an yɛ‑a, Yataa wai bɔ koe a.”

DUKU 18:43

A ya kɔɔɛ a, kamin chɛ ya a ka‑a, mbɛ a‑a kaina yen gbadan. Mbɛ a‑a a sɔ Chisɔsi fɛ, ɛ ta‑a Yataa tando‑a. Mɔ fanka fanka chɛ‑a koe chɛ ɔ yen kɛn, an gbɛɛ‑a tando be wan Yataa ma.

DUKU 2:20

Mbɛ sa kun ma fɛn mɔɛ chɛ n yɛ‑a. An mbe kɛn yɛ‑a, an bun‑da Yataa tando‑a, an mbe ta‑a si sa‑a a tena. An bu ɔ ni di wan koe chɛ n ko a, an‑na miin na min, a basan chɛ a, an‑na min dɔ yen. A gbɛɛ ma‑a wan, yɔ maeka chɛ‑a a fɔ buɛ min dɔ an ye.

DUKU 23:47

Domi soya gbakoo chɛ, min ni ka Chisɔsi ma fɛn‑da, a‑a a ɔ yen min ma‑a. Mbɛ a‑a tando be Yataa ma, a ɔ, “Tea gbu ko a, mɔ tandenɛ ni kamin chɛ a.”

DUKU 7:16

Chiandia‑a an gbɛɛ bia wan, mbɛ an‑na Yataa tando, an dɔ, “Yataa 'a gbonka chɛ mɔ wa na‑a mmɔ tɛ ɔ. A sin Yataa na‑a a 'a mɔɛ n baun koe a.”

CHƆN 15:8

Wo e ko chɛndɛ min ma‑a, ni an da a koa‑a, wo e ma‑a ka a ɔ yian fan na, mbɛ n fɛ denɛ mu wo a. An ko chɛndɛ chɛ n sin mbe a ɔ yian‑da wan to mɔɛ n na, Fa kamayaen mu buɛ min dɔ.

CHISƆSI 'A SƆ MƆƐ NU 11:18

An‑na bai chɛ a min kɛn, an sɛmbɛ‑a wan a ma nyin koe a. Mbɛ an‑na Yataa tando, an dɔ te, “Mbɛ Yataa deman‑da mɔɛ chɛ n bɛɛ ma, miin ma Chu mɔ a. A‑a chia sa wan an bɛɛ ye, an ni an kan kɔ sɔ an 'na ko yama a, mbɛ an‑na kuɔ fɔ fɔɛ ma sɔn.”

CHISƆSI 'A SƆ MƆƐ NU 21:20

An sin‑na Pɔɔ 'a bai chɛ n na min kɛn, an‑na tando be wan Yataa ma. Mbɛ an‑na a fɔ Pɔɔ ye, an dɔ, “Nn suun ma nyɔɛ Chasi ɔ, i wandi‑a a ɔ yen, mbɛ Chu mɔ wu sɛsɛ nu, an‑na an kai fa buɛ min dɔ Chisɔsi a. A yɛ to, an‑na a ma wan, an ma gbɔsɔɛ a, mmɔ 'a Chu sawa n bia koe a.

CHISƆSI 'A SƆ MƆƐ NU 4:21

Chɛ gbakɔ, Chu kuti wa chɛ, an‑na Pita n na si wan to gbau gbau, mbɛ an‑na an boo ka. Koe min na mu, mɔɛ n gbɛɛ ni wan Yataa tando‑a, koe chɛ ko a, min ma‑a ka. An fandi gbu kuti ɔ, an kuiɛ nii ma bɛn ni kaina dɔndɔɛ, a si ni an mbe an tɔɔ buɛ min dɔ.

GBOO FEAN BƆƐ KƆYINDI KO A 9:13

A sin, wo e wai min chɛ tena ka, ɛ koe min dɔ yian tena, ɛ a ma tena wan, mɔ sɛsɛ ni basɔmaya be Yataa ma. Koe min na mu, wo‑a wo boo si wan sakana bai chɛ kɔɔ, wo e min dɔ yian, a si Chisɔsi ma. A yɛ to, wo 'a wai nyima wɛɛ ko a, wo e min chɛ an na, a basan mɔ dɔ mende n bɛɛ a.

Gboo Kadesia Ko A 1:24

A sin, n bakoe na‑a a ma wan, an‑na Yataa tando.

1 PITA 2:12

Wo sɔnɛ n ma ni kawa mɔɛ chɛ n tɛ ɔ, miin ma Yataa sɔn. An mbe a ma‑a, ni mɔɛ n‑na wo chee wɛɛ ko yama ma mɔɛ n na, an mbe wo sɔn chɛndɛ chɛ yen‑da wan. Chɛ an mbe a ma‑a an ni tando be Yataa ma, a na tee ma.