MATIU 9:6 - Yataa 'a Dɔbɛnɛ Nama

⁶ N mbe a ɔ yian‑da wan gbɛ wo a, mbɛ gbasaya ɛ wan n fan, Mɔ Gbu 'a Denɛ, n boo ɔ dunya chɛ ɔ, n boo bɔ koe a ko yama ɔ.” Mbɛ a‑a a fɔ namaa chɛ ma, a ɔ, “N mbe a fɔ tena gbɛ i ye, mbɛ i ni i kɔɔ sɔ, i ni i 'a yaa ya, i ni ta i waa a.”

MATIU 9:6 ပူးပေါင်းရင်းမြစ်များ

MATIU 4:24

A ma tɔɛ ta‑a wan Siyia chɛnyɛ gbɛɛ ɔ, min‑na a ma, mɔɛ na‑a a tena mɔɛ n na, gbandi sɛsɛ ni miin ma. An na‑a chɛ n na kɔsɔɛ ni miin gboo ɔ, gbɔgbɔi ni miin na be‑a, nyina yama ni miin fɛ, a basan namaa an na. Gbandi mɔ kan kɔ kan dechee, an na‑a wan an na a tena, a sin‑na an gbɛɛ a baun fan.

MATIU 8:20

Mbɛ Chisɔsi ɔ, “Sonɛ n mbe fia ɔ, soe n boo ɔ, a sin konde n bɛɛ nyanɛ n mbe. Chɛɛ kaina kan kɔ kan mbe ee n boo ɔ, n fan, Mɔ Gbu 'a Denɛ, n mbe n gbɛnku kaina n ni n suin.”

MATIU 9:2

Mbɛ a yen ko, mɔɛ dɔ n na‑a a tena kamin dɔndɔ a, min ni namaa a, ɛ sa ɔ yaa ɔ. Mbɛ Chisɔsi‑a a ɔ yen danaya min nyɔn sima ni an dɔ. Mbɛ a‑a a fɔ namaa chɛ ma, a ɔ, “N 'na den, i faa ma yɔn. N mbe a fɔ tena i ye, mbɛ n‑na n boo bɔ i 'a ko yama ɔ.”

MATIU 9:5

A ɔ ma gbɛ a fɔ koe a namaa chɛ ye, mbɛ n‑na n boo bɔ a 'a ko yama ɔ. Chɛɛ a ɔ gbɛ wan a ma koe a, a ni a kɔɔ sɔ, a ni tachɛ chɛ.

MATIU 9:7

Mbɛ kamin chɛ‑a a kɔɔ sɔ, mbɛ a ta‑a a waa a.

MAKI 2:10

N mbe a ɔ yian‑da wan wo a gbɛ sanche, mbɛ n fan, Mɔ gbu 'a Denɛ, gbasaya ɛ wan n boo ɔ, dunya chɛ ɔ, n boo bɔ koe a mɔɛ n 'na ko yama n dɔ.” Mbɛ a koɔ‑a ka wan namaa chɛ tena,

MAKI 2:7

An dɔ, “Fen ko a mu, mɔ bonda chɛ ɛ bai chɛ sima fɔ‑a? Ɛ ka baa an bɔ tena Yataa ma. Yataa dɔndɔ gbe, an mbe che a boo bɔ‑a mɔ gbu 'a ko yama n dɔ, chɛɛ mɔ gbu ma.”

DUKU 5:21

Chu n 'na sawa kan mɔɛ chɛ n‑na bai chɛ a min kɛn, an bɛ Fayisii n na, an bun‑da a fɔ‑a an yiima ɔ, an dɔ, “Kamin chɛ e na ma nyɔn na koɔ koe a ka buɛ chɛ ɔ. Ɛ ka Yataa an main‑da. Mɔ ɔ mɔ ee nɔ min mbe kun, a ni a boo bɔ mɔ gbu 'a ko yama ɔ, mɔɔ Yataa dɔndɔ gbe.”

CHƆN 10:28

N fɛ mɔɛ nu, n mbe kuɔ fɔ fɔɛ an be‑a an ma, min mbe a ma, an mbe ee fa‑a, an ni to saya ɔ. Mɔ ɔ mɔ ee che an bɔ‑a n boo ɔ.

CHƆN 17:2

Koe min na mu, i‑a gbasaya be n ma, mɔ gbu n gbɛɛ kun ma dunya ɔ. Gbasaya min mbe a ma, n ni a ma, chɛ n gbɛɛ ni kuɔ fɔ fɔɛ ma sɔn, i‑a miin be n ma, ma koe a n fɛ.

CHƆN 5:27

A sin‑na n si ka wan to a gbasaya chɛ ɔ, kaa a tɛ koe a. Koe min na mu a‑a chɛ ma, n fan mu Mɔ Gbu 'a Denɛ a.

CHƆN 5:8

Mbɛ Chisɔsi‑a a fɔ a ma, a ɔ, “I kɔɔ sɔ, i ni i 'a waa ya, mbɛ i ta‑a.”

CHISƆSI 'A SƆ MƆƐ NU 5:31

Yataa‑a a a sɛ wan basɔmaya kaina chenama wa, a wan Yataa boo nyima ɔ. A‑a a ma wan to mansa a, ni mɔ gbu n baun mɔɛ a. Chɛ ni a ma, Isɔɛɛ mɔɛ n ni kun, an ya a mun koe ma Yataa ma, mbɛ Yataa‑a a boo bɔ an 'na ko yama n dɔ.

CHISƆSI 'A SƆ MƆƐ NU 9:34

Mbɛ Pita‑a a fɔ a ye, a ɔ, “Ainɛasi, Chisɔsi Chasi‑a i baun. I kɔɔ sɔ, i ni i 'a sofa ɔ bɛn.” A ya kɔɔɛ a, Ainɛasi‑a a kɔɔ sɔ.

GBOO FEAN BƆƐ KƆYINDI KO A 2:10

Mɔ ɔ mɔ, wo e min to‑a nɔ, a 'a ko yama ko a, n bɛɛ n mbe a to‑a wan nɔ. N‑na ko ɔ ko min to nɔ, ni tataya koe gbu ma wɛɛ, n mbe a ma‑a wan wo ko a, Chasi chen kɔɔ.

GBOO FEAN BƆƐ KƆYINDI KO A 5:20

Chɛ ko a, nn yen ko gbɛ nɛ, nn mu Chasi 'a sɔ mɔɛ a. Nn mbe a ɔ yian‑da, a maenɛ mu yɔ Yataa wandi an mbe koɔ tena nn dɔ. Nn mbe wo disa tena, yɔ Chasi wandi an mbe koɔ tena, Yataa ni a ma wo ni mun chɛɛ ma nyɔncha ɔ, wo ni ma a dia nyɔɛ n na.

Gboo Ɛfisɔsi Ko A 4:32

A sin to, wo faa ni nyan wo nyɔn ko a, wo ni ko chɛndɛ ma wo nyɔn na. A yɛ to, wo ni wo boo bɔ ko yama n dɔ, wo bɔɛ n mbe miin ma wo a, yɔ Yataa‑a a ma buɛ min dɔ, Chisɔsi Chasi ɔ, ɛ a boo bɔ wo 'a ko yama n dɔ.

Gboo Kɔdɔsai Ko A 3:13

Wo gboo ɔ ma fa, wo faa bia koe a wo nyɔn na. A sin, ni gbonyɛ ma‑a wo dɔndɔ wɛɛ da a, a bɔɛ ko a, a ni a boo bɔ an bai chɛ ɔ. Wo wo bɔɛ n to nɔ, ni an‑na ko yama ma wo a, yɔ Mansa Chisɔsi wɛɛ‑a wo to buɛ min dɔ nɔ, wo 'a ko yama n ko a.