MATIU 9:4 - Yataa 'a Dɔbɛnɛ Nama

⁴ Chɛɛ Chisɔsi na‑a a ɔ sɔn fan, an 'na yiinachii ni min na. Mbɛ a ɔ, “Wo 'a yiinachii yau kaka.

MATIU 9:4 ပူးပေါင်းရင်းမြစ်များ

MATIU 12:25

Mbɛ Chisɔsi‑a a ɔ sɔn kɛn, koe min ni mɔɛ chɛ n yii ma, a‑a a fɔ wan an ye, a ɔ, “Ni chɛɛ ma‑a mɔɛ n tɛ chɛnyɛ kan kɔ kan dɔ, an chɛnyɛ chɛ ɛ yɔn fan. A yɛ to, ni koɛ ma‑a duu min dɔ mɔɛ n tɛ, a duu chɛ ɛ te wan. Suunɛ wɛɛ ɛ ka wan, koɛ ɛ a yɔn fan.

MAKI 12:15

Chɛɛ Chisɔsi na‑a an 'na yiinachii yama chɛ kɔɔ sɔn fan, mbɛ a‑a a fɔ an ye, “Fen mu wo toen mu wo ni n dɔ chɛ? Wo na n ye kain gbɛnsɛn dɔndɔ a, n mbe a ma fɛn.”

MAKI 2:8

Chɛɛ Chisɔsi‑a a ɔ sɔn fan, a ya kɔɔɛ a, koe min ni tachɛ tena an yiima ɔ. Chɛ ko a, a ɔ an ma, “Wo sɛmbɛ wo yii na chii koe a ka.

DUKU 11:17

Chɛɛ Chisɔsi na‑a a ɔ sɔn fan, an ni an yii na chii tena koe min na. Chɛ an‑na a fɔ, a‑a a fɔ an ye, a ɔ, “Ni chɛɛ ma‑a mɔɛ n tɛ chɛnyɛ kan kɔ kan dɔ, an chɛnyɛ chɛ ɛ yɔn fan. A yɛ to, koɛ ɛ suunɛ min bɛɛ ɔ, an suun chɛ ɛ yɔn fan.

DUKU 5:22

Chɛɛ Chisɔsi na‑a an yii ma koe n dɔ sɔn fan, mbɛ a‑a a fɔ an ye, a ɔ, “Yiinachii chɛ ma ma wo ɔ, mbɛ n‑na bai min fɔ ka, a ma nyin a fɔ koe a.

DUKU 6:8

Chɛɛ Chisɔsi na‑a an yii ma koe sɔn fan, mbɛ a‑a a fɔ kamin chɛ ye, min boo chɛ faen ni ka a ma, a ɔ, “I kɔɔ sɔ, i ni na nɛ ya ɔ.” Kamin chɛ na‑a wan, mbɛ a sɔ‑a an ya kɔɔ.

DUKU 7:40

Mbɛ Chisɔsi koɔ‑a, a ɔ, “Saimɔn, bai an mbe n da a i ko a.” Mbɛ Saimɔn dɔ, “Ticha, fen bai mu?”

CHƆN 16:19

Chisɔsi na‑a a ɔ sɔn fan, mbɛ an toen fan ni ka, an ni a ɔ tisa. Mbɛ a ɔ, “N dɔ, wo ee na tena to n yen‑da, n dɔ, a ɔ ee mɛ tena to. Mbɛ n dɔ te to, wo e n yen‑da wan, n dɔ, a ɔ ee mɛ tena to. N‑na a ɔ sɔn fan, mbɛ chɛ gbu an‑na wo kɔndɔ fii ka.

CHƆN 16:30

Sanche mu gbɛ a boo‑a nn ma chɛndɛ chɛ, mbɛ nn yii ma koe gbɛɛ ɛ i boo faa a wan. I gbu an mbe ee mɔ ɔ mɔ ɔ tisa, ni fen mbe a yii ma, koe min na mu, i‑a mɔ gbu yii ma koe sɔn fan. Chɛ ko a, nn dan‑da gbɛ a a chɛndɛ chɛ, mbɛ i ka‑a Yataa tena wan.”

CHƆN 21:17

A gba sawan bɔɛ ɔ, a ɔ, “Kai Chɔn 'na denɛ Saimɔn, n ko a di wan i ye?” Chɛ nɛnɛ ɔ, Pita faa yɔn‑da wan, Chisɔsi ni sɔ ɔ tisa min chɛ‑a a a, ni a ko a di wan a ye. Chɛ ko a, mbɛ a ɔ, “Mansa, i‑a ko ɔ ko ɔ sɔn fan. I‑a a ɔ sɔn fan, i ko a di buɛ min dɔ n ye.” Mbɛ Chisɔsi ɔ, “N fɛ mɔɛ n kun ma fɛn, yɔ an mbe sa n kun ma fɛn buɛ min dɔ.”

CHƆN 6:61

Mɔ ɔ mɔ nii ma a fɔ ni a ye, chɛɛ Chisɔsi na‑a a ɔ sɔn fan, mbɛ an ni gbonyɛ tena a 'a kan chɛ an na. Chɛ ko a, a‑a a fɔ an ma, a ɔ, “Chɛ‑a a kun gbɛ, wo yiima mun koe a, ae?”

CHƆN 6:64

Chɛɛ wo dɔ n ban‑da wo kai fa koe a n na.” Chisɔsi na‑a chɛ fɔ, koe min na mu, a na‑a a ɔ sɔn fan, a ka a fɛ denɛ n chee tima ma, an fɛn mbe ee na‑a an kai fa‑a a a. A yɛ to, an tɛ ɔ, min bɛɛ ɛ na‑a a ma tachɛ‑a, a chɛɛ ma nyɔɛ n ma.

CHISƆSI 'A SƆ MƆƐ NU 5:9

Mbɛ Pita‑a a fɔ a wɛɛ ye, a ɔ, “Fen ko a mu wo fea i chɛɛ a, wo‑a wo yiima ɔ bɛn, Mansa Yataa Nyina ɔ siman koe a? Mɔɛ miin ta‑a i chɛɛ tɔn‑da, an yen ko sɔ ɔ chenɛ da a. An fan mbe ta‑a i wɛɛ tɔn‑da.”

KO Ɔ NUNDENƐ 2:23

Mɔɛ chɛ n gbɛɛ, miin mbe a fɛ, n mbe an fa‑a wan. A sin chɔchi chɛ n gbɛɛ, an mbe a ɔ sɔn‑da wan, mbɛ n fan‑na mɔ ɔ mɔ yii ma sɔn, a basan mɔ ɔ mɔ faa ɔ koe a. Dɔndɔ, dɔndɔɛ a mu, n mbe an gbɛɛ pawa‑a, yɔ an mbe wai chɛ‑a buɛ min dɔ.”