MATIU 9:34 - Yataa 'a Dɔbɛnɛ Nama

³⁴ Chɛɛ mɔɛ chɛ nu, miin ni Fayisii n na, an dɔ, “Nyina yama n 'na mansa chɛ, a 'a gbasaya ɔ mu, Chisɔsi ɛ nyina yama n gbain tena mɔɛ n fɛ.”

MATIU 9:34 ပူးပေါင်းရင်းမြစ်များ

MATIU 10:25

An mbe kan chɛ mɔɛ bia buɛ min dɔ, an mbe a 'a kan denɛ wɛɛ bia ka wan. Bɔi denɛ wɛɛ, an mbe a ti bia buɛ min dɔ, an mbe a wɛɛ bia ka wan. An‑na suun ya ɔ sɔɛ chee ka buɛ min dɔ, an dɔ, Bɛɛsɛbu, an mbe sika a to nyɔn chee koe a tɔ dɔ mende a suun chɛ ɔ?

MATIU 11:18

Chɛ tɛen mu min ma, Chɔn na‑a wan, a ni sunɛ bia wan, a sin nii gbɛ min. An dɔ te, ɛ dama. An dɔ, nyina yama an mbe a fɛ.

MATIU 12:22

Chɛ gbakɔ, mbɛ mɔɛ dɔ n na‑a wan kamin dɔndɔ a Chisɔsi tena, nyina yama ni min fɛ. Nyina yama chɛ, an‑na a ma wan kamin chɛ ya te‑a, a sin nii che koɔ‑a. Mbɛ Chisɔsi‑a a baun, a‑a a ma a koɔ‑a, mbɛ a ya wɛɛ a ka‑a, a‑a kaina yen.

MATIU 12:27

Mbɛ a sin, wo ta mɔɛ n bɛɛ, an mbe nyina yama n gbain fan mɔɛ fɛ. Chɛɛ wo e a fɔ n fan ma, wo ɔ, n mbe a ma tena Bɛɛsɛbu 'a gbasaya an dɔ. Wo ta mɔɛ n gbu mbe koe miin ma tena, an fan mbe a ɔ yian, mbɛ tea ee wo boo ɔ.

MAKI 3:22

Chu n 'na sawa kan mɔɛ chɛ dɔ nu, an ni wan nɔ, a ka Chuusaɛn duu ɔ. An ni wan a fɔ‑a, an dɔ, “Nyina yama n 'na mansa chɛ, min tɔ mu Bɛɛsɛbu, an mbe a fɛ. A sin to, an mbe ka gbasaya chɛ be tena a ma, nyina yama n gbain koe a mɔɛ n fɛ.”

DUKU 11:15

Chɛɛ mɔɛ dɔ nu fanka chɛ ɔ, an dɔ, “Nyina yama n 'na mansa chɛ, min tɔ mu Bɛɛsɛbu, an mbe ka gbasaya chɛ be tena a ma, nyina yama n gbain koe a mɔɛ n fɛ.”

CHƆN 3:20

Mɔ ɔ mɔ min mbe ko yama n ma, a ma to ni man chɛ a, a sin, a e na man chɛ ɛ ma kaina min. Koe min na mu, a ma to ni, man chɛ ni a 'a ko yama n na bɔ ya a ma.

CHƆN 7:20

Mbɛ mɔ fanka chɛ ɔ, “Nyina yama an mbe i fɛ. Mɔɛ minan mu, min mbe i fɛ i fa koe a?”