MATIU 9:22 - Yataa 'a Dɔbɛnɛ Nama

²² A tu‑a kɛn Chisɔsi a, mbɛ a‑a a ya a mun, mbɛ a‑a musu chɛ yen. Mbɛ a ɔ, “N 'na den, i faa ma yɔn. I 'a danaya‑a i baun.” Mbɛ a ya kɔɔɛ a, musu chɛ baun‑da.

MATIU 9:22 ပူးပေါင်းရင်းမြစ်များ

MATIU 15:28

Mbɛ Chisɔsi ɔ te gbɛ, “E. Bɔɔɛ, i 'a danaya n ko a, a da a koo. I toen mu koe min na, n mbe a chɛ‑a wan i ye.” A tima chɛ a, Yataa‑a a 'a den chɛ baun fan.

MATIU 17:18

Mbɛ an na‑a den chɛ a a tena. Nyina yama min ni ka den chɛ fɛ, Chisɔsi ɔ te, a ni ka a fɛ. Nyina yama chɛ ka‑a wan a fɛ, a baun‑da a ya kɔɔɛ a.

MATIU 8:13

Mbɛ Chisɔsi‑a a fɔ soya gbakoo chɛ ye, a ɔ, “Yɛ i waa chenɛ a. Ɛ ma‑a wan, yɔ i danden mu buɛ min dɔ a a.” Mbɛ a yɛ‑a. A sin, a 'a bɔi den chɛ baun‑da wan bai chɛ fɔ tima a.

MATIU 9:2

Mbɛ a yen ko, mɔɛ dɔ n na‑a a tena kamin dɔndɔ a, min ni namaa a, ɛ sa ɔ yaa ɔ. Mbɛ Chisɔsi‑a a ɔ yen danaya min nyɔn sima ni an dɔ. Mbɛ a‑a a fɔ namaa chɛ ma, a ɔ, “N 'na den, i faa ma yɔn. N mbe a fɔ tena i ye, mbɛ n‑na n boo bɔ i 'a ko yama ɔ.”

MATIU 9:29

Mbɛ Chisɔsi‑a a boo a ta, mbɛ a tu‑a an ya a, a ɔ, “A ni ma ka, yɔ wo 'a danaya, a‑a min fɔ.”

MAKI 10:52

Mbɛ Chisɔsi‑a a fɔ a ye, a ɔ, “Ta, e ta tena kaina min, i 'a danaya‑a i baun.” A ya kɔɔɛ a, kamin chɛ‑a kaina yen gbadan, mbɛ a‑a a sɔ Chisɔsi fɛ, a 'a tachɛ chia ma.

MAKI 5:34

Chisɔsi ɔ te a ma, “N 'na den, ta i faa chimaenɛ a don. I 'a danaya‑a i baun. Baun i 'a gbandi chɛ ɔ.”

DUKU 17:19

Mbɛ Chisɔsi‑a a fɔ a ye, a ɔ, “I kɔɔ sɔ, i ni ta, i 'a danaya‑a i baun.”

DUKU 18:42

Mbɛ Chisɔsi ɔ, “I 'a danaya‑a i baun. Kaina yen gbadan.”

DUKU 7:50

Chɛɛ Chisɔsi‑a a fɔ wan musu chɛ ye, a ɔ, “Ta i faa chimaenɛ a don, i 'a danaya‑a i baun.”

DUKU 8:48

Mbɛ Chisɔsi ɔ, “Bɔɔɛ, ta i faa chimaenɛ a don. I 'a danaya‑a i baun.”

CHƆN 4:53

Mbɛ a puin‑da den chɛ fa yii ma, mbɛ a tima chɛ a ni kunun, Chisɔsi na‑a a fɔ a ye, a ɔ, a 'a denɛ ɛ baun‑da wan. Mbɛ a wandi ni ma, a basan a 'a chenɛ a mɔɛ n gbɛɛ a, an‑na an kai fa Chisɔsi a.

CHISƆSI 'A SƆ MƆƐ NU 14:9

An kamin chɛ too ma sɔen fan ni, Pɔɔ ni kɛn koɔ‑a. A sin, Pɔɔ‑a a ya sɔ wan a a. Mbɛ a‑a a ɔ yen, mbɛ an kamin chɛ, danaya ɛ wan a ɔ, min mbe che a ma‑a, a ni baun,

CHISƆSI 'A SƆ MƆƐ NU 16:18

A sin‑na chɛ ma wan tee sɛsɛ ko a, min‑na a ma, Pɔɔ faa tɛ‑a. Mbɛ a‑a a ya a mun an yɔnɛ chɛ ma, a‑a a fɔ nyina yama chɛ ma, a ɔ, “Chisɔsi Chasi tɔɛ ɔ, n mbe a fɔ tena i ye, mbɛ i ni ka den musuen chɛ fɛ.” A ya kɔɔɛ a, nyina yama chɛ ka‑a wan den den chɛ fɛ.

GBOO IBU MƆƐ N KO A 4:2

Koe min na mu, sakana bai chɛndɛ chɛ, a che‑a buɛ min dɔ mmɔ ma, a che‑a ka wan an bɛɛ ma. Chɛɛ an sakana bai chɛ, an‑na min na min, an ma tɔnɔnɛ sɔn ni a ɔ. Koe min na mu, a nii ma danaya tan ni an dɔ, min sima ni ma an dɔ.