MATIU 9:20 - Yataa 'a Dɔbɛnɛ Nama

²⁰ A yen ko, musu dɔndɔ ni wan nɔ. An musu chɛ, musu n 'na kau ma gbandi an ni a ma, san tan kun ma fea ko a. Chisɔsi to‑a to ta an na, mbɛ a na‑a Chisɔsi gbaa chia a, mbɛ a tu‑a Chisɔsi 'a doma kai chɛ chen kana a.

MATIU 9:20 ပူးပေါင်းရင်းမြစ်များ

MATIU 14:36

An‑na Chisɔsi disa wan, min mbe a ma, a ni a ma gbandi mɔɛ chɛ n ni tu a 'a doma kai chen kana wɛɛ a. A sin gbandi mɔɛ miin gbɛɛ tu‑a a a, an baun‑da wan.

MATIU 23:5

An toen mu an ni an fandi ɔ yian ko ɔ ko ɔ, an mbe min ma. An 'na ma bɛn chɛ buɛ wɛɛ, an ni a ɔ ben fan, a ɔ yian koe a, mbɛ an‑na Yataa sɔn, a ni ben an bɔ n ma.

MATIU 9:19

Mbɛ Chisɔsi‑a a kɔɔ sɔ, mbɛ a‑a a sɔ kamin chɛ fɛ, an bɛ a fɛ denɛ n na.

MAKI 6:56

A sin, Chisɔsi ni ta kaina miin gbɛɛ, a ni ma konko n na, a ni ma duu wa n na, chɛ ma, sɛnɛ n dɔ, mɔɛ n ni ta wan gbandi mɔɛ n na a tena. Machiti n bɛɛ ɔ, an ni a tan fan. An ni Chisɔsi disa wan, min mbe a ma, a ni a ma, gbandi mɔɛ chɛ n ni tu a 'a doma kai chen kana wɛɛ a. A sin, gbandi mɔɛ miin gbɛɛ tu‑a a a, an baun‑da wan.

MAKI 8:22

Mbɛ Chisɔsi na‑a Besaida duu ɔ, an bɛ a fɛ denɛ n na. Mɔɛ dɔ nu nɔ, an na‑a kaminɛ a, min fionden ni, Chisɔsi tena. Mbɛ an‑na a disa, tu koe a an kamin chɛ a.

CHISƆSI 'A SƆ MƆƐ NU 19:12

Ni a 'a yenkisa wɛɛ, chɛ ma, a kana doma gbu wɛɛ, ni an ta‑a a a, tu koe a gbandi mɔ kan kɔ kan na, a ni chɛndɛya ma sɔn fan. Gbandi ni bɔ wan an mɔɛ chɛ gboo ɔ, chɛ ma, nyina yama wɛɛ ni ka wan a fɛ.

CHISƆSI 'A SƆ MƆƐ NU 5:15

Chisɔsi 'a sɔ mɔɛ chɛ n ni kamaya koe sɛsɛ ma tena wan an tɛ ɔ. Chɛ‑a a ma wan, mɔ sɛsɛ n‑na an suun ma nyɔɛ n ya, miin gbandien ni, an na‑a an tena. An‑na gbandi mɔɛ chɛ dɔ n sa sofa ma wan, an‑na dɔ n sa waa ma chia tɔnfɛ. An‑na chɛ ma, min mbe a ma, ni Pita ma‑a ben‑da, a nininɛ wɛɛ ni che gbandi mɔɛ chɛ dɔ n ma.