MATIU 9:2 - Yataa 'a Dɔbɛnɛ Nama

² Mbɛ a yen ko, mɔɛ dɔ n na‑a a tena kamin dɔndɔ a, min ni namaa a, ɛ sa ɔ yaa ɔ. Mbɛ Chisɔsi‑a a ɔ yen danaya min nyɔn sima ni an dɔ. Mbɛ a‑a a fɔ namaa chɛ ma, a ɔ, “N 'na den, i faa ma yɔn. N mbe a fɔ tena i ye, mbɛ n‑na n boo bɔ i 'a ko yama ɔ.”

MATIU 9:2 ပူးပေါင်းရင်းမြစ်များ

MATIU 14:27

Mbɛ a ya kɔɔɛ a, Chisɔsi koɔ‑a an tena, a ɔ te, “Wo sɛmbɛ ka kaina chɛ an yee tɛ‑a. N fan mu, wo ma chian.”

MATIU 4:24

A ma tɔɛ ta‑a wan Siyia chɛnyɛ gbɛɛ ɔ, min‑na a ma, mɔɛ na‑a a tena mɔɛ n na, gbandi sɛsɛ ni miin ma. An na‑a chɛ n na kɔsɔɛ ni miin gboo ɔ, gbɔgbɔi ni miin na be‑a, nyina yama ni miin fɛ, a basan namaa an na. Gbandi mɔ kan kɔ kan dechee, an na‑a wan an na a tena, a sin‑na an gbɛɛ a baun fan.

MATIU 6:12

I boo bɔ nn 'na ko yama n dɔ, yɔ nn bɛɛ, nn mbe nn boo bɔ buɛ min dɔ ko yama n dɔ, an mbe miin ma nn na.

MATIU 8:10

Chisɔsi tɛnɛ‑a wan a a, bai chɛ a min koe a. Mbɛ a‑a a fɔ fanka wa chɛ ma, min ni a sɔ tena a fɛ, a ɔ, “N ni a ma din wo tena, mbɛ kɛn gba, n ma mɔ bonda chɛ yen nin bɛ Isɔɛɛ mɔɛ n gbɛɛ tɛ ɔ, min danden mu ka n na.

MATIU 8:16

A tee bea chɛ ma, an na‑a wan mɔ sɛsɛ a Chisɔsi tena, nyina yama ni miin fɛ. Chisɔsi da a bai‑a a ma wan, nyina yama chɛ n ka‑a mɔɛ chɛ n fɛ. A yɛ to, a‑a mɔɛ tɔɛ chɛ n na baun fan, miin gbandienɛ ni.

MATIU 9:22

A tu‑a kɛn Chisɔsi a, mbɛ a‑a a ya a mun, mbɛ a‑a musu chɛ yen. Mbɛ a ɔ, “N 'na den, i faa ma yɔn. I 'a danaya‑a i baun.” Mbɛ a ya kɔɔɛ a, musu chɛ baun‑da.

MATIU 9:5

A ɔ ma gbɛ a fɔ koe a namaa chɛ ye, mbɛ n‑na n boo bɔ a 'a ko yama ɔ. Chɛɛ a ɔ gbɛ wan a ma koe a, a ni a kɔɔ sɔ, a ni tachɛ chɛ.

MATIU 9:6

N mbe a ɔ yian‑da wan gbɛ wo a, mbɛ gbasaya ɛ wan n fan, Mɔ Gbu 'a Denɛ, n boo ɔ dunya chɛ ɔ, n boo bɔ koe a ko yama ɔ.” Mbɛ a‑a a fɔ namaa chɛ ma, a ɔ, “N mbe a fɔ tena gbɛ i ye, mbɛ i ni i kɔɔ sɔ, i ni i 'a yaa ya, i ni ta i waa a.”

MAKI 1:32

A duina chɛ, tee beaenɛ gbakɔ, mɔɛ n na‑a wan gbandi mɔɛ n na Chisɔsi tena. An na‑a wan chɛ n bɛɛ a, nyina yama ni miin fɛ.

MAKI 10:49

Mbɛ Chisɔsi sɔ‑a, mbɛ a‑a a fɔ, a ɔ, “Wo a chee n ye.” Mbɛ an‑na ya te tɔɛ chɛ chee, an dɔ, “I faa ma yɔn, i kɔɔ sɔ, a yen ko i chee‑a.”

MAKI 5:34

Chisɔsi ɔ te a ma, “N 'na den, ta i faa chimaenɛ a don. I 'a danaya‑a i baun. Baun i 'a gbandi chɛ ɔ.”

MAKI 6:50

Chiandia‑a an gbɛɛ gboo fa wan gban, an‑na a yen kɛn. Mbɛ a ya kɔɔɛ a, Chisɔsi koɔ‑a an tena, a ɔ, “Wo sɛmbɛ ka kaina chɛ an yee tɛ‑a. N fan mu, wo ma chian.”

CHƆN 16:33

N mbe chɛ gbɛɛ fɔ tena wo ye, min mbe a ma, wo ni faachima sɔn. Koe min na mu, mɔ dɔndɔɛ mu mmɔ a, mmɔ gbɛɛ. Ko yawaenɛ n mbe wo tan‑da wan dunya chɛ ɔ. Chɛɛ wo wo faa sɔ, n kun‑da gbasaya ti ma dunya chɛ ɔ.”

CHƆN 2:25

Chisɔsi ya nii mɔ ɔ mɔ a, a ɔ yian koe a, mɔgbuya ɛ buɛ min dɔ. Koe min na mu, a wandi gbu na‑a a ɔ sɔn fan, koe min gbɛɛ ni an faa ɔ.

CHƆN 21:5

Mbɛ a‑a an dɔ tisa, a ɔ, “N bɔ nu, wo ma fen kɔ fen bia nin bɛ?” Mbɛ an dɔ, “Nn ma nyɛ dɔndɔ gbe bia nin bɛ.”

CHISƆSI 'A SƆ MƆƐ NU 14:9

An kamin chɛ too ma sɔen fan ni, Pɔɔ ni kɛn koɔ‑a. A sin, Pɔɔ‑a a ya sɔ wan a a. Mbɛ a‑a a ɔ yen, mbɛ an kamin chɛ, danaya ɛ wan a ɔ, min mbe che a ma‑a, a ni baun,

CHISƆSI 'A SƆ MƆƐ NU 19:12

Ni a 'a yenkisa wɛɛ, chɛ ma, a kana doma gbu wɛɛ, ni an ta‑a a a, tu koe a gbandi mɔ kan kɔ kan na, a ni chɛndɛya ma sɔn fan. Gbandi ni bɔ wan an mɔɛ chɛ gboo ɔ, chɛ ma, nyina yama wɛɛ ni ka wan a fɛ.

CHISƆSI 'A SƆ MƆƐ NU 23:11

Mbɛ a yɛɛ dɔndɔ gbe chɛ ma, Mansa Chisɔsi na‑a, a sɔ‑a Pɔɔ baima. Mbɛ Chisɔsi gbu ɔ, “I ma chian. I‑a a ɔ yian buɛ min dɔ, mɔɛ n na Chuusaɛn duu ɔ, i‑a koe min dɔ sɔn, a si n ma, e an ma tena to pan bɛɛ Domi duu ɔ.”

GBOO DOMI KO A 5:11

Chɛɛ chɛ dechee ma, a mu min na, mmɔ 'a mansa Chisɔsi Chasi an‑na a ma, mmɔ bu ɔ dia‑a Yataa ko a. An‑na a ma gbɛ sanche, Yataa ma‑a mmɔ dia nyɔɛ a.

CHIMISI 2:18

Chɛɛ mɔɛ dɔ nu, an mbe a fɔ‑a gbɛ, an dɔ, Chisianɛ dɔ n yen ko, an kai faenɛ mu Chisɔsi a. An dɔ, Chisianɛ dɔ n sin, an mbe ko chɛndɛ an ma. Chɛɛ n ni chɛ fɔ gbɛ an mɔɛ chɛ n ye, mbɛ n mbe ee a ɔ yen, ni mɔɛ kai faen fan mu Chisɔsi a, ni n ma a 'a ko chɛndɛ ma gba yen ni. Chɛɛ n tana, n mbe a ɔ yian fan, mbɛ n kai faen fan mu Chisɔsi a, n 'na ko chɛndɛ ma an dɔ.