MATIU 9:15 - Yataa 'a Dɔbɛnɛ Nama

¹⁵ Mbɛ Chisɔsi ɔ, “Ni mɔɛ‑a musu si bɛnɛ chee, mbɛ a bɔɛ n na kan‑da, daun chɛ koe a mu. An mbe ee to nɔ a chen kɔɔ an ni ma faayɔnɛ ɔ. Chɛɛ tima min na mɔɛ n mbe musu si kai chɛ ya‑a an tɛ, a tima a mu an mbe sunɛ bia‑a.

MATIU 9:15 ပူးပေါင်းရင်းမြစ်များ

MATIU 9:14

Mbɛ an tima chɛ a, Chɔn, min ni yii chɛ mɔɛ n kunɛ ɔ, Yataa chia a, a fɛ denɛ n na‑a Chisɔsi tena, mbɛ an dɔ, “Nn mbe sunɛ bia tima ɔ tima, nn bɛ Fayisii mɔɛ n na, chɛɛ i fɛ denɛ n mbe ee a bia ɛnden bɛɛ a. Fen ko a an mbe chɛ ma?”

MATIU 9:16

“A chia dɔndɔ gbe chɛ a, mɔ ee che i ni koa nama tɛ a a, doma kɔma dombo koe a. Ni i‑a chɛ ma, doma kɔma chɛ, ɛ yɔn‑da wan a ben a saa ma. A mu min na, koa nama pisi chɛ ee bɛn‑da doma kɔma chɛ ya a.

MAKI 2:19

Mbɛ Chisɔsi ɔ, “Ni mɔɛ‑a musu si bɛnɛ chee, mbɛ a bɔɛ n na kan‑da, daun chɛ koe a mu. An mbe ee to nɔ a chen kɔɔ, an ni kɔnkɔɛ a dɛ an fandi ma. Tima min na wɛ musu si kai chɛ ɛ nɔ, mɔɛ chɛ n mbe kun fan, an ni daunɛ chɛ, an mbe ee to nɔ, an ni sunɛ bia.

MAKI 2:20

Chɛɛ tima ɛ che‑a wan, tima min na mɔɛ n mbe musu si kai chɛ ya‑a an tɛ, a tima a mu an mbe sunɛ bia‑a.”

DUKU 17:22

Mbɛ a‑a a fɔ a fɛ denɛ n ye, a ɔ, “Tima ɛ che‑a wan, tima min na mu, n fan, Mɔ Gbu 'a Denɛ, n mbe ee na‑a ma‑a wo tɛ ɔ. A tima chɛ a, wo e na‑a to‑a wan n ni ma wo tɛ ɔ tee dɔndɔ gbe wɛɛ ko a.

DUKU 5:34

Mbɛ Chisɔsi ɔ, “Ni mɔɛ‑a musu si bɛnɛ chee, mbɛ a bɔɛ n na kan‑da, daun chɛ koe a mu. An mbe ee to nɔ a chen kɔɔ an ni kɔnkɔɛ a dɛ an fandi ma.

DUKU 5:35

Chɛɛ tima min na mɔɛ n mbe musu si kai chɛ ya‑a an tɛ, a tima a mu, an mbe sunɛ bia‑a.”

CHƆN 16:6

A sin, n‑na a ɔ yian ka gbɛ buɛ min dɔ wo a sanche, faamɔnɛ koa‑a wo ma.

CHƆN 3:29

Sɛnama tana, musu fuu kai an ta mu a a. Chɛɛ an kai chɛ bɔɛ tana, min mbe ta a ya ɔ, dɔbɛn chɛ koe a, a too an ma sɔenɛ ɛ ma dechee. A bu ɔ dia‑a wan, ni a‑a musu fuu kai gbu kuiɛ a min. N ta buɔdia da faen mu ka wan gbɛ.

CHISƆSI 'A SƆ MƆƐ NU 14:23

Mbɛ an‑na gbakoo n yian, an 'na chɔchi n gbɛɛ ɔ. Mbɛ an 'na sunɛ bia, an mbe ta‑a samunɛ chɛ‑a, mbɛ an‑na an konan Mansa Chisɔsi ma, an kai faen ni min na.

GBOO SAA KƆYINDI KO A 7:5

Wo ma ban waa ma basan koe a, wo nyɔn na. Fɔ ni a ma‑a wo 'a dɔbɛnɛ an na, a ma koe a ka, tima kundu ɛnden ko a. Chɛ ni a ma, wo ni tima ya samun chɛ koe a. Chɛɛ chɛ gbakɔ wɛɛ, wo yɛ to wo gba ɔ, fuu ta chia a. Ni wo‑a chɛ ma, wo e na‑a bɔ‑a wan Sitana 'a dɔsimanɛ boo ɔ. Koe min na mu, wo ee na‑a kun‑da wo ni wo wandi kun ma fɛn.

GBOO FEAN BƆƐ KƆYINDI KO A 11:27

N‑na wai chɛ wan n sɔɛ gbɛɛ a. Tima sɛsɛ ko a, n ni chi wan n ya a. Tima sɛsɛ ko a, kɔnkɔɛ‑a n bia wan, n kanɛ a gbaa‑a, a sin n nii daun fen ma sɔn. Tima sɛsɛ ko a, chima ni n bia wan, koa a tenden bɛɛ nii n ma.

KO Ɔ NUNDENƐ 19:9

Mbɛ maeka chɛ ɔ te n ma, a ɔ, “Chɛ nyɛn gboo ɔ. Mɔɛ chɛ n duaen mu, miin cheeen mu sa tɔngbɔɛ 'a musu si tena, daun chɛ koe a.” Mbɛ maeka chɛ‑a a fɔ to n ye, a ɔ, “Bai chɛ nu, min fɔ‑a ka, Yataa da a bai chɛndɛ chɛndɛ n fan nɛ.”

KO Ɔ NUNDENƐ 21:2

Mbɛ Chuusaɛn bɛɛ, Yataa 'a duu wa chɛ, n‑na a wɛɛ nama yen, ɛ yii‑a a ka Yataa tena banda bu ɔ. An duu wa chɛ, a ma bɛnden fan ni, a ma chiienɛ ɛ chɛndɛ chɛ, yɔ ni sɛnama ma bɛn‑da a chɛɛ ko a.