MATIU 9:13 - Yataa 'a Dɔbɛnɛ Nama

¹³ Chɛ an fɛ mu, mɔɛ miin mu mɔ tandenɛ n na Yataa tena, n ma na ni an fan ko a. Chɛɛ mɔɛ miin mbe ee sɔ ɔ Yataa 'a chia ma, n na‑a an fan ko a. Yataa‑a a fɔ wan a 'a gboo ɔ, a ɔ, wo e na to yasi bɔ‑a a tena, a ɔ, wo ni chinchimaya an yian dechee wo nyɔn na. Wo a ma, wo ni a ɔ gbɛ, bai chɛ ɛ fen fɔ tena.”

MATIU 9:13 ပူးပေါင်းရင်းမြစ်များ

MATIU 12:3

Mbɛ Chisɔsi‑a a fɔ, a ɔ, “Ɛ wan n yii ma, mbɛ wo‑a a kan fan Yataa 'a gboo ɔ, Mansa Defidi na‑a koe min ma. Kɔnkɔɛ na‑a a bia kɛn, an bɛ a fɛ mɔɛ n na,

MATIU 12:5

A yɛ to, wo‑a a ɔ sɔn fan, mbɛ mɔɛ miin mbe mmɔ tɛ ɔ Yataa a, an mbe wai chɛ wan Yataa 'a kata ɔ suin tee wɛɛ ma. Suin tee sawa yɔn ma ben ni to chɛ ma. Chɛɛ Mosisi 'a sawa gboo ma chɛ ya ni sawa yɔn na.

MATIU 12:7

Yataa‑a a fɔ wan a 'a gboo ɔ, a ɔ, wo e na to yasi bɔ‑a a tena, a ɔ, wo ni chinchimaya an yian dechee wo nyɔn na. Ni wo na‑a bai chɛ ɔ gbɛ wan tee, wo nii wo tɛɛ si‑a mɔɛ n ma miin ma ko yama kan kɔ kan ma ni.

MATIU 19:4

Mbɛ Chisɔsi ɔ, “Ɛ wan n yii ma, mbɛ wo‑a a kan fan Yataa 'a gboo ɔ, mbɛ dunya a dan tima a, Yataa‑a mɔ gbu nyan fea an na, kai an fea musu a.

MATIU 21:42

Mbɛ Chisɔsi ɔ, “Ɛ wan n yii ma, mbɛ wo‑a a kan fan Yataa 'a gboo ɔ, a 'a gboo kaka min‑na a fɔ, a ɔ, ‘Chen sɔ mɔɛ n na‑a ban senɛ min dɔ, an dɔ, a ma nyin, an gbu ma‑a gbɛ senɛ kuu ba wandi a, chenɛ gbu ko a. Yataa an‑na chɛ ma. A sin mu kamaya koe an na mmɔ ya a.’ ”

MATIU 3:2

A ɔ, “Wo wo kan kɔ sɔ wo 'a ko yama n na, wo ni wo ya a mun Yataa ma. A mu min na, Yataa 'a mansaya ɔ yian tima, ɛ gbɛ mmɔ ma chenɛ da a wan.”

MATIU 3:8

Wo chɛ chɛ wai n ni a ɔ yian, mbɛ wo‑a wo kan kɔ sɔ wo 'a ko yama n na.

MATIU 4:17

A ka gbɛ a tima chɛ ma, Chisɔsi‑a a kuu sɔ wan Yataa 'a bai sa‑a. A ɔ, “Wo wo kan kɔ sɔ wo 'a ko yama n na, wo ni wo ya a mun Yataa ma. A mu min na, Yataa 'a mansaya ɔ yian tima, ɛ gbɛ mmɔ ma chenɛ da a wan.”

MAKI 12:26

Min sin sien mu faa mɔɛ n kɔɔ sɔ koe ma, a ka saya ɔ, ɛ n yii ma, mbɛ wo‑a a kan fan, Mosisi 'a gboo ɔ, a si kɔn den chɛ ma, min ni yɔ a ni minda tena wan. Yataa na‑a a fɔ buɛ min dɔ, a ɔ, Yataa mu a wan na Ebeami ko a, a basan Aisaki an fea Chekɔpi a. A ɔ, an mbe a wan fai.”

MAKI 12:33

Mbɛ mɔ gbu ni to Yataa a, a faa gbɛɛ a, ni a yiima gbɛɛ a, a basan a sɔɛ gbɛɛ a. A ni yɛ to, a ni to a 'a mɔɛ n na, yɔ a toen mu buɛ min dɔ a wandi a. A ma bɛnden mu sawa fea chɛ n sa tena ɔ bɛn koe a, a ni ben yasi kan kɔ kan ma.”

MAKI 2:17

Mbɛ Chisɔsi‑a a min kɛn, an ni min fɔ tena, mbɛ a ɔ, “Danda chɛ mɔ ma gbɔsɔ ee gboo ɔ bɔ tɔ ma, mɔɔ dechee chɛ nu, miin gbandien mu. Chɛ an fɛ mu, mɔɛ miin mu mɔ tandenɛ n na Yataa tena, n ma na ni an fan ko a. Chɛɛ mɔɛ miin mbe ee sɔ ɔ Yataa 'a chia ma, n na‑a an fan ko a.”

DUKU 10:26

Mbɛ Chisɔsi ɔ, “Yataa 'a sawa‑a fen fɔ? E a fasai ka ma?”

DUKU 19:10

N fan, Mɔ Gbu 'a Denɛ, n naen mu dunya chɛ ɔ mɔɛ n fan yan koe a, miin toen mu a ɔ Yataa ma, n ni an kun ka.”

DUKU 24:47

Yataa 'a gboo‑a a fɔ wan to, mbɛ a 'a sakana bai chɛ ɛ che‑a wan mɔɛ n ma dunya chɛ gbɛɛ ɔ n tɔɛ ɔ. Mbɛ mɔɛ n ni an kan kɔ sɔ an 'na ko yama n na, min mbe a ma, Yataa ni a boo bɔ an 'na ko yama n dɔ. A ɔ, an ni sakana bai chɛ ɔ yian Chuusaɛn duu pɛn dɔ.

DUKU 5:31

Mbɛ Chisɔsi ɔ, “Danda chɛ mɔ ma gbɔsɔ ee gboo ɔ bɔ tɔ ma, mɔɔ dechee chɛ nu, miin gbandien mu.

DUKU 5:32

Chɛ an fɛ mu, mɔɛ miin mu mɔ tandenɛ n na Yataa tena, n ma na ni an fan ko a. Chɛɛ mɔɛ miin mbe ee sɔ ɔ Yataa 'a chia ma, n na‑a an fan ko a, min mbe a ma, an ni an kan kɔ sɔ an 'na ko yama n na.”

CHƆN 10:34

Chisɔsi ɔ, “A nyɛnden fan mu, wo wandi gbu 'a sawa gboo ɔ, mbɛ Yataa na‑a a fɔ wan, a ɔ, ‘Wo mu Yataa dɔma n fan na.’

CHISƆSI 'A SƆ MƆƐ NU 11:18

An‑na bai chɛ a min kɛn, an sɛmbɛ‑a wan a ma nyin koe a. Mbɛ an‑na Yataa tando, an dɔ te, “Mbɛ Yataa deman‑da mɔɛ chɛ n bɛɛ ma, miin ma Chu mɔ a. A‑a chia sa wan an bɛɛ ye, an ni an kan kɔ sɔ an 'na ko yama a, mbɛ an‑na kuɔ fɔ fɔɛ ma sɔn.”

CHISƆSI 'A SƆ MƆƐ NU 2:38

Mbɛ Pita ɔ, “Wo gbɛɛ wo wo kan kɔ sɔ wo 'a ko yama n na, mbɛ nn‑na yii chɛ wo kunɛ ɔ, Chisɔsi Chasi tɔɛ ɔ, min mbe a ma, Yataa ni a boo bɔ wo 'a ko yama n dɔ. Ni wo‑a chɛ ma, Yataa ɛ a ma‑a wan, a Nyina ni bea wo fɛ.

CHISƆSI 'A SƆ MƆƐ NU 20:21

N‑na dasi gbau gbau be wan Chu mɔɛ n ma, ni miin bɛɛ ma Chu mɔ a, a si an kan kɔ sɔ koe a, an 'na ko yama n na, an ni an ya a mun Yataa ma. A yɛ to, a si an kai fa koe ma mmɔ 'a mansa Chisɔsi a.

CHISƆSI 'A SƆ MƆƐ NU 3:19

Chɛ an fɛ mu, wo wo kan kɔ sɔ wo 'a ko yama n na, mbɛ wo‑a wo ya a mun Yataa ma, min mbe a ma, a ni a boo bɔ wo 'a ko yama n dɔ.

CHISƆSI 'A SƆ MƆƐ NU 5:31

Yataa‑a a a sɛ wan basɔmaya kaina chenama wa, a wan Yataa boo nyima ɔ. A‑a a ma wan to mansa a, ni mɔ gbu n baun mɔɛ a. Chɛ ni a ma, Isɔɛɛ mɔɛ n ni kun, an ya a mun koe ma Yataa ma, mbɛ Yataa‑a a boo bɔ an 'na ko yama n dɔ.

2 PITA 3:9

Ɛ mɔɛ dɔ n yii ma, mbɛ Mansa Yataa a nɛnchɛnden fan mu, a da a kuiɛ bɔ koe a a. Chɛɛ ɛ a faa bia wan dechee wo a, tima be koe a wo ma, wo ni wo kan kɔ sɔ wo 'a ko yama n na. Koe min na mu, a ma to ni wo dɔndɔ wɛɛ ni kasaa ma sɔn.