MATIU 8:29 - Yataa 'a Dɔbɛnɛ Nama

²⁹ Mbɛ a yen ko, an‑na yee tɛ, an dɔ, “Yataa 'a denɛ, i toen mu i ni fen ma nn na? I na‑a nn na tɔɔya koe an na, tee chɛ ya ɔ, Yataa ɛ dunya chɛ gbɛmbo‑a tee min ma?”

MATIU 8:29 ပူးပေါင်းရင်းမြစ်များ

MATIU 4:3

Mbɛ yiimayan chɛ na‑a a tena, a ɔ, “Ni Yataa 'a denɛ gbu mu i a, a ma wɛ senɛ chɛ n ni mun biidi a.”

MATIU 8:30

Kɔɛnya man sɛsɛ n ni wan nɔ, daun chɛ‑a, miin tena ɔ nii ma yansan.

MAKI 1:24

a ɔ, “Chisɔsi, Nasaɛti mɔɛ, i ma nn tɔɔ. I na‑a nn kasaa koe an na? N‑na a ɔ sɔn fan, i mu mɔɛ min na. I wan mu mɔɛ a tenchen, Yataa‑a min sɔ, a 'a wai chɛ koe a.”

MAKI 3:11

A sin, nyina yama ni ka miin gbɛɛ fɛ, ni an na‑a Chisɔsi yen dechee, an ni bea wan a chen kɔɔ, an mbe yee tɛ. An dɔ, “Yataa 'a denɛ mu i a!”

MAKI 5:7

Mbɛ a‑a yee wa tɛ, a ɔ, “Chisɔsi, Yataa Wa 'a denɛ! I toen mu i ni fen ma n na? I dimu, I ma n tɔɔya. A chɛ Yataa ko a.”

DUKU 4:34

“Ee, Chisɔsi, Nasaɛti mɔɛ, a nyin i ni nn to nɔ, yɔ i‑a nn yen buɛ min dɔ. I na‑a nn fa koe an na? N‑na a ɔ sɔn fan mɔɛ min nyɔn sima mu i a. Mɔɛ mu i a, min ka‑a Yataa tena, a 'a wai tenchenɛ chɛ koe a.”

DUKU 4:41

A na‑a nyina yama n bɛɛ gbain fan to mɔ sɛsɛ fɛ. An sin ni kɛn ka tena mɔɛ chɛ n fɛ, an ni wan yee tɛ‑a, an dɔ, “Yataa 'a denɛ mu i a.” Chɛɛ Chisɔsi ɔ, an ni an da a tɔn. A sin nii ma dɔn ni an ni koɔ to, a mu min na, an na‑a a ɔ sɔn fan, mbɛ kunka mansa mu an na.

DUKU 8:28

Tima sɛsɛ ko a, nyina yama chɛ n ni a ma wan, kamin chɛ ni bui, a ni ta kaina mɔ ɔ mɔ ee kaina min. Mɔɛ n ni a chenɛ ɔ chii wɛɛ yɔɔɛ a, a basan a boo a, a ni yɔɔɛ chɛ ɔ tɛ tɛ wan, mbɛ nyina yama chɛ n‑na a ma, a ben‑da bui‑a. A‑a Chisɔsi yen kɛn dechee, a‑a yee tɛ wan gbankon, mbɛ a bea‑a a chen na. Mbɛ a‑a a fɔ a kuiɛ ma sɛenɛ a, a ɔ, “Chisɔsi, Yataa Wa 'a denɛ, i toen mu i ni fen ma n na? I dimu, i ma n mɔnɛ.” A‑a chɛ fɔ, a mu min na, Chisɔsi‑a a fɔ wan nyina yama chɛ n ye, a ɔ, an ni ka a fɛ.

CHƆN 2:4

Mbɛ Chisɔsi ɔ, “Bɔɔɛ, a to n 'na boo ma dechee. Tima ma che nin bɛ n ko a.”

CHISƆSI 'A SƆ MƆƐ NU 16:17

A bea‑a wan nn fɛ, nn bɛ Pɔɔ a, ɛ ta‑a yee tɛ‑a, a ɔ, “Kamin chɛ nu, Mansa Yataa Wa 'a wai chɛ mɔɛ n fan nɛ. An fan mbe a ɔ yian tena wo a, Yataa ɛ wo baun buɛ min dɔ.”

CHIMISI 2:19

Wo dandenɛ mu a a, mbɛ Yataa ɛ dɔndɔ gbe. Chɛ ma a kun wo ko a. Nyina yama n bɛɛ, an danden fan mu chɛ a, an sin mbe samba wan, a ma chianɛ a.

2 PITA 2:4

Mmɔ‑a a ɔ sɔn fan, mbɛ Yataa nii ma maeka chɛ n boo ka ni, miin na‑a ko yama ma. Chɛɛ a na‑a an na dɛ wan ta ɔ. An chiienɛ ɛ wan nɔ yɔɔɛ a, kaina ɔ pimbienɛ ɔ, an mbe an gbɛmbo tee ma kɔnɛ a.

CHUDA 1:6

Koe chɛ wɛɛ to‑a wan wo yii ma, a si maeka chɛ n bɛɛ ma, miin faa nii ma chima ni an 'na sɔ tena a banda bu ɔ. An na‑a a boo ka wan, mbɛ an bɔ‑a nɔ. Chɛ ko a, Yataa‑a a ma wan, an chii‑a yɔɔɛ a kuɔ fɔ ko a, pimbi pimbi ɔ. Yataa sin 'na gbasaya ɔ, an mbe ma tena nɔ wan chii chɛ ɔ, aan tee chɛ ni che, gbɛmbo tee wa chɛ. An tee chɛ ma mu, Yataa ɛ kaa a tɛ‑a an bakoe ma.