MATIU 8:2 - Yataa 'a Dɔbɛnɛ Nama

² Mbɛ a yen ko, kamin dɔndɔ, gbandi yama bɔen ni min gboo gbɛɛ ma, a na‑a Chisɔsi tena. Mbɛ a‑a a kumbai gbangban a chen kɔɔ, a ɔ, “Fa, ni a a di i ye, e kun fan i ni n baun.”

MATIU 8:2 ပူးပေါင်းရင်းမြစ်များ

MATIU 10:8

Wo gbandi mɔɛ n baun, mbɛ wo‑a fɔɛ a yɛ chɛ n sun da a, miin faenɛ ɛ. Wo mɔɛ chɛ n baun, gboo ma gbandi yama ɛ miin ma, mbɛ wo‑a nyina yama n gbain mɔɛ n fɛ. N‑na gbasaya chɛ be wo ma gbama an na. N ma fen bia ni wo boo ɔ. Chɛ an fɛ mu, wo wɛɛ, wo ta, wo ni mɔɛ n deman. Wo ma an dɔ tisa fen kɔ fen ko a.

MATIU 13:58

A nii ma kamaya ko sɛsɛ ma ni nɔ an ko a, a mu min na, an nii ma dan ni a a.

MATIU 14:33

Mbɛ Chisɔsi fɛ den chɛ n gbɛɛ dɛndɛ chɛ ɔ, an‑na Chisɔsi tando, an dɔ, “Tea a, Yataa 'a denɛ mu i a.”

MATIU 15:25

Chɛɛ musu chɛ na‑a wan, mbɛ a bea‑a a chen na disa‑a, a ɔ, “Mansa, basan n ma.”

MATIU 18:26

Mbɛ kamin chɛ bea‑a mansa chɛ chen na, mbɛ a‑a a disa, a ɔ, ‘Fa, i dimu, i faa bia n na. N mbe i 'a kuiɛ chɛ gbɛɛ bɔ‑a wan.’

MATIU 2:11

An don‑da kɛn chen chɛ a, mbɛ an‑na den chɛ tan, an fea a de Mɛi a. Mbɛ an‑na an kumbai gbangban, an‑na tando be a ma. An‑na samba n na bɔ, samba baa gbɛɛ ma nu, an na‑a miin na den toa chɛ ye. Sanu ni wan nɔ, ni fen kunyɛ a diama fea, an ni miin chee, an dɔ, fankinsɛnsi, ni dɔndɔɛ min tɔ ni maa.

MATIU 20:20

Chɛ gbakɔ, kai Sɛbɛdi 'a musu na‑a Chisɔsi tena, an bɛ a 'a den kaien fean na. Mbɛ a bea‑a a chen na, a ɔ, a ni basan a ma.

MATIU 26:6

Mbɛ Chisɔsi che‑a Bɛtani duu ɔ. A yia‑a wan kamin dɔndɔ 'a chenɛ a, min tɔ ni Saimɔn. Saimɔn chɛ ni mɔɛ an na, gbandi yama bɔen ni tee min gboo ma.

MATIU 28:17

Kɔnkɔɛ chɛ ɔ ni, mbɛ an‑na Chisɔsi yen. A na‑a an tan kɛn, mbɛ an bea‑a a chen na, mbɛ an‑na a fai. Chɛɛ an dɔ nu, an nii ma dan ni a a chɛndɛ chɛ ni an nɛ.

MATIU 28:9

An mbe ta‑a bui chɛ chɛ an na, mbɛ a yen ko, an‑na Chisɔsi yen sɔ ɔ an ya ɔ. Mbɛ a‑a an kɔndɔn, a ɔ, “Wo en chɛɛ n na.” A‑a an kɔndɔn kɛn, mbɛ an bea‑a a chen na, an‑na a chen kana bia, mbɛ an‑na a fai.

MATIU 4:9

Mbɛ a‑a a fɔ a ma, a ɔ, “Ni i‑a i kumbai gbangban n chen kɔɔ, i ni n fai, chɛ gbɛɛ ɛ ma‑a i ta an na.”

MATIU 8:1

Mbɛ Chisɔsi yii‑a kɔnkɔɛ chɛ a. A yii‑a kɛn, mbɛ mɔ fanka wa bea‑a a fɛ.

MATIU 8:25

Mbɛ a fɛ den chɛ n ta‑a a tena, mbɛ an‑na a a kunɛ. Mbɛ an dɔ, “Mansa, nn kun bɔ koe chɛ ɔ. Mmɔ yen ko to‑a yii ɔ.”

MATIU 9:18

Chisɔsi to‑a koɔ an na mɔɛ chɛ n tena, mbɛ a yen ko, ya ɔ sɔ dɔndɔ na‑a a tena. Mbɛ a‑a a kumbai gbangban Chisɔsi chen na, a ɔ, “N 'na den musuma fa‑a ka sanche. Chɛɛ mɔ ta, i ni i boo bun a ma, min mbe a ma, a fɔɛ ni yɛ to a ma.”

DUKU 4:27

A yɛ to, tima min na to, Yataa 'a gbonka chɛ mɔɛ Ɛdisa ta tima wɛɛ a to mmɔ 'a Isɔɛɛ chɛnyɛ chɛ ɔ, gbandi yama yama ni wan mɔ sɛsɛ gboo ma nɛ. Chɛɛ a nii ma an dɔndɔ wɛɛ a baun ni, mɔɔ dechee Naaman min na‑a ka Siyia chɛnyɛ ɔ, a‑a an baun.”

CHƆN 9:38

Mbɛ kamin chɛ ɔ gbɛ, a ɔ, “Mansa, n‑na n kai fa i a.” Mbɛ a‑a a kumbai gbangban Chisɔsi chen kɔɔ, a‑a a fai.

CHISƆSI 'A SƆ MƆƐ NU 10:14

Chɛɛ Pita‑a a fɔ wan, a ɔ, “Mansa, a ma ma ka. N ma fen kɔ fen daun nin bɛ, nn 'na Chu sawa ɛ min ma bɔ, mbɛ a ma nyamuien fan mu Yataa tena nn ko a, nn ni a daun.”

CHISƆSI 'A SƆ MƆƐ NU 10:25

Pita‑a a kunɛ a don kɛn chen chɛ a, Kɔniyɔsi bea‑a wan a chen kɔɔ, a bun‑da a fai‑a.

GBOO SAA KƆYINDI KO A 14:25

An‑na koe miin ma nun dɔ, miin mbe sa ɔ an yii ma, an mbe bɔ‑a wan ya a ma. An sin, an mbe an kumbai gbangban‑da wan, mbɛ an‑na a fɔ, an dɔ, tea mu, an dɔ, Yataa ɛ wan nɔ an tɛ ɔ.

KO Ɔ NUNDENƐ 19:10

Mbɛ n‑na n kumbai gbangban a chen kɔɔ, a fai koe a. Chɛɛ a ɔ te n ma, a ɔ, “I ma chɛ ma. Yataa an fai. N mbe wai chɛ an ko a, yɔ wo e wai chɛ buɛ min dɔ a ko a. Wo gbɛɛ, wo wɛn kai faen mu tea chɛ a, min ka‑a Chisɔsi tena. An tea chɛ, an mbe a ma, mɔɛ n ni Yataa bai sa.” Koe min na mu, Chisɔsi‑a bai min fɔ, an mu Yataa 'a sakana bai kunɛ a mɔ gbu n tena.