MATIU 8:13 - Yataa 'a Dɔbɛnɛ Nama

¹³ Mbɛ Chisɔsi‑a a fɔ soya gbakoo chɛ ye, a ɔ, “Yɛ i waa chenɛ a. Ɛ ma‑a wan, yɔ i danden mu buɛ min dɔ a a.” Mbɛ a yɛ‑a. A sin, a 'a bɔi den chɛ baun‑da wan bai chɛ fɔ tima a.

MATIU 8:13 ပူးပေါင်းရင်းမြစ်များ

MATIU 15:28

Mbɛ Chisɔsi ɔ te gbɛ, “E. Bɔɔɛ, i 'a danaya n ko a, a da a koo. I toen mu koe min na, n mbe a chɛ‑a wan i ye.” A tima chɛ a, Yataa‑a a 'a den chɛ baun fan.

MATIU 17:20

Mbɛ a ɔ an ma, “Danaya a tenden mbe ee wo ɔ Yataa ko a. Chɛ an‑na a ma, wo ma che ni nyina chɛ gbain‑da kaien chɛ fɛ. N ni a ma din wo tena, mbɛ ni danaya ɛnden bɛɛ yɔ chin fen kuu dɔɔma ɛndenɛ wɛɛ, a ma‑a wo ɔ Yataa ko a, ko ɔ ko ee ma‑a nɔ, wo ee che‑a min ma‑a. Wo e kun‑da wan wo ni a fɔ kɔnkɔɛ chɛ ye, wo ɔ, a ni a wandi kuɛn, wo ɔ, a ni ta kaina dɔ mende, mbɛ a kuɛn‑da.”

MATIU 8:4

Mbɛ Chisɔsi‑a a fɔ a ye, a ɔ, “I ma koe chɛ ɔ yian mɔ ɔ mɔ a, chɛɛ ta dɔndɔ gbe mɔɛ chɛ tena, min mbe mmɔ tɛ ɔ Yataa a, a ni i ma fɛn. Mbɛ i‑a yasi chɛ bɔ nɔ Yataa tena, yɔ sawa, Yataa‑a min be Mosisi ma, a‑a a fɔ buɛ min dɔ. Chɛ an mbe a ɔ yian‑da mɔ ɔ mɔ a, mbɛ i baun‑da.”

MATIU 9:22

A tu‑a kɛn Chisɔsi a, mbɛ a‑a a ya a mun, mbɛ a‑a musu chɛ yen. Mbɛ a ɔ, “N 'na den, i faa ma yɔn. I 'a danaya‑a i baun.” Mbɛ a ya kɔɔɛ a, musu chɛ baun‑da.

MAKI 7:29

Mbɛ Chisɔsi ɔ te gbɛ, “I da a bai chɛ ko a, yɛ i waa chenɛ a. I‑a a tan‑da wan, nyina yama chɛ kaenɛ ɛ gbɛ i 'a denɛ fɛ.”

MAKI 9:23

Mbɛ Chisɔsi ɔ, “N ta bai ma chɛ a, ni n mbe kun fan. Mɔ ɔ mɔ i wɛn mbe i kai fa‑a n na, Yataa ɛ ko ɔ ko chɛ wan i ye.”

CHƆN 4:50

Chisɔsi ɔ a ma, a ɔ, “Ta dechee, i 'a denɛ ɛ baun tena wan.” Kamin chɛ dan‑da wan Chisɔsi da a bai chɛ a, mbɛ a yɛ‑a.