MATIU 7:7 - Yataa 'a Dɔbɛnɛ Nama

⁷ Chisɔsi ɔ, “Wo a a tun Yataa ɔ tisa koe a fen kɔ fen ko a, ɛ a be‑a wan wo ma. Wo a a tun wo ya a kan koe a chɛndɛ chɛ, wo e min yan tena, wo e a yen‑da wan. Wo a a tun chenɛ da tu koe a, Yataa ɛ a da a ka‑a wan wo ye.

MATIU 7:7 ပူးပေါင်းရင်းမြစ်များ

MATIU 18:19

“N ni a ma din to wo tena. Ni wo mɔ fea gbe wɛɛ dɔn‑da nɛ dunya chɛ ɔ ko dɔndɔɛ ma koe a, mbɛ wo‑a Fa Yataa ɔ tisa an koe chɛ ko a, ɛ a ma‑a wan wo ye.

MATIU 21:22

Ni danaya ma‑a wo ɔ Yataa ko a, ɛ ko ɔ ko chɛ‑a wan wo ye, wo e samunɛ chɛ‑a min ko a.”

MATIU 6:33

Chɛɛ wo e min ma, wo a ma wo ma gbɔsɔɛ a don koe a Yataa 'a mansaya kɔɔ, wo ni a faa ma koe ma. Ni wo‑a chɛ ma, ɛ to‑a wan nɔ, a ni fen chɛ n gbɛɛ be wo ma, miin ma gbɔsɔɛ ɛ wo ma.

MATIU 7:11

Ni wo wɛn sɔnɛ yau ka, ni wo kosan fan fen chɛndɛ n be‑a wo 'a denɛ n ma, Fa Yataa sin gbɛ, min mbe banda bu ɔ, ɛ fen chɛndɛ be‑a wan wo ma, wo wɛn mbe a ɔ tisa‑a a ko a.

MATIU 7:8

Koe min na mu, mɔ ɔ mɔ min mbe a a tun‑da Yataa ɔ tisa koe a fen kɔ fen ko a, ɛ a be‑a wan an mɔɛ chɛ ma. Mɔ ɔ mɔ min mbe a a tun‑da a ya a kan‑da fenɛ a chɛndɛ chɛ, ɛ a yen‑da wan. Mɔ ɔ mɔ min mbe a a tun‑da chenɛ da tu koe a, Yataa ɛ a da a ka‑a wan a ye.

MAKI 11:24

Chɛ an fɛ mu, n ni a ma din wo tena, mbɛ ni wo‑a samunɛ chɛ fen fen ko a, wo kai faenɛ ɛ Yataa a, wo dan dechee a a, mbɛ wo‑a a ma sɔn fan.

DUKU 13:25

Tima ɛ che‑a wan, tima min na chen chɛ kun ti ɛ a kɔɔ sɔ‑a, mbɛ a‑a chen chɛ da a tɔn. A tima chɛ a gbɛ, ni wo e sɔ ɔ baa ma wan, wo e chen chɛ da tu‑a wan, wo ɔ, kun ti chɛ ni a ma wo ni don. Chɛɛ ɛ a fɔ‑a wan wo ye, a ɔ, a ma wo sɔn ɛnden bɛɛ a.

DUKU 18:1

Tee dɔndɔ a, Chisɔsi‑a tai tɛ wan a fɛ denɛ n tena. Tai chɛ‑a a ɔ yian fan an na, mbɛ a nyin fan an ni samunɛ ma ti bia tima ɔ tima ko a. A yɛ to, an gboo ɔ ma fa samun chɛ a.

CHƆN 15:16

Wo wan ma n ya ni, ma koe a wo kan mɔ a, chɛɛ n fan‑na wo ya, ma koe a n fɛ mɔɛ n na. N fan‑na wo ya, mbɛ n‑na wai be wo ma, wo ni ta, wo chɛ chɛ wai ni koa. Wo chɛ chɛ wai chɛ n sin, an ni ma kuɔ fɔ wai n na. Ni wo‑a chɛ ma, Fa ɛ fen kɔ fen be‑a wan wo ma, wo e a ɔ tisa‑a min ko a, n tɔɛ ɔ.

CHƆN 15:7

Ni mmɔ bɛ ma‑a mɔ dɔndɔya ɔ, mbɛ wo‑a n 'na bai n sa wo yii ma gban, ɛ nyan‑da wan. Fen kɔ fen, wo toen mu min na, mbɛ wo‑a Fa Yataa ɔ tisa a ko a, ɛ a be‑a wan wo ma.

CHƆN 4:10

Mbɛ Chisɔsi ɔ, “Ni i na‑a Yataa 'a wai nyima sɔn fan mɔɛ n tena, a sin, i na‑a n sɔn fan, n fɛn mbe ka koɔ‑a i tena, i ni tisa dɔ mende an chɛ‑a n na. A sin, n ni yii be‑a wan i ma, min mbe fɔɛ be mɔ gbu ma.”

GBOO DOMI KO A 2:7

Mɔɛ dɔ nu, an mbe ko chɛndɛ an ma tima ɔ tima, an mbe Yataa 'a dua yanɛ a, a 'a tando, a basan kuɔ fɔ fɔɛ a, ɛ min be. An mɔɛ chɛ nu, Yataa ɛ an kuɔ fɔ fɔɛ be‑a wan an ma.

GBOO DOMI KO A 3:11

Mɔ ɔ mɔ ee nɔ, min‑na a ɔ gbɛ fen mu tea koe a, mɔ ɔ mɔ sin mbe ee nɔ, min mbe chia yan tena, ma koe a an fea Yataa a.

GBOO IBU MƆƐ N KO A 11:6

Mɔ ɔ mɔ ee che a ma‑a Yataa faa ni chima, ni an mɔɛ chɛ ma a kai fa ni Yataa a. Koe min na mu, mɔ ɔ mɔ min mbe na Yataa chen kɔɔ, fɔ ni a dan‑da a a, mbɛ Yataa ɛ wan nɔ. A sin, mbɛ Yataa ɛ tɔnɔnɛ be wan chɛ n ma, miin mbe na a tena.

CHIMISI 5:15

An mɔɛ chɛ n 'na samunɛ, danaya ɔ, ɛ a ma‑a wan, Mansa Yataa ni an mɔɛ chɛ baun, a ni a kɔɔ sɔ gbandi chɛ ɔ. Ni a sin na‑a ko yama kan kɔ kan ma, Yataa ɛ a boo bɔ‑a wan a ɔ. A mu min na, an‑na a ɔ yian, mbɛ an kai faen fan mu Yataa a.

1 CHƆN 3:22

A sin, mmɔ ɛ fen kɔ fen sɔn‑da wan, mmɔ ɛ min dɔ tisa‑a a ma. Koe min na mu, mmɔ ɛ a da a kuiɛ ma, a sin, mmɔ ɛ a faa ma koe ma.