MATIU 7:6 - Yataa 'a Dɔbɛnɛ Nama

⁶ “Wo ma fen chɛ n be wuu n ma, Yataa ta mu fenɛ miin na. Ni wo‑a chɛ ma, an mbe an ya a yɛ‑a wan wo ma, mbɛ an‑na wo ma chin chin. A sin to, wo ma wo 'a fen baa gbandenɛ a bea kɔɛnya n ya ɔ. Ni wo‑a chɛ ma, an mbe tɛn tɛn‑da wan an dɔ.”

MATIU 7:6 ပူးပေါင်းရင်းမြစ်များ

MATIU 15:26

Mbɛ a ɔ, “A ma nyin mɔ ni den mɛsɛ n 'na daun fenɛ bɔ an da a, i ni a be wuu n ma.”

MATIU 24:10

N fɛ mɔɛ n sɛsɛ mbe ka‑a wan n fɛ a tima chɛ a. An mbe too‑a wan an nyɔn na, mbɛ an‑na an nyɔn ma tachɛ ya ɔ sɔɛ n ma.

MATIU 7:5

Wo wan nɛnɛn fea ti chɛ nu, wo kɔn gbondo chɛ bɔ pɛn wo ta ya a, mbɛ wo kun‑da gbɛ kaina yen koe a gbadan, a bubuu chɛ bɔ koe a wo bɔɛ ya a.

GBOO FEAN BƆƐ KƆYINDI KO A 11:26

N 'na tachɛ sɛsɛ n dɔ, n ni wan chianɛ kɔɔ, yii fa boo ɔ, a basan kanka n na. N ni wan chianɛ kɔɔ, n bɔ Chu mɔɛ n boo ɔ, ni mɔɛ chɛ n bɛɛ boo ɔ, miin ma Chu mɔ a. Ko ma chiandenɛ n ma‑a wan duu wa n dɔ, an ma‑a fuinɛ ma, an ma‑a kɔ yii a. N suun ma nyɔɛ chɛ n gbu wɛɛ Chasi ɔ, a wakoe ni sa ɔ dechee miin ya kɔɔɛ, chɛɛ a ee an faa ɔ, n chiandenɛ ni wan an ma.

Gboo Fiipai Ko A 3:2

Wo wo kun ma fɛn, wuu chɛ n boo ɔ, mɔ yama chɛ nu. An fɛn mbe mɔɛ n na kamincha ka, wo wo kun ma fɛn an boo ɔ.

GBOO IBU MƆƐ N KO A 10:29

Ni tea mu chɛ a, fen koe ɛ na‑a ma‑a gbɛ mɔɛ chɛ a, min mbe ee a gbɔsɔ‑a Yataa 'a denɛ ko a? Yataa 'a dɔbɛn nama chɛ, Chisɔsi wii min bɔn‑da mmɔ 'a ko yama n ko a, mɔɛ min mbe ee a ya‑a fen kɔ fen na. Fen mbe ma‑a an mɔɛ chɛ a? Yataa Nyina, min mbe koadia demanɛ chɛ, mɔɛ min mbe a main. Fen mbe ma‑a an mɔɛ a? Wo wo yii na chii wɛ, ko yawaen chɛ a, Yataa ɛ min si‑a an mɔɛ chɛ a.

2 PITA 2:22

Koe chɛ min sin ma‑a ka an na, a ɔ yiandenɛ an nɛ, mbɛ tai min na‑a tɛ suun, tea mu. Tai gbu ɔ, mbɛ wuu an mbe yɛ a fɔnɔɛ daun‑da. A ɔ, kɔɛnya wɛɛ ɛ yɛ wan to a ma chemen chemen‑da, a koenɛ gbakɔ.

KO Ɔ NUNDENƐ 22:15

Chɛɛ mɔɛ chɛ n nɛnɛ nu, wuu chɛ nu, an mbe ma‑a an duu wa chɛ fɛnsi kɔ wan. Mɔɛ nu, miin mbe suaya a, ni miin mbe ko tɛ a. Chɛ n bɛɛ miin mbe mɔɛ fa, ni miin mbe fenɛ n fai, min ma Yataa a. A basan chɛ n gbɛɛ a, miin toen mu fania koe n na, an sin mbe fania fɔ tima ɔ tima ko a.