MATIU 7:28 - Yataa 'a Dɔbɛnɛ Nama

²⁸ Mbɛ Chisɔsi ban‑da kɛn bai chɛ fɔ‑a, mɔɛ miin ni ka nɔ, an da ɔ gbaa‑a wan, a 'a kan chɛ buɛ ma.

MATIU 7:28 ပူးပေါင်းရင်းမြစ်များ

MATIU 11:1

Chisɔsi ban‑da kɛn a ɔ yian‑da a fɛ den tan kun ma fea n na, an mbe koe min ma, a ka‑a wan nɔ an kaina chɛ, mbɛ a ta‑a Kadidi duu n dɔ, mɔɛ n kan koe a, ni Yataa bai sa koe a mɔɛ n tena.

MATIU 19:1

Chisɔsi ban‑da kɛn koɔ‑a mɔɛ chɛ n tena, a bɔ‑a Kadidi chɛnyɛ ɔ, mbɛ a yɛ‑a Chudia chɛnyɛ ɔ. A na‑a Chɔdan yii an tɛ, mbɛ a ta‑a Chudia.

MATIU 22:33

Mɔ fanka wa chɛ n‑na chɛ a min kɛn, an da a fa‑a wan gban, a si a‑a kan chɛ buɛ ma.

MATIU 26:1

Chisɔsi ban‑da kɛn mɔɛ n kan‑da bai chɛ n gbɛɛ a, mbɛ a‑a a fɔ a fɛ denɛ n ye, a ɔ,

MATIU 7:27

A ɔ ma yansan ni, mbɛ gbɔndɔ wa sona na‑a, mbɛ yii fa na‑a, fia wɛɛ ɛ ta‑a chenɛ gbu fɛ‑a. Mbɛ chen chɛ bea‑a, a te‑a gbɔkɔɔ.”

MATIU 7:29

Koe min na mu, a nii ma an kan ni, yɔ Chu n 'na sawa kan mɔɛ chɛ n ni an kan buɛ min dɔ. Chɛɛ a tana, a‑a an kan gbasaya wa an na.

MAKI 1:22

A‑a miin kan ka, an da ɔ gbaa‑a wan, a 'a kan chɛ buɛ a. A ta kanɛ, gbasaya wa, an ni a ɔ, a ben mɔɛ chɛ n ma, miin ni Chu n 'na sawa kan.

MAKI 11:18

Mɔɛ miin ni Chu n tɛ ɔ Yataa a, an 'na mansa nu, an bɛ Chu n 'na sawa kan mɔɛ n na, an‑na bai chɛ a min kɛn, an‑na a kuu sɔ wan chia yan‑da Chisɔsi fa koe a. An chiandenɛ ni a ma. Koe min na mu, a na‑a kanɛ chɛ buɛ min dɔ, fanka wa chɛ gbɛɛ nɔ, a na‑a an da a fa wan.

MAKI 6:2

Chu n 'na suin tee ma, Chisɔsi‑a mɔɛ n kan fan an 'na samun chɛ chenɛ a. Mɔɛ n ni kɔkoo wan nɔ, a ni kanɛ chɛ tena tima min na. An sin, kɛn an ban‑da a da a kuiɛ a min‑da, a 'a kan chɛ buɛ‑a an da a fa wan. An dɔ, “A e na ka mende kan chɛ buɛ bonda chɛ a? Yiimatɛ chɛ sima, min been mu ka a ma, kɔndɔfii mu. Mɔ ma a ɔ sɔn, ɛ kamaya ko wa chɛ n ma buɛ min dɔ.”

DUKU 19:48

Chɛɛ an nii ma chia kan kɔ kan sɔn ni a ma koe a, a mu min na, mɔɛ n gbɛɛ na‑a an too be wan Chisɔsi ma a tima chɛ a. An nii ma to ni a da a bai dɔndɔ wɛɛ ni fo an too a.

DUKU 2:47

Mɔɛ miin gbɛɛ ni nɔ, an da ɔ gbaa‑a wan yiimatɛ a, min ni a 'a tisa yɛman buɛ ɔ.

DUKU 4:22

An gbɛɛ bun‑da bai ma kawaenɛ n fɔ‑a, a si Chisɔsi ma. A sin, an tɛnɛ‑a wan a a, a koɔ‑a buɛ min dɔ chɛndɛ chɛ. Chɛɛ an yɛ‑a wan, an‑na a fɔ, an dɔ te, “N bɔ, ka wɛ, Chosɛfi 'a denɛ an nɛ.”

DUKU 4:32

An gbɛɛ da a fa‑a wan, a na‑a Yataa bai sa buɛ min dɔ an tena. Koe min na mu, a da a kuiɛ ni gbasa.

DUKU 7:1

Chisɔsi ban‑da kɛn koɔ‑a mɔɛ chɛ n tena, mbɛ a ta‑a Kapanaun duu ɔ.

CHƆN 7:15

Chu mɔɛ n ya ɔ sɔɛ chɛ nu, an da ɔ gbaa‑a wan kaka. Mbɛ an dɔ, “Mɔna chɛ ɛ ma ka ma, a ni koe sɔn buɛ chɛ ɔ, a nii kɛn mɔ kɔɔ kandencha a?”

CHƆN 7:46

Mbɛ an dɔ, “Kamin chɛ, a da a kuiɛ, a kaen fan mu mɔ gbu kan kɔ kan ta ma.”