MATIU 7:25 - Yataa 'a Dɔbɛnɛ Nama

²⁵ A ɔ ma yansan ni, mbɛ gbɔndɔ wa sona na‑a, mbɛ yii fa na‑a, fia wɛɛ ɛ ta‑a chenɛ gbu fɛ‑a. An ma chen chɛ ɔ maa ni a gba ɔ, a ma bea ni. Koe min na mu, a ni sɔ ɔ faa gbanɛ an ma.

MATIU 7:25 ပူးပေါင်းရင်းမြစ်များ

MATIU 16:18

I tɔɛ ma sien mu Pita, min fasaien mu, faa gbanɛ a. Mɔɛ miin mbe an kai fa‑a n na, an mbe ma‑a wan yɔ chenɛ. N ni a ma din i tena, mbɛ n sin mbe chen chɛ sɔ‑a faa gban chɛ an ma. Gbasaya kan kɔ kan mbe ee ma‑a saya boo ɔ chen chɛ kun ma.

MATIU 7:24

Chisɔsi ɔ, “Chɛ an‑na a fɔ, mɔ ɔ mɔ kan kɔ kan, min mbe n 'na bai chɛ n na min‑da, mbɛ a‑a an ma, yɔ n toen mu buɛ min dɔ an ma koe a, ɛ nyan‑da wan a ko a. Ɛ ma‑a ka wan, yɔ yiimatɛ kamin chɛ, min‑na a 'a chenɛ sɔ faa gbanɛ ma.

MATIU 7:26

“Chɛɛ mɔɛ min mbe n 'na bai chɛ n na min‑da, mbɛ a ma an ma ni, yɔ n toen mu buɛ min dɔ an ma koe a, a ma nyin a ko a. Ɛ ma‑a wan yɔ kamin chɛ, min yiima nii ma tɛ ni, min‑na chenɛ sɔ tɛɛ kuu munyɛ kun ma. A kuu nii ma si ni chɛndɛ.

MATIU 7:27

A ɔ ma yansan ni, mbɛ gbɔndɔ wa sona na‑a, mbɛ yii fa na‑a, fia wɛɛ ɛ ta‑a chenɛ gbu fɛ‑a. Mbɛ chen chɛ bea‑a, a te‑a gbɔkɔɔ.”

CHISƆSI 'A SƆ MƆƐ NU 14:22

Mbɛ an‑na a ma, mɔɛ chɛ n 'na danaya ɔ gbɛa‑a, miin ni ka Chisɔsi fɛ mɔɛ n na. An mbe ta‑a an faa n ma nande‑a, an ni to tun an kai fa‑a Chisɔsi a. Mbɛ an‑na an kan, an dɔ te, “Mɔ ɔ mɔ ɛ mɔnɛ sɛsɛ ɔ bia pɛn, a e na to don‑da Yataa 'a mansaya chɛ kɔɔ.”

Gboo Ɛfisɔsi Ko A 3:17

A sin ni a ma to, Chasi wakoe ni ma wo faa ɔ, koe min na mu, wo‑a wo kai fa a a. N mbe samunɛ chɛ tena, wo ni sɔ gban koadia ɔ, wo ni yɛ, wo ɔ ni gbɛa chɛndɛ chɛ.

Gboo Kɔdɔsai Ko A 2:7

Wo ban‑da wo kai fa‑a a a gban. Chɛ an fɛ mu, wo a a tun wo kai fa koe ma a a, wo ma yɛ kuu kɔ. A sin, wo‑a wo kai fa ka buɛ min dɔ a a, wo ma yɛ to kuu kɔ, yɔ a fɔen mu buɛ min dɔ wo ye. Tima ɔ tima ko a, wo Yataa wai bɔ.

CHIMISI 1:12

Yataa ɛ mɔɛ chɛ n dua‑a wan, miin mbe an faa bia, ni ko yawaenɛ‑a an tan. Koe min na mu, ni an‑na an koe chɛ ɔ bia, Yataa ɛ boo ɔ gbasi woo min be‑a an ma, ɛ ma‑a kuɔ fɔ fɔɛ an na. Fɔɛ chɛ, a na‑a tooɔdia be koe an na mɔɛ n ma, miin toen mu a a.

1 PITA 1:5

Wo danɛ min chɛ‑a Chisɔsi Chasi a, an fɛ mu Yataa ɛ wo kun ma fɛn tena gbasaya ɔ, aan wo ni bauncha ma sɔn. Wo e an bauncha chɛ sin ma sɔn‑da tee dankama tee ma wan.

1 PITA 1:7

Wo e chɛ n dɔ bia koe min na, a ɔ yian koe mu, mbɛ wo kai faen fan mu Chisɔsi Chasi a chɛndɛ chɛ. Ta an mbe a ma, mɔ ni sanu ma kawa koe ɔ sɔn. Sanu min ka, mɔɛ ɛ kun, a ni a yɔn. Kaifa nan gbu sin, wo‑a min chɛ, a sɔnkɔ ee, a benden mu sanu ma. Ko yawaenɛ chɛ nu, an fan mbe a ma, wo ee mun‑da, wo e sɔ‑a wan gban. Wo sin mbe na‑a boo ɔ gbasi ma sɔn‑da wan, wo ni tando ma sɔn, a basan dua a. Chɛ ɛ ma‑a wan an tee chɛ ma, Yataa ɛ Chisɔsi Chasi yian‑da tee min ma.

1 CHƆN 2:19

Mɔɛ chɛ n ni wan dechee mmɔ tɛ ɔ, chɛɛ mmɔ yiima nii dɔndɔ an na. Chɛ an‑na a ma, an ka‑a mmɔ fɛ, an ta‑a. Ni mmɔ yiima ni wan dɔndɔ gbe, an nii ka‑a mmɔ fɛ. Chɛɛ an ka‑a min chɛ‑a mmɔ fɛ, chɛ‑a a ɔ yian fan ka, mbɛ mmɔ yiima nii kaina dɔndɔ.