MATIU 7:21 - Yataa 'a Dɔbɛnɛ Nama

²¹ Chisɔsi ɔ, “Mɔɛ gbɛɛ ma, miin mbe n chee‑a, ‘Mansa, Mansa,’ miin mbe don‑da Yataa 'a mansaya kɔɔ. Chɛɛ fɔ dechee mɔɛ chɛ, min mbe a sɔɛ don‑da Fa Yataa, min mbe banda bu ɔ, a faa ma koe n ma koe a.

MATIU 7:21 ပူးပေါင်းရင်းမြစ်များ

MATIU 12:50

A mu min na, mɔɛ miin mbe kooya be‑a Fa Yataa ma, an fan mu n de a, an fan mu n dɔ kaima n na, an bɛ n dɔ musuma n na.”

MATIU 16:17

Mbɛ Chisɔsi ɔ, “I duaen ba mu, Saimɔn, Chɔn 'na denɛ. A mu min na, mɔ gbu an ma koe chɛ ɔ yian ni i a. Fa min mbe banda bu ɔ, an‑na a ɔ yian i a.

MATIU 18:10

Chisɔsi ɔ te to, “Wo wo kun ma fɛn. Wo ma wo ya a yii n fɛ denɛ den tachɛen bɛɛ ma. N ni a ma din wo tena, mbɛ maeka n mbe wan an boo ɔ banda bu ɔ, tɛɛ ee miin tɛ an bɛ Fa Yataa a.

MATIU 18:19

“N ni a ma din to wo tena. Ni wo mɔ fea gbe wɛɛ dɔn‑da nɛ dunya chɛ ɔ ko dɔndɔɛ ma koe a, mbɛ wo‑a Fa Yataa ɔ tisa an koe chɛ ko a, ɛ a ma‑a wan wo ye.

MATIU 18:3

Mbɛ Chisɔsi ɔ, “N ni a ma din wo tena, ni wo ma wo sɔnɛ mun ni, wo ni ma yɔ den mɛsɛ nu, wo ee don‑da Yataa 'a mansaya kɔɔ.

MATIU 18:35

Mbɛ Chisɔsi ɔ te gbɛ, “Ni wo ma chinchin ni wo bɔɛ n ma, wo ni wo boo bɔ an 'na ko yama n dɔ, Fa Yataa wɛɛ, ɛ a ma‑a ka wan wo wɛɛ a, yɔ mansa chɛ‑a a ma buɛ min dɔ kamin chɛ a.”

MATIU 19:24

Ka wɛ n mbe a ma din to wo tena, mbɛ a ɔ gbɛ kaka nyan tɔɛ ko a, a ni don Yataa 'a mansaya kɔɔ, a ni ben ninchi don koe ma miichi woe a.”

MATIU 25:10

Mbɛ sunkun tɔngbɔɛ chɛ nu, miin yiima nii ma tɛ ni ka, an ta‑a tu san tena. An ta‑a kɛn, mbɛ mɔ kaima min ni na tena ka musu si‑a, a na‑a an gbaa. Sunkun tɔngbɔ duu chɛ nu, miin ma bɛnden ni ka, an fan don‑da an bɛn chɛ ɔ, an bɛ kai chɛ n na. An don‑da kɛn, mbɛ an‑na chenɛ da a tɔn an gbaa chia a.

MATIU 25:21

Mbɛ a ɔ, ‘En wai. Mɔ chɛndɛ mu i a, i sin‑na a ɔ yian n na, mbɛ i danayaen mu kɔpɔ ɛnden bɛɛ kun ma. Chɛ ko a, n mbe kɔpɔ sɛmbɛnden be‑a wan i ma, i ni a kun ma fɛn. Na, mɔ ni buɔdia bɔ.’

MATIU 26:39

Mbɛ a ka‑a wan an baima ɛnden na, mbɛ a‑a a wandi ɔ fuin duu ma susu gbuu, a bun‑da samunɛ chɛ‑a. A ɔ, “Fa, ni ɛ bɛn fan, a ma ko yawaen chɛ ni ka n teen na. Chɛɛ chɛ gbɛɛ ɔ, n ta faa ma koe, an ma ma. Chɛɛ i ta faa ma koe, an ni ma.”

MATIU 26:42

Mbɛ Chisɔsi yɛ‑a to, a fean bɔɛ ɔ, mbɛ a‑a samunɛ chɛ. A ɔ, “Fa, ni ko yawaen chɛ ee che ben‑da n ma, mɔɔ ni n‑na a ɔ bia, mbɛ i faa ma, an ni ma.”

MAKI 3:35

Mɔ ɔ mɔ, min mbe Yataa faa chima koe ma‑a, n de an nɛ, n dɔ musuma an nɛ, n dɔ kaima an nɛ.”

MAKI 9:47

Ni i ya nan fan bɛɛ‑a i a dɛ ko yama ɔ, a bɔ, i ni a a dɛ. A nyin i ni kuɔ fɔ fɔɛ ma sɔn, i ya dɔndɔɛ wɛɛ a. Chɛɛ a yau, i ya a kandenɛ ni ma, mbɛ i ta‑a ta ɔ.

DUKU 11:28

Chɛɛ Chisɔsi ɔ, “I‑a tea an fɔ ka, chɛɛ miin mbe Yataa 'a bai a min‑da, mbɛ an‑na a ma, yɔ bai chɛ‑a min fɔ an ye a ma koe a, dua chenama wa gbu ɛ ma‑a an fan ma.”

DUKU 13:25

Tima ɛ che‑a wan, tima min na chen chɛ kun ti ɛ a kɔɔ sɔ‑a, mbɛ a‑a chen chɛ da a tɔn. A tima chɛ a gbɛ, ni wo e sɔ ɔ baa ma wan, wo e chen chɛ da tu‑a wan, wo ɔ, kun ti chɛ ni a ma wo ni don. Chɛɛ ɛ a fɔ‑a wan wo ye, a ɔ, a ma wo sɔn ɛnden bɛɛ a.

DUKU 18:25

A ɔ gbɛ kaka nyan tɔɛ ko a, a ni don Yataa 'a mansaya kɔɔ, a ni ben ninchi don koe ma miichi woe a.”

DUKU 6:46

Chisɔsi ɔ, “Ni wo ee na‑a n da a kuiɛ a min‑da, wo ma n chee, ‘Mansa, Mansa.’

CHƆN 14:7

Ni wo na‑a a ɔ sɔn fan chɛndɛ chɛ, n mu mɔɛ min sima a, mbɛ wo ni Fa wɛɛ sɔn‑da wan. Chɛɛ a ka gbɛ sanche ma, aan a ta, wo‑a a sɔn gbɛ, a sin, wo ban‑da a yen‑da.”

CHƆN 15:23

Mɔɛ min mbe too‑a n na, ɛ too‑a ka Fa an na.

CHƆN 3:5

Mbɛ Chisɔsi ɔ, “N ni a ma din to i tena, mbɛ mɔ ɔ mɔ ee che don‑da Yataa 'a mansaya kɔɔ, mɔɔ ni a suun‑da to yii a, an fea Yataa Nyina a.

CHƆN 5:17

Mbɛ Chisɔsi ɔ, “Fa Yataa ɛ basan fan mɔɛ n ma, tima ɔ tima ko a. N bɛɛ, a nyin n ni a ma ka.”

CHƆN 6:40

A mu min na, Fa Yataa toen mu min na, an nɛ. Mɔ ɔ mɔ min mbe dɔn‑da a ma, mbɛ Yataa 'a denɛ mu n na, mbɛ a‑a a kai fa n na, n ni a ma, a ni kuɔ fɔ fɔɛ ma sɔn. A sin, n mbe an kɔɔ sɔ‑a wan, a ka saya ɔ tee dankama ma.”

CHƆN 7:17

Mɔ ɔ mɔ min ma bɛnden mu, Yataa faa ma koe ma koe a, an mbe a ɔ sɔn, n mbe kanɛ min chɛ tena. A mɔɛ chɛ, an mbe a ɔ sɔn, ni n mbe Yataa da a bai an na ben tena. Chɛ ma, an mbe a ɔ sɔn, ni n mbe a chɛ tena n fandi kun ma an na.

CHISƆSI 'A SƆ MƆƐ NU 14:22

Mbɛ an‑na a ma, mɔɛ chɛ n 'na danaya ɔ gbɛa‑a, miin ni ka Chisɔsi fɛ mɔɛ n na. An mbe ta‑a an faa n ma nande‑a, an ni to tun an kai fa‑a Chisɔsi a. Mbɛ an‑na an kan, an dɔ te, “Mɔ ɔ mɔ ɛ mɔnɛ sɛsɛ ɔ bia pɛn, a e na to don‑da Yataa 'a mansaya chɛ kɔɔ.”

GBOO DOMI KO A 12:2

Wo ma a a tun koe n ma koe a, dunya chɛ ɔ mɔɛ n mbe miin ma. Chɛɛ wo faa an dɔ, Yataa ni wo mun, mbɛ a‑a yiima nama chɛndɛ chɛndɛ be wo ma. A tima chɛ a mu, wo e kun‑da wo ni a ɔ sɔn, Yataa toen mu koe miin na. Wo ni a ɔ sɔn, koe miin nyin Yataa tena, a yɛ to, mabɔ ee miin ma, an sin mbe a faa chima wan.

GBOO DOMI KO A 2:13

An ma a fɔ ni, mbɛ sawa chɛ, a a min koe dechee an mbe a ma, mɔɛ ni ma mɔ tandenɛ a Yataa tena. Chɛɛ mɔɛ min mbe a a min‑da, mbɛ a tachɛ‑a a a chɛndɛ chɛ, Yataa ɛ an ya‑a mɔ tandenɛ a.

Gboo Ɛfisɔsi Ko A 6:6

Wo ma chɛ ma dechee an ya kɔɔɛ ma wan, an faa chima koe a mɔgbuya ɔ. Chɛɛ wo a ma, wo faa gbɛɛ a, yɔ Chasi 'a yɔnɛ nu, miin mbe Yataa faa ma koe ma.

Gboo Kɔdɔsai Ko A 4:12

Wo bɔɛ dɔndɔ wɛɛ to, Ɛpafasi, min mu to Yataa 'a wai chɛ mɔɛ a, ɛ wo kɔndɔn tena. Tima ɔ tima ko a, ɛ samunɛ chɛ tena wan wo ko a, a faa gbɛɛ a. A ɔ, Yataa ni a ma, wo ni sɔ gban a ko a, wo yii na tɛenɛ ɛ gbae Yataa faa ma koe gbɛɛ ma, min mbe wo ko a.

Gboo Saa Tɛsadonika Ko A 4:3

Yataa toen mu wo ni ma tenchen a wan ko a, wo ni wo boo bɔ ko tɛ kan kɔ kan dɔ.

Gboo Saa Tɛsadonika Ko A 5:18

Wo ma min chɛ‑a mɔ dɔndɔɛ a Chisɔsi Chasi a, Yataa toen mu wo ni chɛ an ma. Ko ɔ ko ni wo tan, wo ni a wai bɔ.

TAITƆSI 1:16

An‑na Yataa sɔnɛ ɛ an da ɔ wan, chɛɛ a ee an sɔnɛ ɔ. An ma nyin, an mbe ee Yataa 'a sawa ya, an sin ma nyin fen kɔ fen ko a.

GBOO IBU MƆƐ N KO A 13:21

a ni basan wo ma chia ɔ chia a, wo toen mu min na, a faa ma koe ma koe a. A sin ni a ma, Chisɔsi Chasi 'a gbasaya ɔ, mmɔ ni ko ɔ ko ma, min mbe a faa chima. A sin, tando ni ma Chasi tɔɛ ma, kuɔ fɔ ni kuɔ fɔ ko a. A ni ma ka.

GBOO IBU MƆƐ N KO A 4:6

Chɛ an fɛ mu, min toen mu gbɛ, an nɛ mɔɛ n don koe a nɔ. A sin, mɔɛ saa nu, miin na‑a sakana bai chɛndɛ chɛ a min, an nii ma kooya be ni, an na‑a a ma, an nii ma don ni nɔ.

CHIMISI 1:22

A sin ni ma wo yii ma, mbɛ sakana bai chɛ ma bea dechee wo too an dɔ, wo ni wo wandi bun. Chɛɛ Yataa 'a bai chɛ‑a min fɔ, wo an ma.

1 PITA 2:15

Yataa toen mu, chɛ an ni ma. Wo 'a ko chɛndɛ ni a ma, baa baa mɔɛ chɛ n ni an da a tɔn, wooya bai n fɔ koe a wo ma.

1 PITA 4:2

A sin, wo ee ma‑a wo faa ma koe n fan ma‑a, aan wo ni fa. Chɛɛ wo ma bɛndenɛ ɛ ma‑a wan, tima ɔ tima ko a, Yataa faa ma koe ma koe a.

KO Ɔ NUNDENƐ 2:27

N mbe gbasaya be‑a wan an ma, yɔ Fa Yataa‑a min be n ma. An sin chinchincha ee ma‑a an faa ɔ, an mbe an bia‑a wan, yɔ mɔɛ ɛ boo da te buɛ min dɔ. N mbe tɔmbuaka be‑a wan an ma, min mbe ma man‑da banda ɔ ka da ma. Chɛ ɛ a ɔ yian‑da wan an na, mbɛ an sɔen fan mu gban Yataa ko a.”

KO Ɔ NUNDENƐ 22:14

Mɔɛ chɛ n duaen mu, miin mbe an 'na koa ko‑a, min mbe a ma, an ni don duu wa chɛ ɔ, fɛnsi chɛ da chɛ n na, mbɛ an‑na kɔn chɛ gbɔɛ daun, kɔn chɛ min mbe fɔɛ be ka.

KO Ɔ NUNDENƐ 3:5

Mɔɛ chɛ n gbɛɛ, miin mbe sɔ‑a gban Yataa ko a, an ma bɛndenɛ ɛ ma‑a ka wan koa gbɛ a. A sin, n mbe ee an tɔɛ bɔ‑a gboo chɛ ɔ, mɔɛ miin mbe kuɔ fɔ fɔɛ ma sɔn‑da, an tɔɛ ɛ ma‑a gboo min dɔ. N mbe a fɔ‑a wan den, Fa Yataa ya kɔɔ, an bɛ a 'a maeka n na, mbɛ n 'na mɔɛ n fan nɛ.”