MATIU 7:14 - Yataa 'a Dɔbɛnɛ Nama

¹⁴ Chɛɛ chia chɛ dɔɔ gba, chia min mbe ma‑a mɔ ni kuɔ fɔ fɔɛ ma sɔn. An chia chɛ ɔ gbɛ tachɛ koe a. A sin, mɔ sɛsɛ n fan mbe ee ta‑a a a.”

MATIU 7:14 ပူးပေါင်းရင်းမြစ်များ

MATIU 20:16

Mbɛ Chisɔsi ɔ te gbɛ, “Chɛ an‑na a fɔ, mɔ sɛsɛ nu, miin mbe gbaa sanche, Yataa ɛ an na na‑a wan ya ɔ. Mbɛ miin sin mbe sɔ ɔ ya ɔ sanche, Yataa ɛ an 'na yɛ‑a wan gbaa a.”

MATIU 22:14

Mbɛ Chisɔsi ɔ te gbɛ, “Yataa 'a chenɛ da a kaen fan mu mɔ sɛsɛ ko a, chɛɛ miin mbe don nɔ, an ma kɔkoo.”

MATIU 7:13

Chisɔsi ɔ, “Wo ben chen da a dɔɔyaen chɛ 'a chia a, don koe a Yataa 'a mansaya kɔɔ. A mu min na, chia min mbe ta tena ta ɔ, a a kaen waun. A ɔ ma gbɛ tachɛ chɛ koe a a a. Mɔ sɛsɛ n mbe ta an chia chɛ sin fan na.

MATIU 7:15

Chisɔsi ɔ, “Wo wo kun ma fɛn mɔɛ chɛ n boo ɔ, miin mbe fania fɔ, mbɛ Yataa 'a gbonka chɛ mɔɛ mu an na. An mbe na‑a wan wo tena, an ma chimaenɛ a, yɔ sa. Chɛɛ min mu ka, tea tea ɔ, an yau yɔ yaa.

MAKI 8:34

Mbɛ Chisɔsi‑a mɔ fanka fanka chɛ n chee a tena, ni a fɛ denɛ n bɛɛ. Mbɛ a ɔ, “Ni mɔ ɔ mɔ toen mu a ni bea n fɛ, an mɔɛ chɛ ni nyina a faa ma koe n ma. Mbɛ a‑a a ma bɛn mɔnɛ ɔ bia koe a n ko a, a basan fa koe a.

DUKU 12:32

Chisɔsi ɔ, “Wo wɛn mbe n fɛ, wo ma kɔkoo, chɛɛ wo ma chian. A a di wan Fa Yataa ye, na koe a wo a, a 'a mansaya kɔɔ.

CHƆN 16:2

An mbe wo gbain‑da wan fɛsɛ fɛsɛ, a bɔ an 'na samun chɛ chenɛ a. A sin gbu, tima ɛ che‑a wan, mɔ ɔ mɔ min mbe wo dɔndɔ wɛɛ fa‑a, ɛ ma‑a wan a yii ma, mbɛ a‑a Yataa faa ma koe an ma ka.

CHƆN 16:33

N mbe chɛ gbɛɛ fɔ tena wo ye, min mbe a ma, wo ni faachima sɔn. Koe min na mu, mɔ dɔndɔɛ mu mmɔ a, mmɔ gbɛɛ. Ko yawaenɛ n mbe wo tan‑da wan dunya chɛ ɔ. Chɛɛ wo wo faa sɔ, n kun‑da gbasaya ti ma dunya chɛ ɔ.”

CHISƆSI 'A SƆ MƆƐ NU 14:22

Mbɛ an‑na a ma, mɔɛ chɛ n 'na danaya ɔ gbɛa‑a, miin ni ka Chisɔsi fɛ mɔɛ n na. An mbe ta‑a an faa n ma nande‑a, an ni to tun an kai fa‑a Chisɔsi a. Mbɛ an‑na an kan, an dɔ te, “Mɔ ɔ mɔ ɛ mɔnɛ sɛsɛ ɔ bia pɛn, a e na to don‑da Yataa 'a mansaya chɛ kɔɔ.”

GBOO DOMI KO A 12:2

Wo ma a a tun koe n ma koe a, dunya chɛ ɔ mɔɛ n mbe miin ma. Chɛɛ wo faa an dɔ, Yataa ni wo mun, mbɛ a‑a yiima nama chɛndɛ chɛndɛ be wo ma. A tima chɛ a mu, wo e kun‑da wo ni a ɔ sɔn, Yataa toen mu koe miin na. Wo ni a ɔ sɔn, koe miin nyin Yataa tena, a yɛ to, mabɔ ee miin ma, an sin mbe a faa chima wan.

GBOO DOMI KO A 9:32

Fen na‑a a ma, an nii ma tan ni Yataa tena? Koe min na mu, an yii faen ni an chɛ chɛ wai n fan ma, an yii na nii ma tɛ ni an kai fa buɛ ma Yataa a. An na‑a nama wan sen chɛ ma, sen chɛ min mbe a ma ka, mɔɛ n mbe bea.