MATIU 6:34 - Yataa 'a Dɔbɛnɛ Nama

³⁴ Chɛ an‑na a fɔ, wo faa ma gbaa sinan ko a. A mu min na, sinan faagbaa bɛnden mu sinan fan ko a. Bi yakɔɔtawa, a‑a a bɔ bi tee chɛ ko a.”

MATIU 6:34 ပူးပေါင်းရင်းမြစ်များ

MATIU 6:11

Nn kɔ nn daun fenɛ a tee chɛ a.

MATIU 6:25

“Chɛ an‑na a fɔ, n mbe a fɔ tena wo ye, mbɛ wo ma wo gbɔsɔ wo da a daun fen ko a, a basan wo min yii a, ma koe a fɔɛ ɔ. N mbe ee baa, wo ni wo gbɔsɔ wo gboo ko a, wo e fen chii. Koe min na mu, mɔ gbu fɔɛ ma daun fenɛ dechee an na, a yɛ to, koa dechee an ma koe a mɔ gbu gboo ko a.

MATIU 6:27

Wo dɔndɔ wɛɛ, faa ni gbaa boo ɔ boo a 'a fɔɛ ko a, chɛ ee a ma tima kundu ɛnden bɛɛ ni sa a kun ma.

DUKU 10:41

Chɛɛ Mansa Chisɔsi ɔ, “Ee Mata, i 'a faagbaa sien mu ko sɛsɛ an fan ma,

DUKU 11:3

Nn kɔ nn daun fenɛ a tee ɔ tee a.

DUKU 12:11

“Ni an na‑a wo a wo gbɛmbo koe a mmɔ 'a samun chɛ chenɛ n na, ni an na‑a wo a ya ɔ sɔɛ n chen kɔɔ, ni an na‑a wo a kun ti n bɛɛ chen kɔɔ, wo ma wo faa gbaa wo fɔ bai ko a, ni a fɔ buɛ ko a.

DUKU 12:22

Mbɛ Chisɔsi‑a a fɔ a fɛ denɛ n ye, a ɔ, “Chɛ an‑na a fɔ, n ni a ma din wo tena, mbɛ wo ma wo gbɔsɔ wo da daun fenɛ ko a, ma koe a fɔɛ ɔ. N mbe ee baa, wo ni wo gbɔsɔ wo gboo ko a, wo e fen chii.

CHƆN 14:27

“N mbe wo to tena faachima an dɔ. Faachima min nyɔn sima ɛ n dɔ, n mbe an be tena wo ma. N ta faachima, n mbe min be, a ee ka yɔ dunya chɛ ɔ nɛnɛ. Wo ma ma faamɔnɛ ɔ, a sin to, wo ma chian, a si koe chɛ n ma, miin mbe ma‑a.

CHƆN 16:33

N mbe chɛ gbɛɛ fɔ tena wo ye, min mbe a ma, wo ni faachima sɔn. Koe min na mu, mɔ dɔndɔɛ mu mmɔ a, mmɔ gbɛɛ. Ko yawaenɛ n mbe wo tan‑da wan dunya chɛ ɔ. Chɛɛ wo wo faa sɔ, n kun‑da gbasaya ti ma dunya chɛ ɔ.”

CHISƆSI 'A SƆ MƆƐ NU 14:22

Mbɛ an‑na a ma, mɔɛ chɛ n 'na danaya ɔ gbɛa‑a, miin ni ka Chisɔsi fɛ mɔɛ n na. An mbe ta‑a an faa n ma nande‑a, an ni to tun an kai fa‑a Chisɔsi a. Mbɛ an‑na an kan, an dɔ te, “Mɔ ɔ mɔ ɛ mɔnɛ sɛsɛ ɔ bia pɛn, a e na to don‑da Yataa 'a mansaya chɛ kɔɔ.”

Gboo Fiipai Ko A 4:6

Ko ɔ ko kan kɔ kan ma wo faa gbaa. Chɛɛ wo 'a samunɛ ɔ, wo 'a Yataa ma nande ɔ, wo a ma, a ni a ɔ sɔn, wo toen mu a ni koe miin chɛ wo ye, tima ɔ tima ko a. A sin, wo a wai bɔ koe n gbɛɛ ko a, a‑a miin chɛ wo ye.

1 PITA 5:7

Wo faa gbaaen mu koe miin gbɛɛ a, wo Yataa ma fɛn dechee. A gbɔsɔen mu wo ko a kaka.