MATIU 6:27 - Yataa 'a Dɔbɛnɛ Nama

²⁷ Wo dɔndɔ wɛɛ, faa ni gbaa boo ɔ boo a 'a fɔɛ ko a, chɛ ee a ma tima kundu ɛnden bɛɛ ni sa a kun ma.

MATIU 6:27 ပူးပေါင်းရင်းမြစ်များ

MATIU 5:36

N mbe ee baa to, i gboo koe ma i wandi kunɛ ɔ, a mu min na, e ee che i kundi dɔndɔ wɛɛ fin‑da, chɛ ma, i ni a ma a ni gbɛ.

MATIU 6:25

“Chɛ an‑na a fɔ, n mbe a fɔ tena wo ye, mbɛ wo ma wo gbɔsɔ wo da a daun fen ko a, a basan wo min yii a, ma koe a fɔɛ ɔ. N mbe ee baa, wo ni wo gbɔsɔ wo gboo ko a, wo e fen chii. Koe min na mu, mɔ gbu fɔɛ ma daun fenɛ dechee an na, a yɛ to, koa dechee an ma koe a mɔ gbu gboo ko a.

MATIU 6:28

“N ma chia yen ni a ɔ, koe min mbe a ma, wo faa ɛ gbaa chii koa koe a. Wo fia ɔ kɔn chɛ n yen bɛ, miin mbe fu, an mbe koa buɛ min dɔ. An mbe ee wai chɛ, an sin mbe ee koa nyan an fandi ko a.

MATIU 6:31

“Chɛ an‑na a fɔ, wo faa ma gbaa tima ɔ tima, wo ni bun a fɔ‑a, wo ɔ, wo e fen daun‑da, chɛ ma, wo e fen min‑da, chɛ ma, wo e fen chii‑a.

MATIU 6:34

Chɛ an‑na a fɔ, wo faa ma gbaa sinan ko a. A mu min na, sinan faagbaa bɛnden mu sinan fan ko a. Bi yakɔɔtawa, a‑a a bɔ bi tee chɛ ko a.”

DUKU 10:41

Chɛɛ Mansa Chisɔsi ɔ, “Ee Mata, i 'a faagbaa sien mu ko sɛsɛ an fan ma,

DUKU 12:11

“Ni an na‑a wo a wo gbɛmbo koe a mmɔ 'a samun chɛ chenɛ n na, ni an na‑a wo a ya ɔ sɔɛ n chen kɔɔ, ni an na‑a wo a kun ti n bɛɛ chen kɔɔ, wo ma wo faa gbaa wo fɔ bai ko a, ni a fɔ buɛ ko a.

DUKU 12:22

Mbɛ Chisɔsi‑a a fɔ a fɛ denɛ n ye, a ɔ, “Chɛ an‑na a fɔ, n ni a ma din wo tena, mbɛ wo ma wo gbɔsɔ wo da daun fenɛ ko a, ma koe a fɔɛ ɔ. N mbe ee baa, wo ni wo gbɔsɔ wo gboo ko a, wo e fen chii.

GBOO SAA KƆYINDI KO A 12:18

Chɛ gbɛɛ ɔ, koe n mbe ka buɛ min dɔ, mmɔ sɔna n gbɛɛ, mmɔ gboo ma, Yataa‑a an dɔ bɛn bɛn fan, a ta faa ma a a.

Gboo Fiipai Ko A 4:6

Ko ɔ ko kan kɔ kan ma wo faa gbaa. Chɛɛ wo 'a samunɛ ɔ, wo 'a Yataa ma nande ɔ, wo a ma, a ni a ɔ sɔn, wo toen mu a ni koe miin chɛ wo ye, tima ɔ tima ko a. A sin, wo a wai bɔ koe n gbɛɛ ko a, a‑a miin chɛ wo ye.

1 PITA 5:7

Wo faa gbaaen mu koe miin gbɛɛ a, wo Yataa ma fɛn dechee. A gbɔsɔen mu wo ko a kaka.