MATIU 6:2 - Yataa 'a Dɔbɛnɛ Nama

² “Chɛ an‑na a fɔ, ni wo ma‑a wai nyima chɛ‑a yɔn tɔɛ n na, wo ma a ma yɔ mɔɛ chɛ nu, miin‑na an fandi ya mɔ chɛndɛ a, min mu ka mɔ chɛndɛ ma an na. Ni an ma‑a wai nyima chɛ‑a yɔn tɔɛ n na, Chu n 'na samun chɛ chenɛ n na, an mbe a ma wan, mɔ ɔ mɔ ni a ɔ yen, an mbe koe min chɛ tena. Ni an ma‑a wai nyima chɛ‑a an na dani n bɛɛ ma, an mbe a ma ka wan, min mbe a ma, mɔɛ n gbɛɛ ni an tando. N ni a ma din wo tena, mbɛ an ban‑da an 'na tɔnɔnɛ gbɛɛ ma sɔn‑da.

MATIU 6:2 ပူးပေါင်းရင်းမြစ်များ

MATIU 15:7

Wo wan, nɛnɛn fea ti nu. Yataa 'a gbonka chɛ mɔɛ Aisaya teayaen fan ni suun, a na‑a bai sa kɛn a si wo ma, a ɔ,

MATIU 16:3

Tee dɔ n na, ni banda ɔ ka‑a, wo e banda yen fan a yawaenɛ ɛ, a maenɛ ɛ to digbi digbi. Ni chɛ ma‑a, wo‑a a fɔ wan, wo ɔ, ‘Sona ɛ na‑a wan bi. A mu min na, banda yawa‑a, a sin sona gbiienɛ ɛ to.’ Wo e banda ma fɛn fan, mbɛ wo‑a a ɔ sɔn, ni ɛ nyan tena wan, chɛ ma, ni a ee nyan tena. Wo e chɛ n dɔ gbɛ wan, chɛɛ wo ee sanche koe n dɔ gbɛ, miin mbe ma tena.

MATIU 22:18

Chɛɛ Chisɔsi na‑a an 'na yiinachii yama chɛ kɔɔ sɔn fan, mbɛ a‑a a fɔ an ye, a ɔ, “Wo wan, nɛnɛn fea ti mu wo a. Fen mu wo toen mu wo ni n dɔ chɛ?

MATIU 23:5

An toen mu an ni an fandi ɔ yian ko ɔ ko ɔ, an mbe min ma. An 'na ma bɛn chɛ buɛ wɛɛ, an ni a ɔ ben fan, a ɔ yian koe a, mbɛ an‑na Yataa sɔn, a ni ben an bɔ n ma.

MATIU 23:6

Ni an ta‑a daun chɛ bɛnɛ wɛɛ ɔ, an toen mu si koe a gbakoo n fan tɛ. Mmɔ 'a samun chɛ chenɛ n bɛɛ a, an toen mu si tena ma benden ba an na.

MATIU 24:51

Kun ti chɛ ɛ bɔi den chɛ a tɔɔya‑a wan a yama yama boo a, mbɛ a‑a a bia, yɔ nɛnɛn fea ti chɛ n mbe bia buɛ min dɔ. Bɔi den chɛ, ɛ ma‑a wan kaina dɔndɔɛ, di chɛ a, a basan mɔnɛ ɔ nyin na daunɛ a, an bɛ nɛnɛn fea ti chɛ n na.”

MATIU 5:18

Koe min na mu, n ni a ma din wo tena, mbɛ tima min na dunya chɛ gbɛɛ ɛ wɛ nɔ, sawa chɛ ɛnden bɛɛ ee ka a a, aan bai miin fɔ‑a a ɔ, an ni bɔ a a.

MATIU 6:16

Chisɔsi ɔ, “Ni wo‑a sunɛ bia, wo ma wo ya kɔɔɛ ma digbi digbi, yɔ mɔɛ chɛ n mbe a ma buɛ min dɔ, miin‑na an fandi ya mɔ chɛndɛ a, min mu ka mɔ chɛndɛ ma an na. Ni an ma‑a sunɛ bia‑a, an mbe a ɔ yian fan an ya kɔɔɛ ma mɔɛ n na, mbɛ an mbe ka ko gbɛɛ ma wa an dɔ bia tena. N ni a ma din wo tena, mbɛ an ban‑da an 'na tɔnɔnɛ gbɛɛ ma sɔn‑da.

MATIU 6:3

Chɛɛ a sin, ni i ma‑a wai nyima chɛ‑a yɔn tɔɛ n na, a ɔ nun, i ma a ma mɔ dɔ mende kan kɔ kan ni a ɔ sɔn.

MATIU 6:5

Chisɔsi ɔ, “Ni wo toen mu wo ni samunɛ chɛ, wo ma a ma yɔ mɔɛ chɛ nu, miin‑na an fandi ya mɔ chɛndɛ a, min mu ka mɔ chɛndɛ ma an na. A mu min na, an toen mu sɔ koe a, Chu n 'na samun chɛ chenɛ n na, a basan dani tɔnfɛ n na. An mbe chɛ ma, min mbe a ma, mɔ ɔ mɔ ni an yen samun chɛ‑a. N ni a ma din wo tena, mbɛ an ban‑da an 'na tɔnɔnɛ gbɛɛ ma sɔn‑da.

MATIU 7:5

Wo wan nɛnɛn fea ti chɛ nu, wo kɔn gbondo chɛ bɔ pɛn wo ta ya a, mbɛ wo kun‑da gbɛ kaina yen koe a gbadan, a bubuu chɛ bɔ koe a wo bɔɛ ya a.

MAKI 12:39

Ni an ta‑a mmɔ 'a samun chɛ chenɛ n bɛɛ a, an toen mu si tena ma bɛnden ba an na. Daun chɛ bɛnɛ wɛɛ ɔ, an toen mu si koe a gbakoo n fan tɛ.

MAKI 7:6

Mbɛ Chisɔsi ɔ an ma, “Yataa 'a gbonka chɛ mɔɛ Aisaya na‑a min fɔ suun, a si wo ma, a teaen ni gba! Nɛnɛn fea ti mu wo a, yɔ a na‑a a nyɛn buɛ min dɔ, mbɛ, ‘Yataa ɔ te, a ɔ, wo e basɔmaya be dechee a ma wo da ɔ wan. A ɔ, chɛɛ a wakoe ee wo faa ɔ.

DUKU 11:41

Chɛɛ wo wo boo fenɛ n be yɔn tɔɛ n ma, wo faa gbɛɛ a. Ni wo‑a chɛ ma, ko kan kɔ kan wo e min ma‑a, ɛ Yataa faa chima‑a wan.

DUKU 11:43

“Wo wan Fayisii nu, koe min mbe wo tan‑da, a yau gba wo ko a. Ni wo ta‑a samun chɛ chenɛ a, wo toen mu si tena ma bɛnden ba an na. Ni wo ta‑a machiti wɛɛ ɔ, wo toen mu mɔɛ n ni basɔmaya kɔndɔnɛ chɛ wo a.

DUKU 12:33

Wo wo boo fenɛ n ma tachɛ kɔpɔɛ a, mbɛ wo‑a a kɔpɔɛ chɛ n be yɔn tɔɛ n ma. Ni wo‑a chɛ ma, wo e ma‑a ka nyanɛ an na sɔn‑da wo wandi ko a banda bu ɔ. Kɔpɔ sa basachi nu, miin mbe banda bu ɔ, an mbe ee taa, an sin mbe ee pumbɔ. Wo 'a nyan fen chɛ nu banda bu ɔ, an mbe ee ban kuɔ fɔ ko a. Kanka ee che an kanka‑a. Chisi sin mbe ee che an yɔn‑da.

DUKU 12:56

Wo wan nɛnɛn fea ti nu, wo e banda ma fɛn fan, an fea duu gboo a, mbɛ wo‑a a ɔ sɔn ni banda ɛ na tena wan nyan‑da. Wo e a ɔ sɔn fan to ni a ee nyan tena. Chɛɛ wo ee che koe chɛ n sin fasai‑a, miin mbe ma tena sanche.

DUKU 13:15

Chɛɛ Mansa Chisɔsi ɔ, “Wo wan nɛnɛn fea ti nu, wo dɔndɔ wɛɛ ee nɛ, min 'na ninchi kanɛ a ɛ gbaa, a 'a sofɛ kanɛ a ni gbaa, suin tee wɛɛ ma a, ni a ee a fuin‑da, a ni ta a a yii da a, a ni a min. Ni wo e chɛ ma wan, mbɛ wo‑a wai an chɛ ka suin tee ma.

DUKU 20:46

“Wo wo kun ma fɛn Chu n 'na sawa kan mɔɛ chɛ n boo ɔ. An toen mu doma wa wa n don koe a, an mbe ben ben. Ni an ta‑a machiti an dɔ, an toen mu mɔɛ n ni basɔmaya kɔndɔnɛ chɛ an na. Ni an ta‑a mmɔ 'a samun chɛ chenɛ n bɛɛ a, an toen mu si tena ma bɛnden ba an na. Daun chɛ bɛnɛ wɛɛ ɔ, an toen mu si koe a gbakoo n fan tɛ.

DUKU 6:24

“Chɛɛ koe chɛ n mbe yaua‑a gba, miin mbe wo tan‑da, wo wɛn nyanden mu sanche. A mu min na, wo ban‑da wo ta buɔdia bɔ‑a dunya chɛ ɔ.

DUKU 6:42

Wo ee kun wo ni a fɔ wo bɔɛ ye, wo ɔ, a ni ka wɛ, wo ni bubuu ɛnden chɛ bɔ a ya a, min mu ka, kɔn gbondo chɛ ɛ sa ɔ wo ta ya a. Wo wan nɛnɛn fea ti chɛ nu, wo kɔn gbondo chɛ bɔ pɛn wo ta ya a, mbɛ wo kun‑da gbɛ kaina yen koe a gbadan, a bubuu chɛ bɔ koe a wo bɔɛ ya a.”

CHƆN 13:29

A ni fɛ den chɛ n dɔ n yii ma, mbɛ Chisɔsi na‑a a sɔ wan ka, a ni ta daun fenɛ san, kun bɔ a ɔ bɛn chɛ ko a. Ni chɛ ma, a ni fen den be yɔn tɔɛ n ma. A yen ko, a wan Chudasi, an ni an 'na kɔpɔ sa tena ɔ bɛn mɔɛ a.

CHƆN 5:41

“Mɔ gbu 'a tando n ko a, n ma a yen ni fen kɔ fen na.

CHƆN 5:44

Wo bu ɔ dia‑a wan, wo e ma wo nyɔn bai‑a. Chɛɛ wo ee koe n ma, an ma buɛ n na, min mbe a ma, a wɛn mu dechee Yataa a, a ni wo bai. Mbɛ wo e che ka ma, wo ni dan n na?

CHƆN 7:18

Mɔɛ min mbe kanɛ chɛ, a wandi kun ma a a, a toen mu a ni a wandi an na buu fɛ. Chɛɛ mɔɛ min toen mu, mɔɛ min‑na a sɔ, a ni tando ma sɔn, a mɔɛ chɛ tea mɔɛ mu. A ee fania kan kɔ kan fɔ.

CHISƆSI 'A SƆ MƆƐ NU 10:2

An kamin chɛ ni mɔɛ an na, min ni kooya be Yataa ma. A ni Yataa fai wan tima ɔ tima ko a, an bɛ a 'a chen 'na mɔɛ n gbɛɛ a. A boo fenɛ nii ma dɔɔ, a ni min be, basan koe a yɔn tɔɛ n ma. A gboo ɔ nii fa, samunɛ chɛ koe a.

CHISƆSI 'A SƆ MƆƐ NU 10:31

Mbɛ a‑a a fɔ, a ɔ, ‘Kɔniyɔsi, Yataa‑a i 'a samunɛ a min. A sin, a‑a a ɔ yen, e boo fenɛ miin be yɔn tɔɛ n ma.

CHISƆSI 'A SƆ MƆƐ NU 10:4

A‑a maeka chɛ ma fɛn fan tidan, a chianden ba ɛ. Mbɛ a‑a a ɔ tisa, a ɔ, “Mansa, fen mu?” Mbɛ maeka chɛ ɔ, “Yataa‑a i 'a samunɛ n na min. A‑a a ɔ yen, e boo fenɛ miin be tena yɔn tɔɛ n ma. A sin, a ma bɛnden mu, a ni i 'a samunɛ a bia.

CHISƆSI 'A SƆ MƆƐ NU 11:29

Chisian chɛ n‑na a ɔ bɛn fan, an sɔɛ gbɛɛ ɔ, an ni an boo fenɛ n na ta, basan koe a an suun ma nyɔɛ n ma Chasi ɔ, miin ni Chudia chɛnyɛ ɔ. An dɔ, an ni chɛ ma yɔ an 'na gbasaya ɛ kun min nyɔn sima ma.

CHISƆSI 'A SƆ MƆƐ NU 24:17

“N‑na san sɛsɛ ya wan, n ka‑a kɛn Chuusaɛn duu ɔ. Chɛɛ chɛ gbakɔ, n ta‑a wan nɔ, fen den be koe a yɔn tɔɛ n ma, a yɛ to, yasi bɔ koe a Yataa tena.

CHISƆSI 'A SƆ MƆƐ NU 9:36

Chɔpa duu wɛɛ ɔ, musu dɔndɔ ni wan nɔ, min tɔ ni Tabita. A na‑a a kai fa wan Chisɔsi a. Kiisi mɔɛ n ni a chee, an dɔ, Dɔkasi, min fasaien ni dɔmba. A 'a fɔɛ gbɛɛ ɔ, a ni wai nyima wa an chɛ, a ɛ basan yɔn tɔɛ n bɛɛ ma.

GBOO DOMI KO A 12:8

Ni an faa ma nande koe mu chɛndɛ chɛ, mmɔ a ma ka. Mɔ ɔ mɔ min mbe mɔ dɔ gbɛɛ n deman‑da, a ni an deman a faa gbɛɛ a. Ni mɔ ɔ mɔ ma‑a gbasaya ɔ, a mɔɛ chɛ ni wai chɛ chɛndɛ chɛ. A sin, ko chɛndɛ ma faa ɛ mɔɛ min dɔ, a mɔɛ chɛ ma a ya kɔɔɛ sisi, ni a ma‑a an ko chɛndɛ ma‑a mɔɛ n na.

GBOO SAA KƆYINDI KO A 13:3

N gbu ni n boo fenɛ gbɛɛ be wɛɛ mɔɛ n ma, n ni n fandi gbu be, an ni n minda, koadia ni ma n faa ɔ. Chɛɛ ni a ee a ɔ, n mbe ee ko chɛndɛ kan kɔ kan ma sɔn chɛ gbakɔ.

Gboo Kadesia Ko A 2:10

An dechee mu, miin‑na nn dɔ tisa, yɔn tɔɛ n deman koe a tima ɔ tima ko a. A sin, koe chɛndɛ chɛndɛ gbu an nii nɛ, n ma bɛnden ni min ma koe a.

Gboo Ɛfisɔsi Ko A 4:28

Mɔɛ min mbe kanka chɛ, a ma a chɛ to. Chɛɛ ɛ min ma, a ni a gboo be wai chɛ koe a. A ni wai chɛ tea chia a, a boo fea a. Chɛ an mbe a ma‑a, a bɔɛ chɛ nu, fen mbe ee miin boo ɔ, a ni kun basan koe an ma.

Gboo Saa Tɛsadonika Ko A 2:6

Nn tando koe nɛnɛ, a ee nn yii ma. Nn ma wo ɔ tisa ni a ma koe a, mɔ dɔ gbɛɛ n bɛɛ a.

1 TIMOTI 6:18

N toen mu i ni a fɔ an ye, an ni ko chɛndɛ ma, an ni nyan wai chɛndɛ ɔ, an ni ma boo ka tɔ wa a, an ma bɛndenɛ ni ma tima ɔ tima chɛ a.

FIDEMƆN 1:7

I 'a suun ma nyɔncha koadia, a mu buɔdia a n tena, a‑a n faa chima wan. Koe min na mu, n suun ma nyɔɛ Chasi ɔ, i‑a buɔdia be wan Yataa 'a mɔɛ n gbɛɛ ma.

GBOO IBU MƆƐ N KO A 13:16

Wo ma nyina ko chɛndɛ ma koe a, a basan wo nyɔn deman koe a. Koe min na mu, koe n fan nɛ miin mu yasi a, Yataa faa chima koe a.

1 PITA 4:11

Yataa 'a bai sa wai nyima, an chɛen mu wo dɔ n na. Chɛ ko a, wo Yataa 'a sakana bai ɔ yian mɔɛ n na, yɔ Yataa wandi an mbe ka koɔ‑a wo ɔ. Mɔ deman wai nyima an been mu wo dɔ n ma. Chɛ ko a, wo deman chɛ chɛ wo sɔɛ gbɛɛ a, Yataa‑a min be wo ma. Chɛ ɛ a ma‑a wan tando ni be Yataa ma, ko ɔ ko kan kɔ kan ko a, Chisɔsi Chasi 'a gbasaya ɔ. Basɔmaya ɛ be an ma, a sin fan ta mu to gbasaya a, kuɔ fɔ ni kuɔ fɔ ko a. A ni ma ka.