MATIU 6:14 - Yataa 'a Dɔbɛnɛ Nama

¹⁴ Chisɔsi ɔ, “Samunɛ ɛ chɛ ka wan, koe min na mu, ni wo‑a wo boo bɔ mɔɛ n 'na ko yama an dɔ, an‑na miin ma wo a, Fa Yataa wɛɛ, min mbe banda bu ɔ, ɛ a boo bɔ‑a wan wo 'a ko yama n dɔ.

MATIU 6:14 ပူးပေါင်းရင်းမြစ်များ

MATIU 5:7

“Mɔɛ miin mbe chinchin an bɔɛ n ma, an duaen mu. Yataa ɛ chinchin‑da wan an ma.

MATIU 6:12

I boo bɔ nn 'na ko yama n dɔ, yɔ nn bɛɛ, nn mbe nn boo bɔ buɛ min dɔ ko yama n dɔ, an mbe miin ma nn na.

MATIU 7:2

Koe min na mu, wo e wo bɔɛ n ma bɔ‑a buɛ min dɔ, Yataa wɛɛ ɛ kaa a tɛ‑a ka wan wo wakoe ma. Wo e wo bɔɛ n bia‑a buɛ min dɔ, Yataa wɛɛ ɛ wo bia‑a ka wan.

MAKI 11:25

A sin, tima ɔ tima ko a, ni wo‑a wo kɔɔ sɔ samun chɛ koe a, wo wo boo bɔ pɛn ko yama chɛ ɔ, mɔ ɔ mɔ na‑a min ma wo a. Chɛ an mbe a ma‑a, wo fa wɛɛ, min mbe banda bu ɔ, a ni a boo bɔ wo 'a ko yama n dɔ, wo‑a miin ma.”

DUKU 6:37

Chisɔsi ɔ, “Wo ma wo bɔɛ n ma bɔ. Ni wo ma chɛ ma ni, Yataa wɛɛ ee kaa a tɛ‑a wo wakoe ma. Wo ma kaa yama a tɛ. Ni wo ma chɛ ma ni, Yataa wɛɛ ee wo yɛi‑a. Wo wo boo bɔ wo bɔɛ n 'na ko yama maenɛ n dɔ wo a. Ni wo‑a chɛ ma, Yataa wɛɛ‑a a boo bɔ‑a wan wo ta ko yama maenɛ n dɔ.

Gboo Ɛfisɔsi Ko A 4:32

A sin to, wo faa ni nyan wo nyɔn ko a, wo ni ko chɛndɛ ma wo nyɔn na. A yɛ to, wo ni wo boo bɔ ko yama n dɔ, wo bɔɛ n mbe miin ma wo a, yɔ Yataa‑a a ma buɛ min dɔ, Chisɔsi Chasi ɔ, ɛ a boo bɔ wo 'a ko yama n dɔ.

Gboo Kɔdɔsai Ko A 3:13

Wo gboo ɔ ma fa, wo faa bia koe a wo nyɔn na. A sin, ni gbonyɛ ma‑a wo dɔndɔ wɛɛ da a, a bɔɛ ko a, a ni a boo bɔ an bai chɛ ɔ. Wo wo bɔɛ n to nɔ, ni an‑na ko yama ma wo a, yɔ Mansa Chisɔsi wɛɛ‑a wo to buɛ min dɔ nɔ, wo 'a ko yama n ko a.

CHIMISI 2:13

Koe min na mu, Yataa ɛ kaa a tɛ‑a wan chɛ n ma, miin nii chinchimaya yian, a ni an tɔɔ. Chinchimaya tɔɛ n sin, an mbe chinchimaya sɔn‑da wan.

1 CHƆN 3:10

Yataa 'a denɛ nu, ni Sitana 'a denɛ nu, mmɔ ɛ na tena an tɛ bɔɛ sɔn‑da ka wan. Mɔɛ min mbe ee tan‑da, Yataa 'a den ma a mɔɛ chɛ a, n mbe ee baa mɔɛ chɛ ma, min ma to ni a suun ma nyɔɛ a.