MATIU 5:9 - Yataa 'a Dɔbɛnɛ Nama

⁹ “Mɔɛ miin mbe mɔɛ n tɛ ɔ bɛn, an duaen mu. Yataa ɛ an ya‑a wan a 'a denɛ n na.

MATIU 5:9 ပူးပေါင်းရင်းမြစ်များ

MATIU 5:45

Ni wo‑a chɛ ma, wo e ma‑a wan Fa Yataa, min mbe banda bu ɔ, a gbɔgbɔɔ denɛ n na. Koe min na mu, a wan Yataa dɔndɔ gbe chɛ, an mbe a ma, mɔ yama n mbe tee ma sɔn, an basan mɔ chɛndɛ n bɛɛ a. Ɛ a ma wan to, mbɛ mɔɛ chɛndɛ n‑na sona ma sɔn, an basan mɔ yama n bɛɛ a.

MATIU 5:48

Chɛ an‑na a fɔ, koadia ma ban wo faa ɔ mɔ dɔ mende n ko a, yɔ koadia ee ban buɛ min dɔ Fa Yataa, min mbe banda bu ɔ, a faa ɔ.”

DUKU 20:36

An mbe ee fa‑a to, koe min na mu, an mbe ma‑a wan yɔ maeka nu. An mbe ma‑a wan Yataa 'a denɛ n na, koe min na mu, Yataa‑a an kɔɔ sɔ a ka saya ɔ.

DUKU 6:35

Chɛɛ wo e min ma, wo to wo ko don ma nyɔɛ n na, mbɛ wo‑a ko chɛndɛ ma an na. Kuiɛ a dɛ, a sin wo ma wo yii na chii a a yɛ koe a wo ma. Ni wo‑a koe chɛ n ma, Yataa ɛ tɔnɔnɛ chenama be‑a wan wo ma, mbɛ wo sɔnɛ bɔ‑a Yataa Wa sɔnɛ a. A mu min na, ɛ ko chɛndɛ ma wan wai nyima sɔn bai n na, a basan chɛ n na, miin yau kaka.

CHISƆSI 'A SƆ MƆƐ NU 7:26

Mbɛ banda ɔ ka‑a tee dɔndɔɛ ma, a‑a a tan fan, a 'a mɔɛ n mbe butuin chɛ‑a, an mɔ fea. Mbɛ a‑a a yii na chii bai sa koe a an tɛ ɔ. Mbɛ a‑a a fɔ an ye, a ɔ, ‘Wo wo too ma sɔ, wo mu suun ma nyɔn dɔndɔɛ n fan na. Wo ma wo nyɔn bia yama yama.’

GBOO DOMI KO A 12:18

Wo ta nan gbu, wo butuin chɛ chia ɔ chia a, wo ni ma faachima ɔ mɔ ɔ mɔ a.

GBOO DOMI KO A 8:14

Yataa Nyina ɛ chia yian mɔɛ miin na, an fan mu Yataa 'a denɛ n na.

GBOO DOMI KO A 8:16

Yataa Nyina chɛ, an sa‑a mmɔ ta nyina n kaa a, a fɔ koe a, mbɛ Yataa 'a denɛ n mu mmɔ a.

GBOO DOMI KO A 8:19

Yataa‑a fenɛ miin gbɛɛ a dan, an gbɛɛ ɛ wan gbɛ makɔnɛ chɛ‑a nyaka, nyaka, tima chɛ ko a, tima min na Yataa ɛ a 'a denɛ n yian‑da.

GBOO SAA KƆYINDI KO A 6:6

Chɛɛ wo suun ma nyɔn dechee dechee nu Chasi ɔ, wo wan mbe ta wo nyɔn na, kuti ɔ. Wo e ta mɔɛ chɛ n chen kɔɔ, miin ma an kai fa ni Chisɔsi a, wo 'a bai sa koe a.

GBOO FEAN BƆƐ KƆYINDI KO A 13:11

N suun ma nyɔɛ nu Chasi ɔ, an nɛ, wo buɔdia bɔ. Wo butuin chɛ, wo ni wo tachɛ buɛ n dɔ bɛn. Wo wo too ma sɔ n 'na dasi n ma. Wo ma kuiɛ dɔndɔɛ ɔ, wo ni ma faachima ɔ. A sin, Yataa min mbe faachima be, koadia ɛ to a faa ɔ, ɛ ma‑a wan wo kɔ.

GBOO FEAN BƆƐ KƆYINDI KO A 5:20

Chɛ ko a, nn yen ko gbɛ nɛ, nn mu Chasi 'a sɔ mɔɛ a. Nn mbe a ɔ yian‑da, a maenɛ mu yɔ Yataa wandi an mbe koɔ tena nn dɔ. Nn mbe wo disa tena, yɔ Chasi wandi an mbe koɔ tena, Yataa ni a ma wo ni mun chɛɛ ma nyɔncha ɔ, wo ni ma a dia nyɔɛ n na.

Gboo Kadesia Ko A 5:22

Chɛɛ ni Yataa Nyina ma‑a mɔɛ fɛ, ɛ a mɔɛ chɛ ma ka wan. An fan nɛ koadia a, buɔdia, faachima, faabia, ko chɛndɛ ma, mɔ chɛndɛya, ni mɔɛ ma koe danaya tɔɛ a.

Gboo Ɛfisɔsi Ko A 4:1

Chɛ an fɛ mu, n fan, n fɛn mbe ka bia ɔ, Mansa Chisɔsi ko a, n mbe wo disa tena wo ni chɛ ma. Yataa‑a wo chee ka buɛ min dɔ a ta mɔɛ n na, wo ma an fɔɛ ɔ, min ma biaen mu an chee chɛ ko a.

Gboo Fiipai Ko A 4:2

N mbe Yuodia disa tena, an fea Sintiche a, an ni ma kuiɛ dɔndɔya ɔ, yɔ wo suun ma nyɔɛ nu Mansa Chisɔsi ɔ.

Gboo Kɔdɔsai Ko A 3:13

Wo gboo ɔ ma fa, wo faa bia koe a wo nyɔn na. A sin, ni gbonyɛ ma‑a wo dɔndɔ wɛɛ da a, a bɔɛ ko a, a ni a boo bɔ an bai chɛ ɔ. Wo wo bɔɛ n to nɔ, ni an‑na ko yama ma wo a, yɔ Mansa Chisɔsi wɛɛ‑a wo to buɛ min dɔ nɔ, wo 'a ko yama n ko a.

GBOO IBU MƆƐ N KO A 12:14

Wo butuin chɛ, ma koe a faachima ɔ mɔ ɔ mɔ a. A sin to, wo ni ma tenchen Yataa ko a. Koe min na mu, mɔ ɔ mɔ ee Mansa Yataa yen‑da, ni a ee ka.