MATIU 5:8 - Yataa 'a Dɔbɛnɛ Nama

⁸ “Mɔɛ miin faa ɔ gbɛen mu, an duaen mu. An mbe Yataa yen‑da wan.

MATIU 5:8 ပူးပေါင်းရင်းမြစ်များ

CHISƆSI 'A SƆ MƆƐ NU 15:9

A sin ma tɛ bɔ kan kɔ kan yian ni mmɔ tɛ, mmɔ bɛ an na. Chɛɛ a‑a a ma wan, an faa ɔ gbɛ‑a, koe min na mu, an‑na an kai fa Chisɔsi a.

GBOO SAA KƆYINDI KO A 13:12

Sanche gbɛ, mmɔ ɛ koe ɔ yen mia mia, yɔ mɔɛ ɛ ma mɛmɛ ɔ fɛn‑da. Chɛɛ tima ɛ che‑a wan, mmɔ ɛ a yen‑da tima min na gboden, mmɔ ya fea sɔenɛ a nyɔn na. N ma ko a tenden sɔn bɛ, chɛɛ a da ɛ na‑a wan fa a. A da ɛ fa‑a wan, yɔ n bakoe ɔ sɔn koe da faen mu buɛ min dɔ Yataa boo ɔ.

GBOO FEAN BƆƐ KƆYINDI KO A 7:1

N dia nyɔɛ nu, tooɔdia chɛ n fan mbe mmɔ ko a. Chɛ ko a, mmɔ mmɔ boo a ko, a bɔ ko yama gbɛɛ ɔ. Fen kɔ fen, miin mbe a ma, mmɔ ma ɛ nyamui Yataa tena, mmɔ 'a fɔɛ gbɛɛ ɔ, mmɔ ni mmɔ boo a ko an ma. Mmɔ gbu sin, mmɔ 'a fɔɛ gbɛɛ ɔ, mmɔ ni ma tenchen Yataa ko a, a ma chianɛ ni ma mmɔ ɔ.

TAITƆSI 1:15

Mɔ ɔ mɔ tena min yiima a koen mu, fen kɔ fen nyin fan. Chɛɛ mɔɛ min yiima a ma ko ni, danaya ee mɔɛ min dɔ Chisɔsi ko a, fen kɔ fen ma nyin. Koe min na mu, a yiima ɔ chɛen fan mu, a basan a 'a yiinachii a.

GBOO IBU MƆƐ N KO A 10:22

Chɛ an fɛ mu, mmɔ na Yataa baima, faa chɛndɛ a, a yɛ to, mmɔ kai faenɛ a a gban. Mmɔ faa ɔ gbɛenɛ ni ma, mmɔ yiima a koenɛ ɛ fo, mmɔ gboo wɛɛ ma koenɛ, mmɔ gbɛenɛ fo.

GBOO IBU MƆƐ N KO A 12:14

Wo butuin chɛ, ma koe a faachima ɔ mɔ ɔ mɔ a. A sin to, wo ni ma tenchen Yataa ko a. Koe min na mu, mɔ ɔ mɔ ee Mansa Yataa yen‑da, ni a ee ka.

GBOO IBU MƆƐ N KO A 9:14

Ni soe wii ɛ chɛ ma wan, a ɔ gbɛ Chasi ta wii? A wɛn nii ma ko yama kan kɔ kan ma ni, chɛɛ a‑a a wandi fɔɛ be, mmɔ ko a, Yataa Nyina 'a gbasaya ɔ, min mbe kuɔ fɔ ko a. Chɛ an fɛ mu, Chasi wii ni mmɔ yiima a ko, a ni koe n ka mmɔ yii ma miin mbe na saya a, mmɔ ni Yataa fai, min mbe kuɔ fɔ ko a.

CHIMISI 3:17

Chɛɛ koe saa saa mu min na, Yataa ta yiimatɛ, ko ɔ ko ee a ma. Sɔnkɔ sɔnkɔ ee a kɔ chia a, faachima an mbe a ɔ. A yɛ to, basamaya an be a ɔ, chinchimaya, ni ko chɛndɛ ma. Yiimatɛ an nɛ, min mbe ee mɔ ya bɔ, nɛnɛn feaya sin mbe ee a ɔ.

CHIMISI 4:8

Wo gbɛn Yataa ma, mbɛ a wɛɛ, ɛ gbɛn‑da wan wo ma. Wo wo boo a ko, wo wan ko yama ma mɔɛ nu. Wo faa ɔ ni gbɛ, wo wan nɛnɛn fea ti nu.

1 PITA 1:22

Wo‑a wo boo a si min chɛ sakana bai chɛndɛ chɛ kɔɔ, tea mu min na, wo ko‑a gbɛ, a bɔ wo 'a ko yama n dɔ. Chɛ ni a ma, koadia chɛndɛ ni ma gbɛ wo ɔ. Ni a sin ma‑a ka, wo ni to wo nyɔn na pien, wo faa gbɛɛ a.

KO Ɔ NUNDENƐ 22:4

An mbe Yataa ya kɔɔɛ yen‑da wan, a tɔɛ sin mbe nyɛn‑da wan an tee teeya n na.