MATIU 5:7 - Yataa 'a Dɔbɛnɛ Nama

⁷ “Mɔɛ miin mbe chinchin an bɔɛ n ma, an duaen mu. Yataa ɛ chinchin‑da wan an ma.

MATIU 5:7 ပူးပေါင်းရင်းမြစ်များ

MAKI 11:25

A sin, tima ɔ tima ko a, ni wo‑a wo kɔɔ sɔ samun chɛ koe a, wo wo boo bɔ pɛn ko yama chɛ ɔ, mɔ ɔ mɔ na‑a min ma wo a. Chɛ an mbe a ma‑a, wo fa wɛɛ, min mbe banda bu ɔ, a ni a boo bɔ wo 'a ko yama n dɔ, wo‑a miin ma.”

DUKU 6:35

Chɛɛ wo e min ma, wo to wo ko don ma nyɔɛ n na, mbɛ wo‑a ko chɛndɛ ma an na. Kuiɛ a dɛ, a sin wo ma wo yii na chii a a yɛ koe a wo ma. Ni wo‑a koe chɛ n ma, Yataa ɛ tɔnɔnɛ chenama be‑a wan wo ma, mbɛ wo sɔnɛ bɔ‑a Yataa Wa sɔnɛ a. A mu min na, ɛ ko chɛndɛ ma wan wai nyima sɔn bai n na, a basan chɛ n na, miin yau kaka.

GBOO DOMI KO A 11:30

Wo nan sin, wo wɛn ma Chu mɔ a, wo na‑a Yataa da a kuiɛ yɔn fan tee. Chɛɛ Chu mɔɛ n‑na Yataa da a kuiɛ min yɔn, an mbe a ma tena ka gbɛ, a wan Yataa ɛ chinchin‑da wo ma.

GBOO SAA KƆYINDI KO A 7:25

Ka n mbe koɔ gbɛ, a si den tɔngbɔɛ n ma, miin ma si nin bɛ fuu ɔ, wo‑a gboo nyɛn a si miin ma. Mansa Chisɔsi an ma chɛ don ni n da ɔ, n mbe ka min fɔ‑a. Chɛɛ bai min mbe n da a, n mbe ka an fɔ‑a. N mbe koɔ tena wan, yɔ mɔɛ, wo e kun wo ni dan min na. Koe min na mu, Yataa chinchinden fan mu n ma.

GBOO FEAN BƆƐ KƆYINDI KO A 4:1

Chɛ an fɛ mu, nn faa ee yɔn wai chɛ chɛ koe a. Koe min na mu, Yataa 'a chinchincha ɔ mu, a‑a wai chɛ be nn ma a chɛ koe a.

Gboo Ɛfisɔsi Ko A 4:32

A sin to, wo faa ni nyan wo nyɔn ko a, wo ni ko chɛndɛ ma wo nyɔn na. A yɛ to, wo ni wo boo bɔ ko yama n dɔ, wo bɔɛ n mbe miin ma wo a, yɔ Yataa‑a a ma buɛ min dɔ, Chisɔsi Chasi ɔ, ɛ a boo bɔ wo 'a ko yama n dɔ.

Gboo Kɔdɔsai Ko A 3:12

Wo gbɛɛ, wo e gbɛ Yataa an na boo ma. A to‑a wan wo a, a sin‑na a boo sɔ wan wo ma, a ta mɔɛ n na. Chɛ an‑na a fɔ, chinchimaya faa ni ma wo ɔ, ni ko chɛndɛ ma faa. A yɛ to, wo ni wo wandi ma yii, wo ni wo ma chima, a sin, wo ni wo faa bia.

1 TIMOTI 1:13

N na‑a a main fan, mbɛ n‑na ko ma gbaaenɛ si a 'a mɔɛ n na. Chɛɛ Yataa chinchin‑da wan n ma, koe min na mu, danaya nii n dɔ a tima a Chisɔsi Chasi ko a, a sin, n nii ma a ɔ sɔn n ni koe min ma tena.

1 TIMOTI 1:16

Chɛɛ Yataa chinchin‑da n ma, min mbe a ma, Chisɔsi Chasi ni kun a ɔ yian‑da mɔɛ n na, ɛ a faa bia buɛ min dɔ ko yama ma mɔɛ n na. A 'a tɔmɔsi ma‑a n fan na, n fan mansa chɛ, ko yama ma mɔɛ n ko a. A 'a tɔmɔsi ma‑a n na, mɔɛ chɛ n gbɛɛ tena, miin mbe an kai fa‑a Chasi a, kuɔ fɔ fɔɛ ko a.

GBOO IBU MƆƐ N KO A 4:16

Chɛ ko a gbɛ, mmɔ ma sika, mmɔ ma na koe a Yataa 'a mansaya sea tena, koadia demanɛ ma ɛ sɔn kaina min. Chɛ an mbe a ma‑a, a ni chinchin mmɔ ma, mbɛ mmɔ‑a a 'a koadia demanɛ ma sɔn, tima min na mmɔ toenɛ ɛ ma‑a demanɛ a.

GBOO IBU MƆƐ N KO A 6:10

Koe min na mu, Yataa ee kaa yama a tɛ, a ni nyina wai chɛndɛ chɛ ma, wo‑a min chɛ. A yɛ to, wo na‑a Yataa 'a mɔɛ n bia wan chɛndɛ chɛ, wo sin mbe tun an bia‑a a buɛ ɔ. Chɛ‑a a ɔ yian fan Yataa a, mbɛ wo toen mu a a.

CHIMISI 2:13

Koe min na mu, Yataa ɛ kaa a tɛ‑a wan chɛ n ma, miin nii chinchimaya yian, a ni an tɔɔ. Chinchimaya tɔɛ n sin, an mbe chinchimaya sɔn‑da wan.

CHIMISI 3:17

Chɛɛ koe saa saa mu min na, Yataa ta yiimatɛ, ko ɔ ko ee a ma. Sɔnkɔ sɔnkɔ ee a kɔ chia a, faachima an mbe a ɔ. A yɛ to, basamaya an be a ɔ, chinchimaya, ni ko chɛndɛ ma. Yiimatɛ an nɛ, min mbe ee mɔ ya bɔ, nɛnɛn feaya sin mbe ee a ɔ.

1 PITA 2:10

A saa a, Yataa 'a mɔ nii ma wo a. Chɛɛ sanche gbɛ a 'a mɔɛ mu wo a. A saa a, wo nii ma Yataa 'a chinchimaya ɔ sɔn. Chɛɛ sanche gbɛ wo ban‑da a 'a chinchimaya sɔn‑da.