MATIU 5:46 - Yataa 'a Dɔbɛnɛ Nama

⁴⁶ Chɛɛ ni wo to‑a dechee mɔɛ n na, miin toen mu wo a a, wo ee tɔnɔn ma sɔn chɛ ko a Yataa a. Koe min na mu, mɔɛ miin mbe pawa kain, an mbe a ma ka wan.

MATIU 5:46 ပူးပေါင်းရင်းမြစ်များ

MATIU 11:19

Chɛɛ n fan, Mɔ Gbu 'a Denɛ, n na‑a kɛn, n mbe daunɛ chɛ wan, a yɛ to, n mbe gbɛ min fan. An‑na a fɔ wan to, an dɔ, nun namaya tɔɛ mu n na, an dɔ, kɔn gbasi kai mu to n na. An dɔ te to, n fan mu pawa kain mɔɛ n dia nyɔɛ a, a basan mɔɛ tɔɛ n na, miin mbe ee sɔ ɔ Yataa 'a chia ma. Chɛɛ mɔɛ n mbe a ɔ yen‑da wan, mbɛ Yataa 'a yiimatɛ an mu tea tea yiimatɛ a. An mbe chɛ ɔ yen‑da koe n fan ma, mɔɛ chɛ n mbe miin ma‑a, mɔɛ chɛ nu, Yataa‑a a 'a yiimatɛ chɛ be miin ma.”

MATIU 18:17

Ni chɛ wɛɛ ma‑a, chɛɛ a ma dɔn ni a 'a ko yama ma gba chɛ ma to, a ma siibia gbɛ chɔchi gbu ɔ. Ni a ma a too ma sɔ ni gbɛ chɔchi mɔɛ n bɛɛ ma, ka a fɛ, a bia yɔ mɔɛ min ma Yataa sɔn.

MATIU 5:47

Ni wo e chia ɔ bɔɛ chɛndɛ chɛ dechee wo suun ma nyɔɛ n fan na, tɛ bɔ ee wo ma, wo bɛ mɔ dɔ mende n na. Koe min na mu, mɔɛ miin bɛɛ ma Yataa sɔn, an mbe a ma ka wan.

MATIU 6:1

Chisɔsi ɔ, “Ni wo ma‑a a sɔ‑a wo 'a Yataa fai manda n fɛ, wo ma a ma fanka ɔ den. Ni wo‑a chɛ ma, Fa Yataa, min mbe banda bu ɔ, a ee na‑a tɔnɔn kan kɔ kan be‑a wo ma.

MAKI 2:15

Chɛ gbakɔ, Chisɔsi n ni wan si ɔ daun chɛ tena, Difai 'a chenɛ a. A tima chɛ a, pawa kain mɔ sɛsɛ nu, a basan mɔ dɔ mende n bɛɛ a, miin nii sɔ ɔ Yataa 'a chia ma, an gbɛɛ ni wan Chisɔsi fɛ. An sin, a sɛsɛ na‑a wan, an bun‑da daunɛ chɛ‑a an bɛ Chisɔsi a, a basan a fɛ denɛ n na.

MAKI 2:16

Mbɛ Fayisii mɔɛ chɛ dɔ nu, miin ni sawa kan min be‑a Mosisi ma, an ni wan nɔ. An na‑a Chisɔsi yen fan daunɛ chɛ‑a, an bɛ mɔɛ n na, miin nii sɔ ɔ Yataa chia ma, a basan pawa kain mɔɛ chɛ n na. Mbɛ an dɔ a fɛ denɛ n ma, an dɔ, “Kai chɛ nii daunɛ chɛ ɛnden bɛɛ a, an bɛ mɔ bonda chɛ n na.”

DUKU 15:1

Tima dɔndɔ a, pawa kain mɔɛ nu, ni mɔɛ chɛ nu, miin nii sɔ ɔ Yataa 'a chia ma, an gbɛɛ na‑a wan, an too ma sɔ koe a Chisɔsi ma.

DUKU 18:13

“Chɛɛ pawa kain mɔɛ chɛ sɔ‑a wan pɔɔ, a 'a ko yama maenɛ koa‑a a ma, a‑a a kunɛ a bun gbudu. Mbɛ a‑a a boo bun a kaa ɔ, a ɔ, ‘Yataa, chinchin n ma. Ko yama ma mɔɛ mu n na.’ ”

DUKU 19:2

Yatina, pawa kain mɔɛ n ya ɔ sɔɛ ni wan nɔ Chɛiko, min tɔ ni Sakayɔsi. Nyan tɔ wa ni a a.

DUKU 19:7

Mɔɛ miin gbɛɛ‑a koe chɛ ɔ yen ka, an bun‑da gbonyɛ‑a, an dɔ, “A yen bɛ, ɛ ta‑a kamin chɛ 'a sondaya a, min mbe ee sɔ ɔ Yataa 'a chia ma.”

DUKU 3:12

Pawa bia mɔɛ dɔ n bɛɛ na‑a wan Chɔn tena, yii chɛ koe a an kunɛ ɔ, Yataa chia a. Mbɛ an dɔ, “Ticha, nn mbe ma ka ma?”

DUKU 5:29

Mbɛ Difai‑a daun chɛ bɛn ba ɔ bɛn fan a 'a chenɛ a, Chisɔsi ko a. Pawa kain mɔ sɛsɛ ni wan nɔ, ni mɔ dɔ mende nu, an bɛn chɛ ɔ, an gbɛɛ mbe si ɔ daun chɛ a, an bɛ Chisɔsi n na.

DUKU 5:30

Mbɛ Chu mɔɛ dɔ nu miin ni Fayisii n na, an bɛ an 'na mɔɛ n na, miin ni Chu n 'na sawa kan, an bu ɔ nii ma dia ni. An gbonyɛ‑a wan Chisɔsi a, a fɛ denɛ n tena, an dɔ, “Wo kan mɔ ee ka ko chɛndɛ a. A ma nyin wo ni daunɛ chɛ kaina dɔndɔɛ, wo bɛ pawa kain mɔɛ chɛ n na, a basan mɔ dɔ gbɛɛ n bɛɛ a, miin mbe ee sɔ ɔ Yataa 'a chia ma.”

DUKU 7:29

Mɔɛ chɛ n gbɛɛ, a basan pawa kain mɔɛ chɛ n na, an‑na a a min, Chisɔsi‑a bai min fɔ. A sin an gbɛɛ dɔn‑da wan a ma, mbɛ Yataa toen mu koe min na, a mu tea koe an na. A mu min na, Chɔn na‑a yii chɛ wan an kunɛ ɔ tee, Yataa chia a.

DUKU 7:34

Chɛɛ n fan, Mɔ Gbu 'a Denɛ, n na‑a, n mbe daunɛ chɛ, a yɛ to, n mbe gbɛ min fan. Wo‑a a fɔ wan to, wo ɔ, nun namaya tɔɛ mu n na, wo ɔ, kɔn gbasi kai mu to n na. Wo ɔ te to, n fan mu pawa kain mɔɛ n dia nyɔɛ a, a basan mɔɛ tɔɛ n na, miin mbe ee sɔ ɔ Yataa 'a chia ma.